59-ാം വയസ്സില്‍ ഞാൻ അത് ചെയ്യും; രണ്ടും കൽപ്പിച്ച് ഫഹദ് ഫാസിലിന്റെ ഉമ്മ

സംവിധായകന്‍ ഹാസിലിന്റെ പത്‌നിയും ഫഹദിന്റെ ഉമ്മയുമായ റൊസീന 59-ാം വയസ്സില്‍ ഡ്രൈവിങ് പഠനം പുനരാരംഭിച്ചു. യുവ താരം ഫഹദ് ഫാസിലിന്റെ ഫോഡ് ഇക്കോസ്‌പോര്‍ട്ടിലാണ് പഠനം. 21 വര്‍ഷം മുന്‍പു ലൈസന്‍സ് എടുത്തിരുന്നെങ്കിലും ഡ്രൈവിങ് മറന്നു പോയെന്നു റൊസീന.

അനുജത്തി ഉല്‍ഫത്ത് ഡ്രൈവിങ് പഠിക്കുന്നു എന്ന് അറിഞ്ഞപ്പോഴാണ് ഒന്നു കൂടി ഡ്രൈവിങ് പഠിച്ചാലോ എന്ന തോന്നലുണ്ടായത്. ”കോവിഡ് കാലമായതിനാല്‍ ആലപ്പുഴയിലേക്കു പോകാന്‍ കഴിഞ്ഞില്ല. അങ്ങനെ, റൊസീന കൊച്ചിയിലേക്കു വന്നു.

ഹഹദും നസ്രിയയും ഇവിടെയാണല്ലോ താമസം. രണ്ടു ദിവസം കുറച്ചധികം സമയം പഠിപ്പിച്ചു. ഇനി ഒരു ക്ലാസു കൂടിയുണ്ട്. അതിന് റൊസീന താമസിക്കുന്ന ആലപ്പുഴയിലേക്കു പോകണം. അവിടുത്തെ സിറ്റി ഡ്രൈവിങ് ഉഷാറാക്കണം. അവര്‍ ഇപ്പോള്‍ തന്നെ ആലപ്പുഴയില്‍ ചെറിയ ദൂരമൊക്കെ ഡ്രൈവ് ചെയ്തു തുടങ്ങി”. പരിശീലകന്‍ പറയുന്നു.

ഇടക്കൊച്ചി സ്വദേശി ജസ്റ്റിന്‍ ഡുറോമാണു പരിശീലകന്‍. റോഡിനോടും വാഹനങ്ങളോടുമുള്ള ഭയം മാറ്റിയെടുക്കുന്നതിനു പ്രത്യേക ശ്രദ്ധ നല്‍കിയാണ് പരിശീലനമെന്നു ജസ്റ്റിന്‍. ”എന്റെ 500 വിദ്യാര്‍ഥികളില്‍ ഭൂരിപക്ഷവും വനിതകളാണ്. 70 വയസ്സു വരെയുള്ളവരുണ്ട്, അക്കൂട്ടത്തില്‍. ഒരിക്കലും വഴക്കു പറയാതെയാണ് അവരെ പഠിപ്പിക്കുന്നത്.”