Connect with us

ഞാനൊരു ഡിവോഴ്‌സിയാണ്, ,ശ്രീയുമായുള്ള രണ്ടാം വിവാഹം ദൈവം തന്ന സെക്കൻഡ് ചാൻസ്! ആദ്യ വിവാഹത്തെക്കുറിച്ച് ശ്വേത മേനോൻ പറഞ്ഞത്

Movies

ഞാനൊരു ഡിവോഴ്‌സിയാണ്, ,ശ്രീയുമായുള്ള രണ്ടാം വിവാഹം ദൈവം തന്ന സെക്കൻഡ് ചാൻസ്! ആദ്യ വിവാഹത്തെക്കുറിച്ച് ശ്വേത മേനോൻ പറഞ്ഞത്

ഞാനൊരു ഡിവോഴ്‌സിയാണ്, ,ശ്രീയുമായുള്ള രണ്ടാം വിവാഹം ദൈവം തന്ന സെക്കൻഡ് ചാൻസ്! ആദ്യ വിവാഹത്തെക്കുറിച്ച് ശ്വേത മേനോൻ പറഞ്ഞത്

മലയാളത്തിലും, തമിഴിലും തെലുങ്കിലും ഹിന്ദിയിലും ഉള്‍പ്പെടെ നിരവധി ഭാഷാ സിനിമകളിൽ തിളങ്ങിയ താരമാണ് ശ്വേത മേനോൻ. നിരവധി ആരാധകരും താരത്തിനുണ്ട്. 1991 മുതൽ സിനിമാ ലോകത്ത് സജീവമാണ് താരം. മോഡലിംഗ് രംഗത്തും സജീവമായ ശ്വേത അവതാരക ആയും പ്രേക്ഷകർക്ക് മുൻപിൽ എത്തിയിട്ടുണ്ട്.. അമൃത ടിവിയില്‍ സംപ്രേഷണം ചെയ്തുവരുന്ന സൂപ്പര്‍ അമ്മയും മകളിലും ശ്വേത എത്തുന്നുണ്ട്. പ്രധാന വിധികര്‍ത്താവായാണ് താരം എത്തിയത്. അമ്മമാരും മക്കളും അവരവരുടെ അനുഭവങ്ങള്‍ പങ്കിടുമ്പോള്‍ തന്റെ ജീവിതത്തിലെ കാര്യങ്ങളെക്കുറിച്ച് ശ്വേതയും പറയാറുണ്ട്. ഡിവോഴ്‌സിനെക്കുറിച്ചും സിംഗിള്‍ പാരന്റിംഗിനെക്കുറിച്ചും മത്സരാര്‍ത്ഥി പറഞ്ഞപ്പോഴായിരുന്നു ശ്വേത തന്റെ ഡിവോഴ്‌സിനെക്കുറിച്ച് സംസാരിച്ചത്.

ഞാനും വര്‍ക്കിംഗ് അമ്മയാണ്. ഔട്ട് ഓഫ് സ്റ്റേഷനാണ്. ഞാന്‍ അടുത്ത് വേണമെന്ന നിര്‍ബന്ധമാണ് മോള്‍ക്ക്. അമ്മ എപ്പോഴും നിന്റെ കൂടെയുണ്ടെന്ന് ഞാന്‍ പറയാറുണ്ട്. അച്ഛന്‍ പോയ സമയത്ത് മുത്തച്ഛന്‍ എങ്ങോട്ടും പോയിട്ടില്ല അമ്മ, അദ്ദേഹം എന്റെ ഹൃദയത്തിലുണ്ടെന്നായിരുന്നു മോള്‍ എന്നോട് പറഞ്ഞത്. ആറ് വയസേയുണ്ടായിരുന്നുള്ള അവള്‍ക്ക്. എങ്ങനെയാണ് ഇത്രയധികം പക്വത വന്നതെന്ന് എനിക്കറിയില്ല. ഞാനൊന്നും ആ പ്രായത്തില്‍ ഇത്രയധികം പക്വതയുള്ള കുട്ടിയായിരുന്നില്ല.

ഞാനൊരു ഡിവോഴ്‌സിയാണ്. ഞാനെപ്പോഴും അഭിമാനത്തോടെ പറയുന്ന കാര്യമാണ്. ഡിവോഴ്‌സി എന്ന് ഞാന്‍ പറയുമ്പോള്‍ ആള്‍ക്കാരെപ്പോഴും ശ്രീയുടെ കൂടെയാണ് കണക്റ്റ് ചെയ്യുന്നത്. ശ്രീയുടെ കൂടെയല്ല ഡിവോഴ്‌സ്, അതെന്റെ സെക്കന്‍ഡ് മാര്യേജാണ്. സെക്കന്‍ഡ് ചാന്‍സ് എനിക്ക് ദൈവം തന്നതില്‍ ഞാന്‍ ഭയങ്കര ഹാപ്പിയാണ്.

