News
വൈക്കത്ത് ജൂഡ് ആന്റണി ജോസഫിന്റെ സിനിമാ സെറ്റില്‍ കഞ്ചാവ് മാഫിയയുടെ ആക്രമണം; സംഭവം ഇങ്ങനെ
വൈക്കത്ത് ജൂഡ് ആന്റണി ജോസഫിന്റെ സിനിമാ സെറ്റില്‍ കഞ്ചാവ് മാഫിയയുടെ ആക്രമണം; സംഭവം ഇങ്ങനെ
സംവിധായകന്‍ ജൂഡ് ആന്റണി ജോസഫിന്റെ സിനിമാ സെറ്റില്‍ കഞ്ചാവ് മാഫിയയുടെ ആക്രമണം. കോട്ടയം ജില്ലയിലെ വൈക്കത്ത് സിനിമാ സെറ്റില്‍ ആക്രമണം നടന്നത്.
മീഡിയ വണ്ണാണ് ഇക്കാര്യം റിപ്പോര്‍ട്ട് ചെയ്യുന്നത്. കുഞ്ചാക്കോ ബോബന്‍ കേന്ദ്രകഥാപാത്രമാകുന്ന ചിത്രത്തിന്റെ ഷൂട്ടിംഗ് സെറ്റിലായിരുന്നു സംഭവം.
അക്രമികള്‍ മേക്കപ്പ് ആര്‍ടിസ്റ്റ് മിഥുന്‍ ജിത്തിന്റെ തലയടിച്ച് പൊട്ടിക്കുകയും ചെയ്തു എന്നാണ് റിപ്പോര്‍ട്ട്. മര്‍ദനത്തില്‍ സാരമായ പരിക്കേറ്റ മിഥുന്‍ ഡി വൈ എഫ് ഐ നേതാവ് കൂടിയാണ്. അക്രമികളെ കുറിച്ച് വിവരമൊന്നും ലഭിച്ചിട്ടില്ല. ഇതുവരെ പേരിടാത്ത ചിത്രത്തില്‍ കുഞ്ചാക്കോയ്ക്ക് പുറമെ ടൊവിനോ തോമസ്, ആസിഫ് അലി എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്നുണ്ട്. നേരത്തെ മഞ്ജു വാര്യര്‍, ഇന്ദ്രജിത്ത് എന്നിവരും ചിത്രത്തില്‍ വേഷമിടും എന്ന റിപ്പോര്‍ട്ടുണ്ടായിരുന്നു.
2018 ലെ കേരളത്തിലെ പ്രളയത്തെ അടിസ്ഥാനമാക്കിയുള്ള ചിത്രം ജൂഡ് ആന്റണി ജോസഫിന്റെ കരിയറിലെ വലിയ പ്രൊജക്ടാണ്. ആന്റോ ജോസഫാണ് നിര്‍മാണം.
രണ്ട് വര്‍ഷം മുമ്പ് ടൊവിനോ തോമസിനും തന്‍വി റാമിനുമൊപ്പം ജൂഡ് ആന്റണി ജോസഫ് സിനിമയുടെ ചില ഭാഗങ്ങള്‍ ചിത്രീകരിച്ചിരുന്നു. ജൂഡ് ആന്തണി ജോസഫും ജോണ്‍ മന്ത്രിക്കലും ചേര്‍ന്നാണ് തിരക്കഥയെഴുതുന്നത്.
