Movies
നിങ്ങളുടെ ഒപ്പം അഭിനയിക്കാന് കഴിഞ്ഞത് ഭാഗ്യമായി കരുതുന്നു, ഇതൊരു മനുഷ്യന് ജീവിച്ചുതീര്ത്ത ജീവിതമാണെന്നോര്ക്കുമ്പോള്…നജീബിക്കാ..; നവ്യ നായര്
നിങ്ങളുടെ ഒപ്പം അഭിനയിക്കാന് കഴിഞ്ഞത് ഭാഗ്യമായി കരുതുന്നു, ഇതൊരു മനുഷ്യന് ജീവിച്ചുതീര്ത്ത ജീവിതമാണെന്നോര്ക്കുമ്പോള്…നജീബിക്കാ..; നവ്യ നായര്
ബ്ലെസി ഒരുക്കിയ ആടുജീവിതമാണ് ഇപ്പോഴത്തെ ചര്ച്ചാവിഷയം. സിനിമയെ പ്രശംസിച്ച് ഇതിനോടകം നിരവധി പേരാണ് രംഗത്തെത്തിയിരുന്നത്. ഇപ്പോഴിതാ നടി നവ്യ നായരും ചിത്രത്തെ പ്രശംസിച്ച് രംഗത്തെത് എത്തിയിരിക്കുകയാണ്. ഇനിയുമൊരു നജീബ് ഉണ്ടാവരുതേ എന്ന് ഈ വിശുദ്ധമാസത്തില് പ്രാര്ഥിച്ചു പോകുകയാണെന്ന് നടി തന്റെ ഫെയ്സ്ബുക്കില് കുറിച്ചു. പൃഥ്വിരാജിനൊപ്പം അഭിനയിക്കാന് കഴിഞ്ഞത് ഇപ്പോള് ഭാഗ്യമായി കരുതുന്നുവെന്നും നടി കുറിച്ചു.
ഫെയ്സ്ബുക്ക് പോസ്റ്റിന്റെ പൂര്ണരