”ദൈവമേ ഇതെങ്കിലും ഒന്ന് ശരിയാകണേ”യെന്ന് ചിത്രം പങ്കുവെച്ച് അജു വർഗീസ്; കിടിലൻ ക മന്റുമായി മിഥുന്‍ മാനുവല്‍ തോമസ്

വിനീത് ശ്രീനിവാസന്‍ തിരക്കഥ എഴുതി സംവിധാനം ചെയ്യുന്ന ഹൃദയത്തിന്റെ പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്. വിനീത് സംവിധാനം ചെയ്യുന്ന അഞ്ചാമത്തെ ചിത്രം കൂടിയാണ് ഹൃദയം. പ്രണവ് മോഹന്‍ലാലും കല്യാണി പ്രിയദര്‍ശനുമാണ് ചിത്രത്തില്‍ കേന്ദ്ര കഥാപാത്രങ്ങളാകുന്നത്.ഇപ്പോൾ ഇതാ
‘ഹൃദയം’ സിനിമയുടെ ലൊക്കേഷനില്‍ നിന്നുള്ള ചിത്രം പങ്കുവച്ച് നടന്‍ അജു വര്‍ഗീസ്. ഷോട്ടിന് ശേഷം പ്രിവ്യു കാണുന്ന വിനീത് ശ്രീനിവാസന്റെ തൊട്ടു പിന്നില്‍ നിന്ന് മോണിറ്ററിലേക്ക് നോക്കുന്ന തന്റെ ചിത്രമാണ് അജു പങ്കുവച്ചിരിക്കുന്നത്. ”ദൈവമേ ഇതെങ്കിലും ഒന്ന് ശരിയാകണേ” എന്ന ക്യാപ്ഷനാണ് നൽകിയത്

ഇപ്പോൾ ഇതാ ചിത്രത്തിന് രസകരമായ കമന്റ് നല്‍കി രംഗത്തെത്തിയിരിക്കുകയാണ് സംവിധായകന്‍ മിഥുന്‍ മാനുവല്‍ തോമസ്. ”വിനീതിനോട് നിന്നെ കുറച്ചു റീടേക്ക് വിളിച്ചു ടോര്‍ച്ചര്‍ ചെയ്യാന്‍ പറഞ്ഞാലോ..?? ചുമ്മാ ഒരു മനസുഖത്തിന്..” എന്ന കമന്റാണ് മിഥുന്‍ ചിത്രത്തിന് കുറിച്ചിരിക്കുന്നത്.

നിമിഷങ്ങള്‍ക്കകം തന്നെ കമന്റ് ആരാധകര്‍ ഏറ്റെടുത്തു. ആറാം പാതിരയിലേക്ക് ക്ഷണിച്ച് റീടേക്ക് കൊടുക്ക് അതല്ലേ റിയല്‍ ഹീറോയിസം, ആറാം പാതിര എഫ്ക്ട് ആണോ, ത്രില്ലര്‍ എഴുതി സൈക്കോ ആയി എന്നിങ്ങനെയുള്ള മറുപടി കമന്റുകളാണ് സോഷ്യല്‍ മീഡിയയില്‍ ഇപ്പോള്‍ നിറയുന്നത്.