ചരിത്ര നേട്ടവുമായി ഷാരൂഖ് ഖാന്‍; ഒരു വര്‍ഷം കൊണ്ട് 2500 കോടി വരുമാനം ലഭിക്കുന്ന ആദ്യത്തെ നടന്‍!

ഷാരൂഖ് ഖാനെ സംബന്ധിച്ച് ഒരു ബ്ലോക്ക് ബസ്റ്റര്‍ വര്‍ഷമായിരുന്നു 2023. 1000 കോടി എന്ന് രണ്ട് സൗഭാഗ്യങ്ങള്‍ ഷാരൂഖിനെ എത്തിച്ചത് ഇന്ത്യന്‍ സിനിമ ചരിത്രത്തിന്റെ നെറുകയിലാണ്. പഠാനും, ജവാനും ശേഷം ഡങ്കിയും വിജയകരമായിരുന്നു.

അഞ്ച് വര്‍ഷത്തെ ഇടവേളയ്ക്ക് ശേഷം ബോളിവുഡില്‍ ഫെസ്റ്റിവല്‍ സൃഷ്ടിച്ച താരത്തിന്റെ വരുമാനമാണ് ഇപ്പോള്‍ ചര്‍ച്ചയായിരിക്കുന്നത്.

ഇന്ത്യന്‍ സിനിമ വ്യവസായത്തില്‍ ഒരു വര്‍ഷം കൊണ്ട് 2500 കോടി വരുമാനം ലഭിക്കുന്ന ആദ്യത്തെ നടനായിരിക്കുകയാണ് ഷാരൂഖ് ഖാന്‍. ട്രേഡ് അനലിസ്റ്റ് രമേശ് ബാലയാണ് അദ്ദേഹത്തിന്റെ ഇക്കാര്യം എക്‌സിലൂടെ അറിയിച്ചത്. പഠാനും ജവാനും ഡങ്കിയും നല്‍കിയ വിജയമാണ് താരത്തിന് ഈ ചരിത്ര നേട്ടമുണ്ടാകാന്‍ കാരണമായത്.

2018ല്‍ പുറത്തിറങ്ങിയ സീറോയുടെ പരാജയത്തിന് ശേഷമാണ് ഷാരൂഖ് സിനിമയില്‍ നിന്ന് ഇടവേളയെടുക്കുന്നത്. ശേഷം റോക്കട്രി സിനിമയിലൂടെ കാമിയോ റോളിലെത്തിയ ഷാരുഖിനെ ആരാധകര്‍ ഏറ്റെടുത്തുവെങ്കിലും ചരിത്രം കുറിച്ചത് അദ്ദേഹം നായകനായി എത്തിയ പഠാനിലാണ്.

1,050.30 കോടിയാണ് ചിത്രം ആഗോള തലത്തില്‍ കളക്ട് ചെയ്തത്. അങ്ങനെ, 2023 ല്‍ ഏറ്റവും കൂടുതല്‍ കളക്ഷന്‍ നേടുന്ന ചിത്രമായി പാഠന്‍. ഈ റെക്കോര്‍ഡ് തകര്‍ക്കുന്നത് ഷാരൂഖിന്റെ തന്നെ ജവാനാണ്. ലോകമെമ്പാട് നിന്നും 1,140 കോടിയാണ് ചിത്രം നേടിയത്. ഇപ്പോള്‍ ‘ഡങ്കി’യാണ് താരം.