ഞാന്‍ ഇപ്പോഴും എന്റെ എക്‌സിന്റെ അടുത്ത് സംസാരിക്കാറുണ്ട്. ഭയങ്കര പോസിറ്റീവായിട്ടാണ് ഞങ്ങള്‍ അതിനെ എടുക്കുന്നത്. രണ്ടുപേര്‍ക്കും ഒന്നിച്ച് മുന്നോട്ട് പോവാന്‍ പറ്റാത്ത അവസ്ഥ, അങ്ങനെ വരുമ്പോള്‍ ഡിവോഴ്‌സാണ് മികച്ചത്. എന്തിനാണ് നമ്മള്‍ ഒരാളെ ഇങ്ങനെ വെറുക്കേണ്ടല്ലോ. കുറച്ച് സമയം അതിന്റെ വേദന കാണുമെന്നേയുള്ളൂ. ജീവിതത്തെ പോസിറ്റീവായി സമീപിക്കുന്നൊരാളാണ് ഞാന്‍.

എന്റെ ലൈഫിന്റെ ഓരോ ഘട്ടത്തെക്കുറിച്ചും ഞാന്‍ അവളോട് പറഞ്ഞ് കൊടുത്തിട്ടുണ്ട്. എന്റെ എക്‌സ് വിളിക്കുമ്പോള്‍ ചില സമയത്ത് അവളാണ് ഫോണ്‍ എടുക്കുക. അമ്മാ എന്ന് പറഞ്ഞ് അവളൊരു പ്രത്യേക ശബ്ദം ഉണ്ടാക്കും. ഞാന്‍ ഓക്കെ എന്ന് പറഞ്ഞ് ഫോണ്‍ മേടിക്കും. ഒരാളുടെയും അടിമയായി നമ്മള്‍ ജീവിക്കരുത്. ജീവിതം മനോഹരമാണ്. നിങ്ങള്‍ സന്തോഷമാണോ എന്നാണ് ചോദ്യം. നിങ്ങളുടേതായ സന്തോഷം നിങ്ങള്‍ തിരഞ്ഞെടുക്കുകയെന്നുമായിരുന്നു ശ്വേത മേനോന്‍ പറഞ്ഞത്.

വര്‍ഷങ്ങളായുള്ള പ്രണയത്തിനൊടുവിലായാണ് ശ്വേത മേനോനും ബോബിയും വിവാഹിതരായത്. പ്രണയിച്ചിരുന്ന കാലത്തൊന്നും അദ്ദേഹത്തിന്റെ ദുസ്വഭാവങ്ങളെക്കുറിച്ച് അറിയില്ലായിരുന്നു. തന്റെ സമ്പത്തിലായിരുന്നു അദ്ദേഹത്തിന്റെ കുടുംബത്തിന് താല്‍പര്യം. നിന്നെ മിസ് ചെയ്യുന്നുണ്ടെന്നും, തിരിച്ച് വരൂ നമുക്ക് കല്യാണം കഴിക്കാം എന്നൊക്കെ ബോബി പറയാറുണ്ടെന്ന് മുന്‍പ് ശ്വേത മേനോന്‍ പറഞ്ഞിരുന്നു.

ജീവിതത്തില്‍ തന്റെ ഹീറോ അച്ഛനാണെന്നും മുന്‍പ് ശ്വേത പറഞ്ഞിരുന്നു. ബോയ് ഫ്രണ്ട് ആരാണെന്ന് ചോദിച്ചാല്‍ വരെ അച്ഛന്റെ പേര് പറയാറുണ്ടായിരുന്നു. ആണ്‍കുട്ടിയായാണ് അച്ഛന്‍ എന്നെ വളര്‍ത്തിയത്. എനിക്കിഷ്ടമുള്ള പ്രൊഫഷന്‍ തിരഞ്ഞെടുത്തപ്പോഴും അച്ഛന്‍ പിന്തുണച്ചിരുന്നു. മുംബൈയില്‍ ജോലി ചെയ്തിരുന്ന സമയത്തായിരുന്നു ശ്വേതയും ബോബിയും പ്രണയത്തിലായത്. തുടക്കം മുതലേ തന്നെ അച്ഛന് ഈ വിവാഹത്തില്‍ താല്‍പര്യമില്ലായിരുന്നുവെന്നും താരം പറഞ്ഞിരുന്നു.

More in Movies

Trending