അദ്ദേഹത്തിന്റെ എനർജി അപാരം, ഡെഡിക്കേഷൻ സമ്മതിച്ചു കൊടുക്കണം !! മമ്മൂട്ടിയെ കുറിച്ച് വാചാലനായി ബോളിവുഡ്ഡ് ആക്ഷൻ കൊറിയോഗ്രാഫർ ശ്യാം കൗശൽ….

അദ്ദേഹത്തിന്റെ എനർജി അപാരം, ഡെഡിക്കേഷൻ സമ്മതിച്ചു കൊടുക്കണം !! മമ്മൂട്ടിയെ കുറിച്ച് വാചാലനായി ബോളിവുഡ്ഡ് ആക്ഷൻ കൊറിയോഗ്രാഫർ ശ്യാം കൗശൽ….

കൈനിറയെ സിനിമകളാണ് മമ്മൂട്ടിക്ക് ഇപ്പോൾ ഉള്ളത്. പുതുമുഖ സംവിധായകരും, പയറ്റി തെളിഞ്ഞവരുമെല്ലാം മമ്മൂട്ടിയുടെ ഡേറ്റിനായി കാത്തിരിക്കുകയാണ്. സാധാരണ സിനിമകളും ബിഗ് ബജറ്റ് സിനിമകളുമെല്ലാം ഈ ലിസ്റ്റിൽ ഉണ്ട്. അനുരാഗ കരിക്കിന്‍ വെള്ളത്തിന് ശേഷം ഖാലിദ് റഹ്മാന്‍ സംവിധാനം ചെയ്യുന്ന ചിത്രമായ ഉണ്ടയിലാണ് മമ്മൂട്ടി ഇപ്പോള്‍ അഭിനയിക്കുന്നത്. പേരുകൊണ്ട് തന്നെ വ്യത്യസ്തമായ ചിത്രമാണ് ഉണ്ട.

കാസര്‍കോട് വെച്ച് സിനിമയുടെ ചിത്രീകരണം പുരോഗമിച്ച് വരികയാണ്. ബോളിവുഡിലെ ആക്ഷന്‍ കോറിയോഗ്രാഫറായ ശ്യാം കൗശലാണ് ചിത്രത്തിന്റെ ആക്ഷന്‍ നിയന്ത്രിക്കുന്നത്. മണുക്കൂറുകളോളം നീളുന്ന ചിത്രീകരണത്തിനിടയിലെ മമ്മൂട്ടിയുടെ താല്‍പര്യത്തെക്കുറിച്ചും ഡെഡിക്കേഷനെക്കുറിച്ചുമൊക്കെ വാചാലനായിരിക്കുകയാണ് അദ്ദേഹം.

റിയല്‍ ആക്ഷന്‍ രംഗങ്ങളാണ് ചിത്രത്തിനായി ഒരുക്കുന്നതെന്നുള്ള റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. മണിക്കൂര്‍ നീളുന്ന ഷൂട്ടില്‍ തുടക്കത്തിലെ അതേ എനര്‍ജി തന്നെ അവസാനം വരെ അദ്ദേഹത്തിനുണ്ടായിരുന്നുവെന്നും കൗശല്‍ പറയുന്നു.

ദംഗല്‍, ക്രിഷ് 3, പദ്മാവത്, ധൂം 3 തുടങ്ങിയ സിനിമകളുടെ ആക്ഷനൊരുക്കിയത് ശ്യാം കൗശല്‍ ആയിരുന്നു. ഇതാദ്യമായാണ് അദ്ദേഹം ഒരു മലയാള സിനിമയുമായി സഹകരിക്കുന്നത്. 2019 മേയ് പകുതിയോടെ സിനിമ റിലീസ് ചെയ്യുമെന്നുള്ള റിപ്പോര്‍ട്ടുകളും പുറത്തുവന്നിട്ടുണ്ട്.

Sham Kaushal about Mammootty