കല്യാണം കഴിച്ചിട്ടും കാര്യം ഒന്നുമില്ല ഇപ്പോഴും ഞങ്ങള്‍ തമ്മില്‍ അടിയുണ്ടാവാറുണ്ട്; അനിയത്തിയെ കുറിച്ച് ശ്രീലയ
കുട്ടിമണി എന്ന കഥാപാത്രത്തിലൂടെ മലയാള മിനിസ്‌ക്രീന്‍ പ്രേക്ഷകരുടെ ഇഷ്ടം നേടിയെടുത്ത താരമാണ് ശ്രീലയ. ഒരൊറ്റ സീരിയല് കൊണ്ട് തന്നെ ജനപ്രീതി നേടിയെടുത്ത നടി ഇപ്പോള്‍ ഭര്‍ത്താവിന് റോബിനും മകള്‍ക്കുമൊപ്പം സന്തോഷത്തോടെ ജീവിക്കുകയാണ്.
ഇപ്പോഴും ആളുകള്‍ എന്നെ കാണുമ്പോള്‍ ചോദിക്കുന്നത്് കുട്ടിമണിയെക്കുറിച്ചാണ്. അഭിനയത്തില്‍ നിന്നും ബ്രേക്കെടുത്തിരിക്കുകയാണെങ്കിലും മികച്ച അവസരം ലഭിച്ചാല്‍ തിരികെ എത്തുമെന്നും താരം വ്യക്തമാക്കിയിരുന്നു. കണ്ണൂര്‍ ആകാശവാണിയിലെ ഗ്രേഡ് ചൈല്‍ഡ് ആര്‍ടിസ്റ്റായിരുന്നു. അക്ഷരസ്ഫുടതയും സംസാരവുമായിരുന്നു അവര്‍ നോക്കിയത്. അമ്മ ആകാശവാണിയിലെ ആദ്യകാല ആര്‍ടിസ്റ്റായിരുന്നു.
അനിയത്തിയാണ് ആദ്യം അഭിനയിച്ച് തുടങ്ങിയത്. അവള്‍ക്കാണ് ആദ്യം ശുക്രനെന്ന് തോന്നുന്നു. ഞങ്ങള്‍ തമ്മില്‍ ഒരു വയസ് വ്യത്യാസമേയുള്ളൂ. ഇപ്പോഴും ഞങ്ങള്‍ തമ്മില്‍ അടിയുണ്ടാവാറുണ്ട്. കല്യാണം കഴിച്ചിട്ടും ശ്രുതിക്ക് വലിയ മാറ്റമൊന്നുമില്ല. മാലയും കമ്മലുമൊക്കെ ചിലപ്പോള്‍ നമ്മള്‍ ചോദിച്ചിട്ട് ഇടും. ചിലപ്പോള്‍ ചോദിക്കാറില്ല. അതൊക്കെയാണ് പ്രശ്നം.
പ്ലസ് ടു കഴിഞ്ഞ സമയത്താണ് സീരിയലിലേക്ക് വരുന്നത്. അമ്മ ആര്‍ടിസ്റ്റായിരുന്നതിനാല്‍ മക്കള്‍ അഭിനയിക്കുമോ എന്ന് സംവിധായകര്‍ ചോദിക്കാറുണ്ടായിരുന്നു. സിനിമയും സീരിയലും കണ്ട് പരിചയമുണ്ടെന്നല്ലാതെ അഭിനയിക്കാനാവുമോ എന്ന് പോലും അറിയില്ലായിരുന്നു. നല്ല ഡെപ്ത്തുള്ള ക്യാരക്ടറായിരുന്നു. ആ സമയത്ത് അഞ്ചക്കം വാങ്ങുന്നവരായിരുന്നു എന്റെ കോ ആര്‍ടിസ്റ്റുകള്‍. 20 എപ്പിസോഡ് കഴിഞ്ഞപ്പോള്‍ ആ സീരിയല് ടീമിന് പ്രശ്‌നങ്ങള്‍. ഫൂട്ടേജ് കിട്ടുന്നില്ലെന്നായിരുന്നു അവര്‍ പറഞ്ഞത്.
എന്റെ ക്യാരക്ടറിനെ കൊന്നില്ല, പകരം മറ്റൊരാളെ എടുക്കുകയായിരുന്നു. എനിക്ക് സുഖമില്ലെന്നായിരുന്നു പറഞ്ഞായിരുന്നു പുതിയ ആളെ എടുത്തത്. തമിഴില്‍ നിന്നൊരു അവസരം ലഭിച്ചപ്പോള്‍ അവര്‍ മാറിയിരുന്നു. ഈ സംഭവത്തിന് ശേഷമാണ് എനിക്ക് കൃഷ്ണകൃപാസാഗരത്തില്‍ അവസരം ലഭിച്ചത്. രാധയായിരുന്നു ഞാന്‍. രാധയെ അവതരിപ്പിക്കണമെന്ന് പലരും ആഗ്രഹിച്ചിരുന്നു.
ആറാം ക്ലാസുകാരനായിരുന്നു കൃഷ്ണനെ അവതരിപ്പിച്ചത്. നഴ്‌സിംഗ് അവസാനവര്‍ഷം പഠിച്ചോണ്ടിരുന്ന സമയത്ത് ഒരു ചേച്ചി എന്നെ കണ്ടപ്പോള്‍ ഞാന്‍ പ്രശസ്തയായി മാറുമെന്ന് പ്രവചിച്ചിരുന്നു. മോളും അഭിനയത്തില്‍ വരും, അറിയപ്പെടുന്ന ആളാവും. പുറത്തൊക്കെ പോവണമെന്നൊക്കെയാണ് എന്റെ ആഗ്രഹമെന്നായിരുന്നു ഞാന്‍ പറഞ്ഞതെന്ന് ശ്രീലയ പറഞ്ഞത്. വര്‍ഷങ്ങള്‍ക്ക് ശേഷം അവര്‍ പറഞ്ഞത് അഭിനയമേഖലയിലേക്ക് ഞാനെത്തി പ്രശസ്തയാവുകയും ചെയ്തു. ഫ്‌ളവേഴ്‌സ് ഒരുകോടിയില്‍ പങ്കെടുത്തപ്പോഴായിരുന്നു ശ്രീലയ വിശേഷങ്ങള്‍ പങ്കുവെച്ചത്.
