അവിടെ നടക്കുന്ന സംഭവങ്ങൾ ഞങ്ങൾ വളരെ രഹസ്യമായി ഷൂട്ട് ചെയ്തു, ഏകദേശം ഒരു അഞ്ഞൂറൂപേരാളം അടങ്ങുന്ന സംഘം ഞങ്ങളെ വളഞ്ഞു, ക്യാമറമാനെ തല്ലി; വിക്കി കൗശാൽ

ബോളിവുഡ് പ്രേക്ഷകർക്കേറെ സുപരിചിതനാണ് വിക്കി കൗശാൽ. സോഷ്യൽ മീഡിയയിൽ അദ്ദേഹത്തിന്റെ വിശേഷങ്ങളെല്ലാം തന്നെ വൈറലായി മാറാറുണ്ട്. ഇപ്പോഴിതാ അനുരാഗ് കശ്യപിന്റെ ‘ഗ്യാങ്‌സ് ഓഫ് വാസിപൂർ’ സിനിമ ചെയ്യുന്ന സമയത്തുണ്ടായ ഒരു സംഭവം പങ്കുവെക്കുകയാണ് വിക്കി.

മണൽ മാഫിയയുടെ കൈയിൽ നിന്ന് രക്ഷപ്പെട്ടതിനെക്കുറിച്ചാണ് നടൻ പറഞ്ഞത്. സിനിമയിൽ കാണിച്ച കൽക്കരി കള്ളക്കടത്ത് യഥാർഥമാണെന്നും ചിത്രീകരണത്തിനിടെ ഒരു കൂട്ടം ആളുകൾ തങ്ങളെ തല്ലാൻ വളഞ്ഞെന്നും വിക്കി പറയുന്നു. അത് ഞങ്ങൾ രഹസ്യമായി ഷൂട്ട് ചെയ്തതാണ്.

ഈ രംഗം ചിത്രീകരിക്കാൻ പോയപ്പോഴാണ് ഒരു കാര്യം മനസിലായത്. ഇത്തരത്തിലുള്ള നിയമവിരുദ്ധപ്രവർത്തനങ്ങൾ ഇവിടെ പരസ്യമായി നടക്കുന്നുണ്ട്. ബിസിനസ്സിന്റെ ഭാഗമായി നിയമപരമായി നടക്കുന്നതാണെന്ന് നിങ്ങൾക്ക് തോന്നാം. എന്നാൽ അവിടെ രണ്ട് ട്രക്കുകളല്ല, 500 വണ്ടികളാണുള്ളത്.

അവിടെ നടക്കുന്ന സംഭവങ്ങൾ ഞങ്ങൾ വളരെ രഹസ്യമായി ഷൂട്ട് ചെയ്യുകയായിരുന്നു. അപ്പോൾ കുറച്ചുപേർ ഞങ്ങൾക്കു ചുറ്റും കൂടി. ഏകദേശം 500 പേരുണ്ടായിരുന്നു. അന്നത്തെ ഞങ്ങളുടെ കാമറ അസിസ്റ്റന്റ് അൽപം പ്രായമായ വ്യക്തിയായിരുന്നു. ഏകദേശം 50വയസിന് മുകളിൽ വരും. ഞങ്ങളും കാമറയും കുടുങ്ങിയെന്ന് യൂണിറ്റിൽ വിളിച്ച് അറിയിച്ചു.

ഇതു കേട്ട് അവിടെയുണ്ടായിരുന്ന ഒരാൾ, ഞങ്ങൾ അധികാരികളെ അറിയിക്കുകയാണെന്ന് കരുതി ക്യാമറമാനെ തല്ലി. കാമറ തട്ടിയെടുത്തു. അത് തകർക്കുമെന്ന് ഭീഷണിപ്പെടുത്തി. അടി കട്ടുമെന്ന് ഉറപ്പിച്ചു. ഭാഗ്യം കൊണ്ടാണ് അന്ന് അവിടെ നിന്ന് ജീവനും കൊണ്ട് രക്ഷപ്പെട്ടത് എന്നും വിക്കി പറഞ്ഞു.

അതേസമയം, ബാഡ് ന്യൂസ് ആണ് വിക്കിയുടേതായി പുറത്തെത്തി ചിത്രം. തൃപ്തി ദിംറി ആണ് നായിക. ആനന്ദ് തിവാരി സംവിധാനം ചെയ്ത കോമഡി ചിത്രമാണ് ‘ബാഡ് ന്യൂസ്’. ജൂലൈ 19 ന് തിയറ്ററുകളിലെത്തിയ ചിത്രം ആദ്യദിനം ഇന്ത്യയിൽ നിന്ന് നേടിയത്8.62 കോടിയാണ്. തൃപ്തി ദിംറിയാണ് നായിക. ചിത്രം വിജയകരമായി പ്രദർശനം തുടരുകയാണ്.

2019-ൽ പുറത്തിറങ്ങിയ ഗുഡ് ന്യൂസ് എന്ന ചിത്രത്തിൻറെ നിർമാതാക്കൾ തന്നെയാണ് ‘ബാഡ് ന്യൂസും’ നിർമിച്ചിരിക്കുന്നത്. കരീന കപൂർ ഖാൻ, കിയാര അദ്വാനി, അക്ഷയ് കുമാർ, ദിൽജിത് ദോസഞ്ച് എന്നിവരായിരുന്നു ഇതിൽ അഭിനയിച്ചിരുന്നത്. ഐവിഎഫ് ചികിത്സയ്ക്കായി ഒരേ ആശുപത്രി സന്ദർശിക്കുന്ന രണ്ട് ദമ്പതികളെ ചുറ്റിപ്പറ്റിയായിരുന്നു കഥ.

ഗർഭം തന്നെയാണ് ബാഡ് ന്യൂസിന്റെയും പ്രമേയം. ഗർഭിണിയായ തൃപ്തി ദിമ്രി തൻറെ ഗർഭസ്ഥ ശിശുവിൻറെ പിതാവായി രണ്ടുപേരെ സംശയിക്കുന്നു. അതിനെ തുടർന്നുണ്ടാകുന്ന ഡിഎൻഎ ടെസ്റ്റും തുടർന്നുള്ള രസകരമായ സംഭവങ്ങളുമാണ് ചിത്രത്തിൻറെ ഇതിവൃത്തം.