ഏകാന്ത ചന്ദ്രികേ…തേടുന്നതെന്തിനോ ! ഒളിഞ്ഞ് നോക്കല്‍സ് നിര്‍ത്തിയില്ലല്ലേ? മറുപടിയുമായി ശ്രീറാം

മിനിസ്‌ക്രീന്‍ താരങ്ങളുടെ യഥാര്‍ത്ഥ പേരുകളേക്കാള്‍ പ്രേക്ഷകര്‍ക്ക് പരിചിതം അവരുടെ കഥാപാത്രങ്ങളുടെ പേരുകള്‍ ആയിരിക്കും. ഏഷ്യാനെറ്റില്‍ സംപ്രേക്ഷണം ചെയ്യുന്ന കസ്തൂരിമാന്‍ എന്ന സീരിയലിലെ കണ്ണേട്ടനെന്ന ജീവ വെറുമൊരു കഥാപാത്രമല്ല മലയാളി പ്രേക്ഷകര്‍ക്ക്. മൂന്ന് വര്‍ഷമായി മിനിസ്‌ക്രീന്‍ പ്രേക്ഷകരുടെ മനസ്സില്‍ തിളങ്ങി നില്‍ക്കുന്ന ശ്രീറാം രാമചന്ദ്രന്‍ എന്ന നടന്‍ പ്രേക്ഷകര്‍ക്ക് ഒരു കുടുംബാംഗം തന്നെയാണ്. സീരിയല്‍ തുടങ്ങിയ കാലം മുതല്‍ ഈ കഥാപാത്രം തന്റെ ജീവിതത്തില്‍ വലിയ മാറ്റങ്ങള്‍ ഉണ്ടാക്കിയെന്ന് ശ്രീറാം അഭിമുഖങ്ങളില്‍ പറഞ്ഞിരുന്നു. സോഷ്യല്‍ മീഡിയയില്‍ സജീവമായ ശ്രീറാം പങ്കുവെച്ച ചിത്രമാണ് ഇപ്പോള്‍ വൈറലായിരിക്കുന്നത്.

ഒരു ഗേറ്റിന് പുറത്ത് നിന്നും അകത്തേക്ക് എത്തി നോക്കുന്ന ചിത്രമായിരുന്നു താരം പങ്കുവെച്ചത്. ഏകാന്ത ചന്ദ്രികേ.. തേടുന്നതെന്തിനോ എന്ന അടിക്കുറിപ്പോടു കൂടിയായിരുന്നു ചിത്രം. നിരവധി രസകരമായ കമന്റുകളാണ് ചിത്രത്തിന് താഴെ എത്തിയത്. ഒളിഞ്ഞ് നോക്കല്‍സ് നിര്‍ത്തിയില്ലല്ലേ? ആരെയാണ് കണ്ണേട്ടാ ഒളിഞ്ഞു നോക്കുന്നത്? എന്നൊക്കെയായിരുന്നു കമന്റുകള്‍. ഇതിനെല്ലാം ശ്രീറാം മറുപടിയും നല്‍കുന്നുണ്ട്. ഇങ്ങനെയാണോ ഒളിഞ്ഞു നോക്കുന്നത്? ഇത് എത്തിനോട്ടമാണെന്നും ശ്രീറാം മറുപടി നല്‍കി. എന്നാല്‍ ആരെയാണെന്നോ എന്തിനെയാണെന്നോ ശ്രീറാം പറയുന്നില്ല. താരങ്ങളും ആരാധകരും കമന്റുകളും ലൈക്കുകളുമായി എത്തിയിട്ടുണ്ട്