ഫാമലി മാന്‍ സീരീസ് സീസണ്‍ 2 വിവാദം; വിഷയത്തില്‍ സാമാന്തയോട് മൗനം പാലിക്കണമെന്ന് ആവശ്യപ്പെട്ട് ആമസോണ്‍

കുറച്ച് ദിവസങ്ങളായി സോഷ്യല്‍ മീഡിയയില്‍ ഉയരുന്ന വിവാദമാണ് ഫാമലി മാന്‍ സീരീസ് സീസണ്‍ 2 ശ്രീലങ്കയിലെ തമിഴ് ജനതയുടെ വിശ്വാസങ്ങളെ വ്രണപ്പടുത്തുന്നു എന്നത്. സീരീസില്‍ സമാന്ത അവതരിപ്പിക്കുന്നത് ഒരു ചാവേര്‍ കഥാപാത്രത്തെയാണെന്ന് ബോളിവുഡ് ഹങ്കാമ റിപ്പോര്‍ട്ട് ചെയ്തിരുന്നു.

ഇതിനു പിന്നാലെയാണ് സീരീസ് ബാന്‍ ചെയ്യണമെന്ന് ആവശ്യപ്പെട്ടുകൊണ്ട് പ്രതിഷേധങ്ങള്‍ ശക്തമാകുന്നത്. ഇതേ തുടര്‍ന്ന് തമിഴ്നാട് ഇന്‍ഫോര്‍മേഷന്‍ ബ്രോഡ്കാസ്റ്റ് മിനിസ്റ്റര്‍ മാനോ തങ്കരാജ് കേന്ദ്ര മന്ത്രി പ്രകാശ് ജാവേദ്കറിന് സീരീസ് വിലക്കണമെന്ന് ആവശ്യപ്പെട്ട് കത്ത് അയച്ചിരുന്നു.

പ്രതിഷേധങ്ങള്‍ തുടരവെ നടി സമാന്തയോട് വിഷയത്തില്‍ മൗനം പാലിക്കാനാണ് ആമസോണ്‍ ആവശ്യപ്പെട്ടിരിക്കുന്നത്. ‘റിലീസിന് മുമ്പ് വിവാദങ്ങള്‍ ഒഴിവാക്കാനാണ് എല്ലാവരെയും പോലെ ആമസോണും ശ്രമിക്കുന്നത്. അതിനാലാണ് സമാന്തയോട് വിഷയത്തില്‍ മൗനം പാലിക്കാന്‍ ആവശ്യപ്പെട്ടത്’ എന്ന് ആമസോണുമായി അടുത്ത വൃത്തങ്ങള്‍ പറയുന്നു.