ഹോളിവുഡ് ചിത്രത്തിന്റെ ഷൂട്ടിംഗ് കഴിഞ്ഞ് യുഎസില്‍ നിന്ന് തിരിച്ചെത്താനൊരുങ്ങി ധനുഷ്

ധനുഷ് കേന്ദ്ര കഥാപാത്രമായി എത്തുന്ന ഹോളിവുഡ് ചിത്രം ദി ഗ്രേ മാനിന്റെ ഷൂട്ടിങ്ങ് കഴിഞ്ഞ് താരം തിരിച്ചെത്തുന്നു എന്ന് വാര്‍ത്തകള്‍. ധനുഷ് കഴിഞ്ഞ കുറച്ച മാസങ്ങളായി യുഎസിലാണ്. രണ്ടാഴ്ച കൊണ്ട് തന്നെ ധനുഷ് തിരിച്ച് ഇന്ത്യയിലെത്തുമെന്നാണ് വിവരം. ധനുഷിനൊപ്പം ഭാര്യ ഐശ്വര്യയും മക്കളും യുഎസിലേക്ക് പോയിരുന്നു.

ഫെബ്രുവരിയില്‍ ധനുഷിന് വേണ്ടിയുള്ള പ്രത്യേക ട്രെയിനിങ്ങ് പീരിയഡായിരുന്നു. തുടര്‍ന്ന് മാര്‍ച്ചില്‍ ചിത്രത്തിന്റെ ഷൂട്ടിങ്ങ് ആരംഭിച്ചു. ആന്റണി, ജോ റൂസോ എന്നിവരാണ് ചിത്രത്തിന്റെ സംവിധായകര്‍. ദി ഗ്രേ മാനില്‍ റയാന്‍ ഗോസ്ലിങ്ങ്, ക്രിസ് ഇവാന്‍സ് എന്ന പ്രശസ്ത ഹോളിവുഡ് താരങ്ങളുമുണ്ട്. മാര്‍ക്ക് ഗ്രീനേ എന്ന അമേരിക്കന്‍ നോവലിസ്റ്റിന്റെ ആദ്യ നോവലിനെ ആസ്പദമാക്കിയാണ് ദി ഗ്രേ മാന്‍ ഒരുക്കിയിരിക്കുന്നത്.

അടുത്തിടെ നടന്ന ട്വിറ്റര്‍ സ്പേസില്‍ വെച്ചാണ് ധനുഷ് ഇനി 20 ദിവസം മാത്രമെ ഷൂട്ടിങ്ങ് ബാക്കിയുള്ളു എന്ന് അറിയിച്ചത്. ഒരു മാസത്തെ ട്രെയിനിങ്ങിനെ കുറിച്ചും ധനുഷ് പറഞ്ഞു. നിലവില്‍ കൊവിഡ് സാഹചര്യം കാരണം താരത്തിന് നാല് മാസം കൂടി യുഎസില്‍ നില്‍ക്കേണ്ടി വന്നു.

അതേസമയം കാര്‍ത്തിക് സുബ്ബരാജ് സംവിധാനം ചെയ്ത ജഗമേ തന്തിരമാണ് റിലീസ് ചെയ്യാനിരിക്കുന്ന ധനുഷ് ചിത്രം. ആക്ഷന്‍ ത്രില്ലറായ ‘ജഗമേ തന്തിരത്തില്‍’ ഐശ്വര്യ ലക്ഷ്മി, ജെയ്മസ് കോസ്‌മോ എന്നിവരും അണിനിരക്കുന്നു. ചിത്രം ജൂണ്‍ 18ന് നെറ്റ്ഫ്ലിക്സിലാണ് ചിത്രം റിലീസ് ചെയ്യുന്നത്.