‘നിങ്ങള്‍ ബിജെപിയാണോയെന്ന് കമന്റ്; അഹാന നൽകിയ കിടിലൻ മറുപടി കണ്ടോ?

സോഷ്യല്‍ മീഡിയയില്‍ സജീവമാണ് നടി ആഹാന കൃഷ്ണ. തന്റെ വിശേഷങ്ങൾ എല്ലാം ആരാധകരുമായി പങ്കുവെയ്ക്കാറുണ്ട്. ആരാധകരുടെ ചോദ്യങ്ങള്‍ക്കും പലപ്പോഴും മറുപടി നല്‍കാറുണ്ട് അഹാന. ചില പ്രതികരങ്ങളുടെ പേരില്‍ രൂക്ഷമായ വിമര്‍ശനങ്ങളും ട്രോളുകളുമൊക്കെ ഉണ്ടായിട്ടുമുണ്ട്.

അച്ഛന്‍ കൃഷ്ണകുമാര്‍ ബിജെപി സ്ഥാനാര്‍ഥിയായി തിരുവനന്തപുരത്ത് മത്സരിച്ചതോടെ അഹാനയുടെ രാഷ്ട്രീയം സംബന്ധിച്ചും ചോദ്യങ്ങള്‍ ഉണ്ടാവാറുണ്ട്. ഇപ്പോൾ ഇതാ അത്തരത്തിലുള്ള ഒരു ചോദ്യത്തിന് മറുപടി നൽകിയിരിക്കുകയാണ് താരം

‘നിങ്ങള്‍ ബിജെപിയാണോ’ എന്ന ഇന്‍സ്റ്റഗ്രാമിലെ പോസ്റ്റിന് താഴെയുള്ള കമന്‍റിന് ‘ഞാന്‍ മനുഷ്യനാണ്. കൂടുതല്‍ മെച്ചപ്പെട്ട മനുഷ്യനാകാനാണ് ശ്രമിക്കുന്നത്. നിങ്ങളോ?’ എന്നാണ് മറുപടി നൽകിയത്

ചോദ്യംചോദിച്ചയാള്‍ കമന്‍റ് ഡിലീറ്റ് ചെയ്തെന്ന് അഹാന പറഞ്ഞു- ‘എന്റെ ഏറ്റവും പുതിയ ഇന്‍സ്റ്റഗ്രാം പോസ്റ്റില്‍ ഒരാള്‍ ഈ ചോദ്യം ചോദിച്ചു. ഞാന്‍ മറുപടിയും കൊടുത്തു. ഇത് ശ്രദ്ധ പിടിച്ച് പറ്റാനുള്ള വിലകുറഞ്ഞ രീതികളാണ്. അതുകൊണ്ടാവും അയാള്‍ കമന്റ് ഡിലീറ്റ് ചെയ്യുകയും ചെയ്തു. എന്തായാലും ഇതേ സംശയമുള്ള എല്ലാവരോടും എനിക്ക് പറയാനുള്ള മറുപടി ഇതാണെന്നും താരം പറയുന്നു