ആംബര്‍ ഹേര്‍ഡുമായുള്ള മാനനഷ്ടക്കേസ് വിജയിച്ചതിനു ശേഷം ആഘോഷത്തിനായി എത്തിയത് ഇന്ത്യയില്‍…! പൊടിപൊടിച്ചത് 49 ലക്ഷം രൂപ

നടിയും മുന്‍ഭാര്യയുമായ ആംബര്‍ ഹേര്‍ഡുമായുള്ള മാനനഷ്ടക്കേസ് വിജയിച്ചതിന്റെ ആഘോഷത്തിലാണ് ഹോളിവുഡ് നടന്‍ ജോണി ഡെപ്പ്. അനുകൂല വിധി വന്നതിന് പിന്നാലെ ഗിറ്റാറിസ്റ്റ് ജെഫ് ബെക്കിനോടൊത്ത് യുകെയില്‍ ഒരു സംഗീതപര്യടനത്തിനാണ് താരം പോയത്. ബെര്‍മിങ്ഹാമിലെ ബ്രോഡ് സ്ട്രീറ്റ് തെരുവില്‍ പ്രവര്‍ത്തിക്കുന്ന ഒരു റെസ്റ്റോറന്റില്‍ കയറി ഭക്ഷണം കഴിച്ച ഡെപ്പും ജെഫും ടിപ്പായി നല്‍കിയത് വന്‍തുകയാണ് എന്നതാണാ വാര്‍ത്ത.

ഇതെല്ലാം നടന്നത് വാരണാസി എന്ന ഇന്ത്യന്‍ റെസ്റ്റോറന്റിലാണ് എന്നതാണ് ശ്രദ്ധേയമായ കാര്യം. ഇന്ത്യന്‍ ഭക്ഷണവും കോക്ടെയിലും റോസ് ഷാംപെയ്‌നുമാണ് രണ്ടുപേരും തിരഞ്ഞെടുത്തത്. ഇതിന് പിന്നാലെയാണ് ജീവനക്കാരെയെല്ലാം ഞെട്ടിച്ച് 49 ലക്ഷം രൂപ ഇരുവരും ചേര്‍ന്ന് ടിപ്പ് നല്‍കിയത്.

അത്താഴം കഴിക്കാനാണ് ജെഫ് ബെക്കും ജോണി ഡെപ്പും എത്തിയതെന്നും അതില്‍ വളരെയധികം സന്തോഷമുണ്ടെന്നുമായിരുന്നു റെസ്റ്റോറന്റ് വക്താവിന്റെ പ്രതികരണം. ജീവിതത്തില്‍ ഒരിക്കല്‍ മാത്രം സംഭവിക്കുന്നത് എന്നാണ് ഇതേക്കുറിച്ച് റെസ്റ്റോറന്റ് അധികൃതര്‍ പറഞ്ഞത്. ജോണി ഡെപ്പും കൂട്ടരും ഭക്ഷണം നന്നായി ആസ്വദിച്ചെന്നും അദ്ദേഹം ഭക്ഷണം പാഴ്‌സല്‍ വാങ്ങിക്കൊണ്ടുപോയെന്നും വാരണാസിയുടെ ഓപ്പറേഷന്‍സ് ഡയറക്ടര്‍ ഹുസ്സൈന്‍ പ്രതികരിച്ചു.

ഇക്കഴിഞ്ഞ മേയ് 31-നാണ് മാനനഷ്ടക്കേസില്‍ ആംബര്‍ ഹേര്‍ഡ് ജോണി ഡെപ്പിന് 105 ദശലക്ഷം ഡോളര്‍ നല്‍കണമെന്ന് യുഎസിലെ ഫെയര്‍ഫാക്സ് കൗണ്ടി സര്‍ക്യൂട്ട് കോടതി വിധിച്ചത്. അനുകൂല വിധി വന്നതിന് പിന്നാലെ നടത്തിയ പര്യടനത്തിനിടെ പല പൊതുസ്ഥലങ്ങളിലും ജോണി ഡെപ്പ് പ്രത്യക്ഷപ്പെട്ടിരുന്നു.