വാനമ്പാടിയെ സ്നേഹിച്ചവർക്കെല്ലാം ഹൃദയത്തിന്റെ ഭാഷയിൽ നന്ദി അറിയിച്ച് സായ് കിരണ്‍; പരമ്പര രണ്ടാം ഭാഗം ഉടനെയോ?

കഴിഞ്ഞ ദിവസമായിരുന്നു വാനമ്ബാടി സീരിയൽ അവസാനിച്ചത്. ആരും പ്രതീക്ഷിക്കാത്ത രീതിയിലുള്ള ക്ലൈമാക്സായിരുന്നു സീരിയലിൽ സംഭവിച്ചത്. സായ് കിരണും മോഹനനായി പകർന്നാടിയപ്പോൾ സുചിത്ര നായരായിരുന്നു പപ്പിയായി എത്തിയത്. ഇവരുടെ കെമിസ്ട്രിക്ക് ഗംഭീര കൈയ്യടിയായിരുന്നു ലഭിച്ചത്.

പരമ്ബര അവസാനിച്ചതിന് പിന്നാലെയായാണ് ഇന്‍സ്റ്റഗ്രാം പോസ്റ്റിലൂടെ നന്ദി പറഞ്ഞ് സായ് കിരണ്‍. പരമ്ബരയ്ക്ക് മുന്നിലും പിന്നിലുമായി അണിനിരന്നവരോടെല്ലാം നന്ദി പറയുന്നുവെന്നായിരുന്നു സായ് കിരണ്‍ പറഞ്ഞത്. ഇതാദ്യമായാണ് ഒരു സീരിയല്‍ അവസാനിക്കുമ്ബോള്‍ സങ്കടം തോന്നുന്നതെന്നായിരുന്നു ആരാധകര്‍ പറഞ്ഞത്. നിരവധി പേരാണ് താരത്തിന്റെ പോസ്റ്റിന് കീഴില്‍ കമന്റുകളുമായെത്തിയിട്ടുള്ളത്.

തെലുങ്ക് സിനിമകളിൽ സജീവ സാനിധ്യമായിരുന്ന സായ്കിരൺ ഇപ്പോൾ മലയാളത്തിലും തമിഴിലും മിനിസ്‌ക്രീനിൽ നിറഞ്ഞുനിൽക്കുകയാണ്. അതേസമയം ഒരുകാലത്ത് മലയാളത്തിൽ നിറഞ്ഞുനിന്ന ഗായിക പി.സുശീലയുടെ കൊച്ചുമോനാണ് സായ് കിരൺ എന്ന് അധികം ആർക്കുമറിയാത്ത കാര്യമാണ്.

തെലുങ്ക് സീരിയലായ കൊയിലമ്മയുടെ റീമേക്കാണ് വാനമ്പാടി.കൊയിലമ്മയിലെ നായകനെയും സായ്കിരൺ തന്നെയാണ് അവതരിപ്പിച്ചത്.ഇതാണ് വാനമ്പാടിയിലും അതേ കഥാപാത്രമായി സായ്കിരൺ എത്താൻ കാരണം.35ഓളം തെലുങ്ക് സിനിമകളിൽ അഭിനയിച്ചിട്ടുള്ള സായ്കിരൺ ഭക്ത സീരിയലുകളിൽ കൃഷ്ണനും വിഷ്ണുവുമായി എല്ലാം തിളങ്ങിയിട്ടുണ്ട്. വിവാഹമോചിതൻ കൂടിയാണ് സായ്കിരൺ. 2010ൽ വൈഷ്ണവിയെ വിവാഹം കഴിച്ചെങ്കിലും അധികം വൈകാതെ ബന്ധം വേർപിരിഞ്ഞ് ഇപ്പോൾ സായ്കിരൺ അമ്മയ്ക്കും സഹോദരിക്കും ഒപ്പമാണ് താമസിക്കുന്നത്.