ബിഗ് ബോസ് സീസൺ ത്രീ 87-ാം എപ്പിസോഡ് ആണ് പിന്നിട്ടത്. ഒന്ന് ശാന്തമായി വന്നപ്പോൾ വീണ്ടും വാക്ക് തര്‍ക്കത്തിലേക്ക് കടക്കുന്നതാണ് കഴിഞ്ഞ എപ്പിസോഡിൽ കണ്ടത് . മണിക്കുട്ടനും റംസാനും തമ്മിലുള്ള സംസാരവും ശേഷം റിതുവും രമ്യയും തമ്മിലുള്ള തർക്കവുമായിരുന്നു ബിഗ് ബോസ് വീട്ടിൽ ഇന്നലെയുണ്ടായ വിശേഷങ്ങൾ .
പതിവുപൊലെ ബിഗ് ബോസ് കണ്ട് വിലയിരുത്തലുമായി നടി അശ്വതിയും എത്തിയിട്ടുണ്ട്. നിലവില്‍ രണ്ട് ഗ്രൂപ്പ് ബിഗ് ബോസിനുള്ളില്‍ ഉണ്ടെന്ന് പറയുകയാണ് നടി അശ്വതി. ഇന്നത്തെ എപ്പിസോഡ് കൂടി കണ്ടതോടെ അക്കാര്യം വ്യക്തമായതായും ഫേസ്ബുക്കിലെഴുതിയ റിവ്യൂവില്‍ നടി കുറിക്കുന്നു . അശ്വതിയുടെ കുറിപ്പിന്റെ പൂര്‍ണരൂപം ഇങ്ങനെ…..!
ധിദെന്താപ്പ നടന്നെ? മോര്‍ണിംഗ് ആക്ടിവിറ്റി തന്നല്ലേ? എല്ലാം സമ്മതിച്ചു, മണിക്കുട്ടന്‍ കിടിലുവിനെ ആണ് ടാസ്‌കില്‍ പറഞ്ഞത്. എന്നാല്‍ ഇതിന്റിടക്കു റംസാന്റെ ഷോ ഓഫ് എന്തിനാരുന്നു എന്നു എനിക്കൊരെത്തും പിടിയും കിട്ടിയില്ല. ആവശ്യമില്ലാത്ത ഷോ ഓഫ്. അന്നേരം എനിക്ക് മംഗലശ്ശേരി നീലകണ്ഠന്‍ നടേശനോട് ക്ലൈമാക്‌സില്‍ പറയുന്ന ഡയലോഗ് ആണ് ഓര്‍മ വന്നത്. കിടിലുവിനെ കുറിച്ച് മണിക്കുട്ടന്‍ പറഞ്ഞപ്പോള്‍ കൊണ്ടത് റാംസാനു ആയിരുന്നോ? അപ്പൊ അതു പക്കാ ഗ്രൂപ്പിസം തന്നെ ആയിരുന്നില്ലേ.
അല്ലെങ്കില്‍ കിടിലു എങ്കിലും അറ്റ്‌ലീസ്റ്റ് പറയണം റംസാനെ ഇത് ഞാനും മണിക്കുട്ടനും തമ്മില്‍ അല്ലെ അതു തീര്‍ക്കട്ടെ എന്നു. പറഞ്ഞില്ല. മൊത്തത്തില്‍ ‘തന്നോ. ഇല്ലാ, ചോദിച്ചു വാങ്ങി’ എന്ന മട്ടു ആയിരുന്നു. രണ്ടു ടാസ്‌കിനിടക്ക് സായി, സൂര്യയെ മണിക്കുട്ടനുമായി ചേര്‍ത്ത് സംസാരിച്ചപ്പോള്‍ നമ്മടെ സൂര്യയുടെ ശൗര്യം ആരേലും കണ്ടോ?
ഹമ്പോ! ഇനി സായി -സൂര്യ അടിക്കാണ് വെയ്റ്റിംഗ്. ഒരു മാലപ്പടക്കം പൊട്ടി തീര്‍ന്നല്ലോ എന്നു ആശ്വസിച്ചു ഇച്ചിരി വെള്ളം കുടിച്ചു കഴിഞ്ഞപ്പോള്‍ ഉണ്ട് ദേ അടുത്തത്. രമ്യയും ഋതുവും. അതു പിന്നെ ഒരു ഓലപടക്കം പോലങ്ങു പോയി. ഓഹ് കാര്യമില്ല. ‘പുച്ഛം’ ആയിരുന്നു മെയിന്‍ റോള്‍.
മണിക്കുട്ടനെ കഴിഞ്ഞ കുറച്ചു ദിവസമായി ശ്രദ്ധിക്കുന്നു. ഒരു വഴക്കോ തര്‍ക്കമോ കഴിഞ്ഞാല്‍ അതിനെ അവിടേം ഇവിടേം വന്നിരുന്നു സംസാരിക്കുന്നു, ക്യാമറ നോക്കി സംസാരിക്കുന്നു. മണിക്കുട്ടന്‍ അങ്ങനെ ആയിരുന്നില്ല എന്നാണ് എന്റെ ഒരു ഓര്‍മ. എനിക്കപ്പോള്‍ ഫീല്‍ ചെയ്തത് സ്വയം ഒറ്റപ്പെടല്‍ മണിക്കുട്ടന്‍ അല്ലെ ഏറ്റെടുക്കുന്നത് എന്നാണ്. എന്തോ രണ്ടാം വരവിലെ പുതിയ സ്‌ട്രേറ്റേജി ആയിരിക്കാം അല്ലെ.
അതുപോലെ എനിക്കു തോന്നിയിട്ടുള്ളത് കിടിലു ഓരോരുത്തരെ കുറിച്ച് നോബി ചേട്ടനോട് എപ്പോഴും സംസാരിക്കുന്നത്, ആരെ കുറിച്ച് ആണോ പറയുന്നത് ആയാളുടെ സ്വഭാവം ഇങ്ങനെ ആണ് എന്നു പ്രേക്ഷകരെ അറിയിക്കാന്‍ ഉള്ള ശ്രമം പോലെ ആയിട്ടാണ്. കിടിലുവിന്റെ വാക്കുകള്‍ ശ്രദ്ധിച്ചാല്‍ അതു മനസിലാകും.
പാവക്കുത്തു’ വീക്കിലി ടാസ്‌ക്. ഇതെന്തു ഗെയിം രണ്ടു ഗ്രൂപ്പില്‍ ഒന്ന് കുട്ടികളുടെ ഗ്രൂപ്പും, മറ്റൊന്ന് പാവകള്‍ ഗ്രൂപ്പും. പാവയെയും കളിപ്പിച്ചു നടക്കുന്നു എന്നൊക്കെ കരുതി ഇരുന്നപ്പോള്‍ ബോസ്സേട്ടന്‍ വിളിപ്പിച്ചു മക്കളെ ഇങ്ങനെ പാവേനെ ‘ചൂക്കുടുപുക്കുടു’ എന്നു കളിപ്പിച്ചോണ്ടിരിക്കലല്ല ഇത് കളി വേറെ ആണേ എന്നു. അപ്പോളല്ലേ എല്ലാര്‍ക്കും പിടിക്കിട്ടിയത് ഇതെങ്ങനെ കളിക്കണം എന്നു. മെന്റലി അല്ലേല്‍ ഫിസിക്കലി പാവ ഗ്രൂപ്പിനെ കുട്ടികളുടെ ഗ്രൂപ്പ് പുറത്താക്കണം. മെന്റല്ലി തളര്‍ത്താന്‍ പിന്നെ അവിടെ ആര്‍ക്കും പഠിപ്പിച്ചു കൊടുക്കണ്ടല്ലോ. ഇപ്പോ ഇനി എങ്ങനെ ആകുമെന്ന് കണ്ടറിയാം.
രാത്രി മീറ്റിംഗില്‍ രാവിലത്തെ വഴക്കില്‍ മണിക്കുട്ടന്റെ ഫിസിക്കല്‍ പ്രോബ്ലത്തെ കുറിച്ച് റംസാന്‍ പരാമര്‍ശിച്ചതിനെ കുറിച്ച് ആയിരുന്നു. റംസാന്‍ പിന്നൊന്നും സമ്മതിച്ചു കൊടുത്തു കണ്ടിട്ടില്ല. അതിനെ എങ്ങനേലും തിരിച്ചും മറിച്ചും വാദിയെ പ്രതി ആക്കി കൈയില്‍ തരും. എന്തായാലും ഇപ്പോള്‍ ശരിക്കു രണ്ടു ഗ്രൂപ്പാണ് വീട്ടില്‍. മണിക്കുട്ടന്‍, സായി, രമ്യ ഒരു ഗ്രൂപ്പ്. കിടിലു, സൂര്യ, നോബിചേട്ടന്‍, റംസാന്‍ മറ്റൊരു ഗ്രൂപ്പ്. ഋതു അവിടെയും ഉണ്ട് ഇവിടെയും ഉണ്ട് കുമ്പിടി ആണ്. അനൂപ് ഒന്നിലും ഇല്ലാ ഒറ്റയ്ക്ക് നില്‍ക്കുന്നു. ഇന്ന് റംസാന്‍ പറഞ്ഞ’മണിക്കുട്ടന്റെ വലതു ഭാഗത്തുള്ള ഫിസിക്കല്‍ ഭയം’ എന്ന വാക്ക് ആയിരുന്നു താരം. അതൊന്നു ക്ലിയര്‍ ചെയ്തു കൊട് ബോസപ്പാ..
കുറച്ച് നാളുകൾക്ക് മുമ്പായിരുന്നു സാമൂഹികമാധ്യമങ്ങളിൽ ദേശവിരുദ്ധ പരാമർശം നടത്തിയെന്നാരോപിച്ച് അഖിൽമാരാർക്കെതിരേ പോലീസ് കേസെടുത്തത്. ഈ കേസിൽ സംവിധായകൻ അഖിൽ മാരാരെ 28...
മലയാളികളുടെ പ്രിയങ്കരനാണ് നടനവിസ്മയം മോഹൻലാൽ. തന്റെ 65ാം പിറന്നാൾ ആഘോഷത്തിന്റെ തിളക്കത്തിലാണ് അദ്ദേഹം. ഇന്ന് കൊച്ചുകുട്ടികൾ വരെ സ്‌നേഹത്തോടെ വിളിക്കുന്ന ‘ലാലേട്ട’ന്റെ...
മലയാളികളുടെ പ്രിയങ്കരനാണ് ദിലീപ്. ഒരു കാലത്ത് കുടുംബ പ്രേക്ഷകർക്ക് പ്രിയങ്കരൻ ആയിരുന്നു ദിലീപ്. എന്നാൽ ഇക്കഴിഞ്ഞ വർഷങ്ങളിൽ നടന് കാര്യമായ ഹിറ്റുകളൊന്നും...
തന്റേതായ അവതരണ ശൈലിയിലൂടെ ടെലിവിഷൻ പ്രേക്ഷകർക്ക് സുപരിചിതയായ അവതാരികയാണ് രഞ്ജിനി ഹരിദാസ്. ഇംഗ്ലീഷ് കലർന്ന മലയാളത്തിലൂടെ രഞ്ജിനിയുടെ അവതരണ ശൈലി എല്ലാവരെയും...
