‘ഹാപ്പി ബര്‍ത്ത് ഡേ ലതാജി’ ലതാ മങ്കേഷ്‌കറിന് ശ്രേയയുടെ ജന്മദിനാശംസ!

ലതാ മങ്കേഷ്‌കറിന്റെ പിറന്നാൾ ദിനത്തിൽ ആശംസയറിയിച്ച് രംഗത്തെത്തിയിരിക്കുകയാണ് ഗായിക ശ്രേയ ഘോഷാല്‍.ഫേസ്ബുക്കിലൂടെയാണ് ശ്രയ തന്റെ ആശംസ അറിയിച്ചത്.നിങ്ങളുടെ പാട്ടുകേൾക്കാത്ത ഒരു ദിവസം പോലും എന്റെ ജീവിതത്തിൽ ഇല്ലന്നും നിങ്ങൾ എന്റെ ഗുരുവാണെന്നുമാണ് ശ്രേയ കുറിപ്പിൽപറയുന്നത്.

‘ഹാപ്പി ബര്‍ത്ത് ഡേ ലതാജി.. ഇന്ന് നിങ്ങളുടെ നവതിയാണ്. നിങ്ങളുടെ ആയുരാരോഗ്യത്തിനും സന്തോഷത്തിനും വേണ്ടി ഞാന്‍ പ്രാര്‍ഥിക്കുന്നു. നിങ്ങളുടെ പാട്ടുകള്‍ കേള്‍ക്കാത്ത ഒരു ദിവസം പോലും എന്റെ ജീവിതത്തിലുണ്ടാകാറില്ല. നിങ്ങളാണെന്റെ ഗുരു.. എന്റെ ഏറ്റവും വലിയ പ്രചോദനം.. നിങ്ങള്‍ ജീവിച്ചിരിക്കുന്ന കാലത്ത് ജനിക്കാന്‍ കഴിഞ്ഞതുതന്നെ എന്റെ വലിയ ഭാഗ്യമായി കരുതുന്നു…’ ശ്രേയ ഫേസ്ബുക്കില്‍ കുറിച്ചു.

പുതിയ ഗായകരില്‍ തനിക്കേറെ ഇഷ്ടമുള്ള ശബ്ദമാണ് ശ്രേയ ഘോഷാലിന്റേതാണെന്ന് ലതാ മങ്കേഷ്‌കര്‍ പല അവസരങ്ങളിലും പറഞ്ഞിട്ടുണ്ട്. ശ്രേയ ബോളിവുഡിലെ അടുത്ത ലതാ മങ്കേഷ്‌കറാണെന്ന തരത്തില്‍ ആരാധകര്‍ക്കിടയില്‍ പ്രചരണങ്ങളുമുണ്ടായിരുന്നു.

shreya ghoshal wishes lata mangeshkar