ലേശം ഉളുപ്പ് വേണ്ടേ ? ഇതിലും നല്ലത് നിങ്ങൾ കിളയ്ക്കാൻ പോകുന്നതാണ് ! – വളച്ചൊടിച്ച് തലക്കെട്ട് നൽകിയ പ്രമുഖ ഓൺലൈൻ മാധ്യമത്തിന് കമന്റ്റ് ബോക്സിൽ മറുപടി നൽകി ടൊവിനോ തോമസ് !

തെറ്റിദ്ധരിപ്പിക്കുന്ന തലക്കെട്ട് നൽകി തന്റെ വാർത്ത പ്രസിദ്ധീകരിച്ച ഓൺലൈൻ മാധ്യമത്തിന് എതിരെ കടുത്ത വിമർശനവുമായി രംഗത്ത് എത്തി ടോവിനോ തോമസ് . ഏഷ്യാനെറ്റ് ന്യുസ് ഓൺലൈൻ എതിരായാണ് ടോവിനോ എത്തിയത്.

വീട്ടില്‍ അത്യാവശ്യം കൃഷിയുള്ളതു കൊണ്ടാണ് പരീക്ഷണ ചിത്രങ്ങളില്‍ അഭിനയിക്കാന്‍ ധൈര്യം കിട്ടുന്നതെന്ന് ടൊവീനോ തോമസ് എസ്എസ്എല്‍സി-പ്ലസ്ടു പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികളെ അനുമോദിക്കുന്ന ചടങ്ങില്‍ പറഞ്ഞ വാക്കുകളെ വളച്ചൊടിച്ചാണ് ഏഷ്യാനെറ്റ് ന്യൂസ് തലക്കെട്ട് നൽകിയത്.

ഇതിനെതിരെ കമന്റ്റ് ബോക്സിലാണ് ടോവിനോ പ്രതികരിച്ചത് .
ലേശം ഉളുപ്പ് വേണ്ടേ Asianet Newse???.. ആളുകളെ തെറ്റിദ്ധരിപ്പിക്കുന്ന ഹെഡിങ് കൊടുത്ത് ഇങ്ങനെ ജീവിക്കുന്നതിലും നല്ലത് നിങ്ങള് കിളക്കാൻ പോവുന്നത് തന്നെയാണ് ! Shame on you Asianet News !! എന്നാണ് ടോവിനോ കുറിച്ചത്.

ടോവിനോ കമന്റ് ചെയ്തതോടെ ആരാധകർ ഇതേറ്റെടുത്തു പിന്നാലെ മറ്റൊരു ഹെഡിങ് നൽകി ഏഷ്യാനെറ്റ് ന്യൂസ് വാർത്ത വീണ്ടും പ്രസിദ്ധീകരിച്ചു.

tovino thomas angry against online media