ജീവിതത്തില്‍ ഒരുപാട് സന്തോഷിച്ച ദിവസം ; മകന്റെ പേരിടല്‍ ചടങ്ങിനെക്കുറിച്ച് സ്‌നേഹയും ശ്രീകുമാറും

മലയാളി കുടുംബ പ്രേക്ഷകരുടെ പ്രിയതാരങ്ങളാണ് ശ്രീകുമാറും സ്നേഹയും . ടെലിവിഷന്‍ പരമ്പരകളിലൂടെ ശ്രദ്ധേയരായ ഇരുവരുടെയും വിവാഹവും തുടര്‍ന്നുണ്ടായ കുട്ടിയുടെ ജനനവുമെല്ലാം വലിയ ആഹ്ലാദത്തോടെയാണ് പ്രേക്ഷകര്‍ സ്വീകരിച്ചത്.

പ്രസവ ശേഷമുള്ള ഇടവേള അവസാനിപ്പിച്ച് മറിമായം സെറ്റില്‍ ജോയിന്‍ ചെയ്തതിന്റെ സന്തോഷം പങ്കിട്ടും സ്‌നേഹ എത്തിയിരുന്നു. ഇപ്പോഴിതാ മകന്റെ പേരിടല്‍ ചടങ്ങിന്റെ വീഡിയോയുമായെത്തിയിരിക്കുകയാണ് സ്‌നേഹ.

ജീവിതത്തില്‍ ഒരുപാട് സന്തോഷിച്ച ദിവസമാണ് ഇതെന്നും താരം പറഞ്ഞിരുന്നു. കുടുംബാംഗങ്ങളും സുഹൃത്തുക്കളുമെല്ലാം ചടങ്ങില്‍ പങ്കെടുത്തിരുന്നു. എന്റെയും കേദാറിന്റെയും ആരോഗ്യം ഒന്ന് ശരിയായിട്ട് ഈ ചടങ്ങ് നടത്താമെന്ന് കരുതിയതാണ്. 28 അല്ല 56 നാണ് ചടങ്ങ് നടത്തുന്നതെന്നും സ്‌നേഹ പറഞ്ഞിരുന്നു. മറിമായത്തില്‍ സ്‌നേഹയുടെ കൂടെ കേദാര്‍ മകനായി അഭിനയിച്ചിട്ടുണ്ട്. ഞങ്ങളെ സംബന്ധിച്ച് അതൊരു വലിയ ഭാഗ്യമായിരുന്നു.

അവന്‍ വല്യൊരാളായി വളരട്ടെയെന്നായിരുന്നു മറിമായം സംവിധായകന്‍ പറഞ്ഞത്.രാവിലെ പുറപ്പെട്ടതാണ്, എത്താന്‍ വൈകിപ്പോയി, കൊച്ചിന്റെ പേര് നേരത്തെ തന്നെ ഞാന്‍ അറിഞ്ഞിരുന്നു. അതുകൊണ്ട് സങ്കടമില്ലെന്നായിരുന്നു ശ്രുതി രജനികാന്ത് പറഞ്ഞത്. ചേച്ചിയെ ഓവര്‍ടേക്ക് ചെയ്യാനായി ശ്രമിച്ചെങ്കിലും പറ്റിയില്ലെന്നായിരുന്നു ശ്രുതി പറഞ്ഞത്.ടിനി ടോം, രമേഷ് പിഷാരടി, സുരഭി ലക്ഷ്മി, സ്വാസിക, രചന നാരായണന്‍കുട്ടി തുടങ്ങിയവരും ചടങ്ങില്‍ പങ്കെടുത്തിരുന്നു.

കൊച്ചിന്റെ അച്ഛനും അമ്മയും ഞങ്ങള്‍ക്ക് വേണ്ടപ്പെട്ടവരാണെന്നായിരുന്നു പിഷാരടിയുടെ കമന്റ്. ഇവര് രണ്ടുപേരും കല്യാണം കഴിച്ചപ്പോഴുണ്ടായ സന്തോഷം തന്നെയാണ് ഇപ്പോഴും തോന്നുന്നതെന്നായിരുന്നു രചന നാരായണന്‍കുട്ടി പറഞ്ഞത്. എന്നെ അവന്‍ മാഗി ആന്റിയെന്നൊക്കെ വിളിച്ചോട്ടെ. കേദാറിന് എല്ലാ ഭാഗ്യങ്ങളും ഉണ്ടാവട്ടയെന്നായിരുന്നു സുനില്‍ സുഖദ പറഞ്ഞത്. എല്ലാം ഭംഗിയായി നടന്നു, ചെറിയൊരു ചടങ്ങായിരുന്നു. വര്‍ക്കിംഗ് ഡേ ആയതുകൊണ്ട് ബുദ്ധിമുട്ടുണ്ടെങ്കിലും എല്ലാവരും ചടങ്ങിനെത്തിയെന്നായിരുന്നു സ്‌നേഹയും ശ്രീകുമാറും പറഞ്ഞത്.