പ്രമുഖ നടന്മാർ എട്ടു ദവസത്തിനു വേണ്ടി ചോദിച്ച തുക ഞെട്ടിച്ചു ! അതുകൊണ്ടാണ് ഈ വേഷം ചെയ്യാൻ തീരുമാനിച്ചത് – റോഷൻ ആൻഡ്രൂസിന്റെ വെളിപ്പെടുത്തൽ !

മഞ്ജു വാര്യയരെ നായികയാക്കി റോഷൻ ആൻഡ്രൂസ് സംവിധാനം ചെയ്യുന്ന ചിത്രമാണ് പ്രതി പൂവൻകോഴി . ഉണ്ണി ആർ തിരക്കഥയൊരുക്കിയ ചത്രത്തിൽ മഞ്ജുവിനൊപ്പം ജോജു ജോർജിനെയാണ് തീരുമാനിച്ചിരുന്നത്. എന്നാൽ ജോജു ചിത്രത്തിൽ നിന്നും പിന്മാറിയതോടെ ആ വേഷത്തിലേക്ക് റോഷൻ എത്തുകയായിരുന്നു. അതിന്റെ കാരണം ഇപ്പോൾ വെളിപ്പെടുത്തുകയാണ് സംവിധായകൻ .

മഞ്ജുവാരിയർ നായികയായ ചിത്രത്തിൽ ആന്റപ്പൻ എന്ന കഥാപാത്രമായാണ് റോഷൻ അഭിനയിക്കുക.എട്ടുദിവസത്തെ അഭിനയത്തിന് പ്രമുഖ നടന്മാർ ചോദിച്ച തുക താങ്ങാൻ വയ്യാത്തതുകൊണ്ടാണ് റോഷൻ ആൻഡ്രൂസ് തന്നെ ആ വേഷം ചെയ്യാൻ തീരുമാനിച്ചത്. സ്വന്തം സിനിമകളിൽ ഒരു ഷോട്ടിൽ മാത്രം പ്രത്യക്ഷപ്പെട്ടിട്ടുള്ള റോഷന്റെ അഭിനയ അരങ്ങേറ്റം കൂടിയാകും ഈ സിനിമ.

‘ഒരാഴ്ചത്തെ ജോലിക്ക് പലരും പറഞ്ഞ പ്രതിഫലം ഈ സിനിമയ്ക്ക് ചേരുന്നതായിരുന്നില്ല. ഞാൻ എന്റെ സിനിമയിൽ കഥാപാത്രങ്ങൾക്കാണ് പ്രതിഫലം നിശ്ചയിക്കുന്നത്, താരങ്ങൾക്കല്ല. അതുകൊണ്ടാണ് ഈ വേഷം ചെയ്യാൻ തീരുമാനിച്ചത്. അഭിനയത്തോട് ഇഷ്ടമുണ്ടെങ്കിലും അഭിനയിപ്പിക്കുന്ന സംവിധായകനാകാനാണ് കൂടുതൽ ഇഷ്ടം.’ റോഷൻ ആൻഡ്രൂസ് പറഞ്ഞു.

‘ആക്‌ഷൻ ഹീറോ ബിജുവിൽ ഒരു വേഷം ചെയ്യാൻ നിവിൻ ഒരുപാട് നിർബന്ധിച്ചിരുന്നു. പക്ഷേ അന്ന് അത് ചെയ്യാൻ കഴിഞ്ഞില്ല. ഈ സിനിമയുടെ തിരക്കഥാകൃത്തായ ഉണ്ണി. ആറാണ് ഈ കഥാപാത്രം ചെയ്യാൻ എന്നോട് ആവശ്യപ്പെടുന്നത്. വീട്ടിലും എല്ലാവരും പൂർണപിന്തുണ. തിരക്കഥാകൃത്ത് സഞ്ജയ്‌യും എന്നെ പ്രോത്സാഹിപ്പിച്ചു.’–റോഷൻ പറഞ്ഞു.

roshan andrews about new movie