രണ്ടാമത്തെ ഡോസ് വാക്‌സിനും സ്വീകരിച്ചു, സെറ്റില്‍ തിരിച്ചെത്തിയ സന്തോഷം പങ്കുവെച്ച് മാധുരി ദീക്ഷിത്

കോവിഡ് രണ്ടാം തരംഗം രാജ്യത്താകകെ രൂക്ഷമായ രീതിയിലാണ് പടര്‍ന്നു പിടിച്ചിരിക്കുന്നത്. രോഗബാധിതരായ നിരവധി പേരാണ് ദിനം പ്രതി മരണത്തിന് കീഴടങ്ങുന്നത്.

ഈ സാഹചര്യത്തില്‍ പ്രതിരോധിക്കാന്‍ വാക്‌സിന്‍ സ്വീകരിക്കുക, കോവിഡ് പ്രോട്ടോക്കോളും കര്‍ശനമായി പാലിക്കുക എന്നാണ് അരോഗ്യ പ്രവര്‍ത്തകര്‍ നല്‍കുന്ന നിര്‍ദ്ദേശം.

എന്നാല്‍ ഇപ്പോഴിതാ ബോളിവുഡ് മാധുരി ദീക്ഷിത് കോവിഡ് വാക്‌സിന്‍ എടുത്ത് സെറ്റില്‍ തിരിച്ചെത്തിയതിന്റെ ഫോട്ടോകളാണ് ആരാധകര്‍ ആഘോഷമാക്കുന്നത്.

കഴിഞ്ഞ മാസമായിരുന്നു അമ്പത്തിമൂന്നുകാരിയായ മാധുരി ദീക്ഷിത് കോവിഡ് വാക്‌സിന്റെ രണ്ടാം ഡോസ് എടുത്തത്. അതിന്റെ ഫോട്ടോയും മാധുരി ദീക്ഷിത് പങ്കുവെച്ചിരുന്നു.

രണ്ടാം ഡോസ് വാക്‌സിന്‍ ഇന്ന് എടുത്തു. ലഭ്യമാകുന്ന മുറയ്ക്ക് എല്ലാവരും വാക്‌സിന്‍ എത്രയും പെട്ടെന്ന് എടുക്കണമെന്ന് അഭ്യര്‍ഥിക്കുന്നതായും മാധുരി ദീക്ഷിത് പറഞ്ഞിരുന്നു.

ഇപ്പോഴിതാ കോവിഡ് വാക്‌സിന്‍ എടുത്തതിന് ശേഷം സെറ്റില്‍ തിരിച്ചെത്തിയതിന്റെ ഫോട്ടോകളാണ് മാധുരി ദീക്ഷിത് പങ്കുവെച്ചിരിക്കുന്നത്. തങ്ങളും കോവിഡ് വാക്‌സിന്‍ എടുത്തതിന്റെ ഫോട്ടോകള്‍ മറ്റ് താരങ്ങളും ഷെയര്‍ ചെയ്തിരുന്നു.