‘എന്തിനാടാ ഇതൊക്കെ എന്നോട് പറയുന്നേ? ഓരോരോ മാരണങ്ങളെ’; ഇ-ബുള്‍ ജെറ്റ് ഫോണ്‍ കോളില്‍ മുകേഷിന്റെ പ്രതികരണം!

യൂട്യൂബ് വ്ലോഗര്‍മാരായ ഇ- ബുള്‍ ജെറ്റ് സഹോദരമാരെ കഴിഞ്ഞ ദിവസം പോലീസ് അറസ്റ്റ് ചെയ്തതിനെ തുടർന്ന് നടനും കൊല്ലം എല്‍എഎയുമായ മുകേഷിനെ വിളിച്ച് ആരാധകരായ കുട്ടികള്‍. ഇവരുടെ ഫോൺ കോൾ സോഷ്യൽ മീഡിയയിൽ വൈറലാവുകയാണ്

ഇ-ബുള്‍ ജെറ്റ് വിഷയത്തില്‍ ഇടപെടണമെന്ന് ആവശ്യപ്പെട്ട് ഒരാള്‍ മുകേഷിനെ വിളിക്കുകയായിരുന്നു. എന്നാല്‍ സംഭവം മുകേഷിന് മനസിലായില്ല.

‘ഇ-ബുള്‍ ജെറ്റ്’ എന്ന് വിളിച്ചയാള്‍ മൂന്നോ നാലോ തവണ പറയുന്നുണ്ടെങ്കിലും ഇ ബഡ്ജറ്റെന്നും ഇ ബുള്ളറ്റെന്നും ഒക്കെയാണ് മുകേഷ് കേട്ടത്. കോതമംഗലത്തു നിന്നുമാണ് വിളിക്കുന്നത് എന്ന് പറഞ്ഞതോടെ നിങ്ങള്‍ കോതമംഗലം ഓഫിസില്‍ പറയൂ എന്നും മുകേഷ് പറയുന്നുണ്ട്. ഒടുവില്‍ കാര്യം മനസിലാക്കുകയും താന്‍ അന്വേഷിക്കട്ടെ എന്ന് പറയുകയും ചെയ്യുന്നുണ്ട്

ഇപ്പോഴിതാ സംഭവത്തില്‍ തന്നെ ഒരാള്‍ വിളിച്ചതില്‍ പ്രതികരണമെന്നോണം മുകേഷ് ഒരു ട്രോള്‍ പങ്കുവെച്ചിരിക്കുന്നു.

ഇതൊക്കെ എന്തിനാടാ എന്നോട് പറയുന്നത് എന്ന ട്രോള്‍ പങ്കുവെച്ച് ഓരോരോ മാരണങ്ങളെ, നല്ല ട്രോള്‍ എന്ന ക്യാപ്ഷൻ എഴുതുകയും ചെയ്‍തിരിക്കുന്നു പരോക്ഷ പ്രതികരണമെന്ന പോലെ മുകേഷ്.

അടുത്തിടെ ഓണ്‍ലൈന്‍ പഠനത്തിന് സഹായിക്കണമെന്ന് ആവശ്യപ്പെട്ട് ഒരു കുട്ടി വിളിച്ചപ്പോള്‍ മുകേഷ് നടത്തിയ പ്രതികരണം വിവാദമായിരുന്നു.