പിറന്നാള്‍ ദിനത്തില്‍ ഞെട്ടി ആരാധകര്‍; ‘നഗ്ന ചിത്രങ്ങള്‍ കാണാന്‍ ഇടത്തേയ്ക്ക് സ്‌വൈപ്പ് ചെയ്യാന്‍’ പറഞ്ഞ് റെജീന

കേഡി ബില്ല കില്ലാഡി രംഗ എന്ന ശിവകാര്‍ത്തികേയന്‍ ചിത്രത്തിലൂടെ ശ്രദ്ധേയയായ തെന്നിന്ത്യന്‍ നടിയാണ് റെജിന കസാന്‍ഡ്ര. പിറന്നാള്‍ ദിനത്തില്‍ ആരാധകരെ ഞെട്ടിച്ചിരിക്കുകയാണ് താരം ഇപ്പോള്‍. മനോഹരമായ ചിത്രം പങ്കുവച്ച് ‘നഗ്‌ന ചിത്രങ്ങള്‍ കാണാന്‍ ഇടത്തേയ്ക്ക് സ്‌വൈപ്പ് ചെയ്യുക’ എന്നാണ് താരം പോസ്റ്റ് ചെയ്തത്. കുട്ടിക്കാലത്തെ രസകരമായ ചിത്രങ്ങളാണ് താരം പങ്കുവച്ചിരിക്കുന്നത്. തന്റെ മുപ്പതാം പിറന്നാളിന് ആശംസകള്‍ അറിയിച്ച എല്ലാവര്‍ക്കും റെജിന നന്ദിയും അറിയിക്കുന്നുണ്ട്.

സൈബര്‍ സദാചാരക്കാരോടുള്ള മറുപടിയായാണ് റെജീനയുടെ പോസ്റ്റ് എന്ന കമന്റുകളാണ് ചിത്രത്തിന് ലഭിക്കുന്നത്. പോസ്റ്റിന് നേരെ വിമര്‍ശനങ്ങളും ഉയരുന്നുണ്ട്. കണ്ട നാള്‍ മുതല്‍ എന്ന തമിഴ് ചിത്രത്തിലൂടെയാണ് റെജീന സിനിമയിലേക്ക് എത്തിയത്. തമിഴ്, കന്നഡ, തെലുങ്ക്, ബോളിവുഡ് ചിത്രങ്ങളില്‍ വേഷമിട്ട താരം മാനഗരം, ഏവ്, ഏക് ലഡ്കി കോ ദേഖാ തോ ഏസാ ലഗാ എന്നീ ശ്രദ്ധേയമായ ചിത്രങ്ങളുടെ ഭാഗമായിട്ടുണ്ട്. നെഞ്ചം മരപ്പത്തിലൈ, പാര്‍ട്ടി, ചക്ര, കല്ലപ്പാര്‍ട്ട്, കസഡ തപര എന്നീ ചിത്രങ്ങളാണ് താരത്തിന്റേതായി അണിയറയില്‍ ഒരുങ്ങുന്നത്.