പൃഥ്വിരാജിന് പിറന്നാളാശംസകളുമായി മോഹന്‍ലാല്‍…പിറന്നാള്‍ സമ്മാനമൊരുക്കി ‘ബ്രോ ഡാഡി’ ടീം; വിഡിയോ വൈറൽ

പൃഥ്വിരാജിന് പിറന്നാള്‍ ആശംസകളുമായി നടൻ മോഹന്‍ലാല്‍. പുതിയ ചിത്രമായ ‘ബ്രോ ഡാഡി’ ലൊക്കേഷനില്‍ നിന്നുള്ള പൃഥ്വിയുടെയും തന്‍റെയും ദൃശ്യങ്ങള്‍ ചേര്‍ത്തുള്ള വീഡിയോ പങ്കുവച്ചുകൊണ്ടാണ് മോഹന്‍ലാല്‍ പിറന്നാള്‍ ആശംസ നേര്‍ന്നത്.

ജന്മദിനം ആഘോഷിക്കുന്ന പൃഥ്വിയ്ക്ക് പിറന്നാള്‍ സമ്മാനവുമായി ‘ബ്രോ ഡാഡി’ ടീം എത്തിയിട്ടുണ്ട്. ബ്രോ ഡാഡിയുടെ ചിത്രീകരണസമയത്തെ പൃഥ്വിയുടെ രസകരമായ നിമിഷങ്ങള്‍ കോര്‍ത്തിണക്കിയ വിഡിയോ ആണ് അണിയറ പ്രവര്‍ത്തകര്‍ റിലീസ് ചെയ്തത്.

ലൂസിഫറിനു ശേഷം പൃഥ്വിരാജ് സംവിധാനം ചെയ്യുന്ന രണ്ടാമത്തെ ചിത്രമാണ് ബ്രോ ഡാഡി. മോഹന്‍ലാല്‍ നായകനാകുന്ന ചിത്രം ആന്റണി പെരുമ്പാവൂര്‍ നിര്‍മിക്കുന്നു. മോഹന്‍ലാല്‍, പൃഥ്വിരാജ്, മല്ലിക സുകുമാരന്‍, ലാലു അലക്‌സ്, ഉണ്ണി മുകുന്ദന്‍, മീന, കനിഹ, കല്യാണിപ്രിയദര്‍ശന്‍ എന്നിവരാണ് പ്രധാന അഭിനേതാക്കള്‍.

സിനിമയുടെ ചിത്രീകരണം ഈ മാസം ആറാം തീയതി അവസാനിച്ചിരുന്നു. ശ്രീജിത്ത് എന്‍, ബിബിന്‍ മാളിയേക്കല്‍ എന്നിവരുടേതാണ് തിരക്കഥ. ഛായാഗ്രഹണം അഭിനന്ദന്‍ രാമാനുജം. സംഗീതം ദീപക് ദേവ്. ചിത്രം ഡിസ്‍നി പ്ലസ് ഹോട്ട്സ്റ്റാറിലൂടെ ഡയറക്റ്റ് ഒടിടി റിലീസ് ആയിരിക്കുമെന്ന് റിപ്പോര്‍ട്ടുകള്‍ എത്തിയിരുന്നു. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണം വന്നിട്ടില്ല.