നിറത്തിന്റെ പേരിൽ പരിഹസിച്ചവരുടെ വായടപ്പിച്ച് താരപുത്രി

നിറത്തിന്റെ പേരിൽ പരിഹസിച്ചവർക്ക് മറുപടി നൽകി ഷാരൂഖ് ഖാന്റെയും ഗൗരി ഖാന്റെയും മകൾ സുഹാന ഖാൻ.

ഇൻസ്റ്റഗ്രാമിൽ പങ്കുവെച്ച തന്റെ ചിത്രങ്ങള്‍ക്ക് മോശം കമന്റ് ചെയ്തവർക്കാണ് മറുപടി നൽകിയത്. സുഹാന സോഷ്യൽ മീഡിയയിൽ പങ്കുവെച്ച ഏറ്റവും പുതിയ ചിത്രങ്ങൾക്ക് കറുത്തതും പുരുഷന്മാരെ പോലെയുണ്ടെന്നും സർജറി ചെയ്ത് നിറം മാറ്റണമെന്നുമടക്കം അങ്ങേയറ്റം അധിക്ഷേപകരമായ നിരവധി കമന്‍റുകളാണ് ലഭിച്ചത്.

endcolourism എന്ന ഹാഷ്ടാഗിലാണ് മറുപടി. 12ാം വയസുമുതൽ നിറത്തിന്റെ പേരിലുള്ള വേർതിരിവ് അനുഭവിക്കുകയാണെന്ന് 20-കാരിയായ സുഹാന പോസ്റ്റിൽ വ്യക്തമാക്കുന്നു. തനിക്ക് ബ്രൗൺ കളറാണെന്നും അതില്‍ തനിക്ക് സന്തോഷമാണെന്നും സുഹാന വ്യക്തമാക്കുന്നു.