മലയാളികളുടെ പ്രിയ നടിയാണ് മഞ്ജു വാര്യർ. കര്‍മം കൊണ്ട് മലയാളിയാണെങ്കിലും ജന്മം കൊണ്ട് തമിഴ്‌നാട്ടുകാരിയാണ് മഞ്ജു. സിനിമയില്‍ വന്നപ്പോഴും പകരം വയ്ക്കാനില്ലാത്ത അഭിനയ മികവുകൊണ്ട് അത്ഭുതപ്പെടുത്തുകയാണ് ഈ പ്രായത്തിലും താരം.
മഞ്ജു വാര്യരോട് പ്രത്യേകമായൊരു സ്‌നേഹമുണ്ട് മലയാളിക്ക്. അത് പറയാതിരിക്കാൻ വയ്യ. പല കാര്യങ്ങളിലും മഞ്ജു പ്രചോദനമാണെന്നാണ് ആരാധകര്‍ പറയാറുള്ളത്. അഭിനയവും പാട്ടും ഡാന്‍സുമൊക്കെയായി സജീവമായ മഞ്ജു സോഷ്യല്‍ മീഡിയയിലൂടെയും വിശേഷങ്ങള്‍ പങ്കിടാറുണ്ട്.
ഒരു സര്‍പ്രൈസുമായി താനെത്തുന്നുണ്ടെന്ന് മഞ്ജു വാര്യര്‍ കഴിഞ്ഞ ദിവസം പറഞ്ഞിരുന്നു. സ്റ്റൈലിഷായുള്ള ചിത്രത്തിനൊപ്പമായാണ് മഞ്ജു ഇതേക്കുറിച്ച് പറഞ്ഞത്. എന്താണ് ആ സര്‍പ്രൈസ് എന്ന് ഊഹിക്കാമോയെന്നും താരം ചോദിച്ചിരുന്നു. പുതിയ സിനിമയെക്കുറിച്ചുള്ള പ്രഖ്യാപനമാണോയെന്നായിരുന്നു ആരാധകര്‍ ചോദിച്ചത്. നിരവധി പേരാണ് താരത്തിന്റെ ചോദ്യത്തിന് മറുപടിയുമായെത്തിയത്.
മണിക്കൂറുകള്‍ക്ക് ശേഷം നടി തന്നെ ആ കാര്യം വ്യക്തമാക്കി. സീ കേരളം ചാനലിന്റെ ബ്രാന്‍ഡ് അംബാസഡാറിയിരിക്കുകയാണ് മഞ്ജു വാര്യര്‍. മലയാളത്തിലെ വിനോദ ചാനലുകളില്‍ ഇതാദ്യമായാണ് ബ്രാന്‍ഡ് അംബാസഡര്‍ വരുന്നത്. പുതിയ റോളില്‍ താന്‍ എക്‌സൈറ്റഡാണെന്നും മഞ്ജു കുറിച്ചിട്ടുണ്ട്. ഇവിടെ ആസ്വാദനത്തിന് അതിരുകളിലെന്നും താരം പറഞ്ഞിരുന്നു. മഞ്ജുവിനെ സ്വാഗതം ചെയ്യുന്നതിന്റെ സന്തോഷം പങ്കിട്ട് ചാനല്‍ പ്രവര്‍ത്തകരും എത്തിയിരുന്നു.
താരങ്ങളും മഞ്ജുവിന്റെ വരവില്‍ സന്തോഷം പ്രകടിപ്പിച്ച് എത്തിയിരുന്നു. ഫീനിക്സ് പക്ഷിയെപ്പോലെ ഉയരത്തില്‍ പറക്കുന്ന മഞ്ജുവിന്റെ കരിയറില്‍ പുതിയൊരു പൊന്‍തൂവലായി മാറട്ടെ പുതിയ റോള്‍. ഇനി സീ കേരളം വേറെ ലെവലാവും. ഒരു ചാനലിന്റെ അംബാഡറായി മഞ്ജു എത്തുമെന്ന് കരുതിയിരുന്നു. ലെറ്ററും പിടിച്ചുള്ള ഫോട്ടോ കണ്ടപ്പോഴേ കാര്യം മനസ്സിലായിരുന്നു, ഇങ്ങനെ പോകുന്നു ആരാധകരുടെ കമന്റുകൾ.
സീ കേരളത്തില പരിപാടികളില്‍ അതിഥിയായി മഞ്ജു വാര്യര്‍ എത്തിയിരുന്നു. ഓണത്തിന് മഞ്ജു ഭാവങ്ങളെന്ന പ്രത്യേക പരിപാടിയുമായാണ് അണിയറപ്രവര്‍ത്തകരെത്തിയത്. ഭാവന, നിഖില വിമല്‍, പൂര്‍ണിമ ഇന്ദ്രജിത്ത് തുടങ്ങിയവരെല്ലാം ഈ പരിപാടിയില്‍ പങ്കെടുത്തിരുന്നു. വിവിധ പരമ്പരകളിലൂടെയായി പ്രേക്ഷകര്‍ക്ക് സുപരിചിതരായ താരങ്ങള്‍ മഞ്ജുവിന്റെ ഗാനങ്ങള്‍ക്കൊപ്പം ചുവടുവെച്ചിരുന്നു.
സൈമ അവാര്‍ഡ്‌സിലും മഞ്ജു വാര്യര്‍ തിളങ്ങിയിരുന്നു. മലയാളത്തിന് പുറമേ തമിഴിലേയും മികച്ച നടിക്കുള്ള പുരസ്കാരം സ്വന്തമാക്കിയിരിക്കുകയാണ് നടി. ലൂസിഫറിലേയും അസുരനിലേയും പ്രകടനത്തിലൂടെയാണ് മഞ്ജു മികച്ച നടിക്കുള്ള പുരസ്കാരം സ്വന്തമാക്കിയത്. മികച്ച നടിയായി തന്നെ തിരഞ്ഞെടുത്തവര്‍ക്ക് നന്ദി പറഞ്ഞും മഞ്ജു വാര്യരെത്തിയിരുന്നു.
ഇന്ന് യുവ തലമുറയ്ക്കിടയിൽ തരംഗമാണ് റാപ്പപ്‍ വേടനും അദ്ദേഹത്തിന്റെ ഗാനങ്ങളും. ഇപ്പോഴിതാ വേടന്റെ പാട്ട് പാഠ്യ വിഷയത്തിൽ ഉൾപ്പെടുത്തിയിരിക്കുകയാണ് കാലിക്കറ്റ് സർവകലാശാല....
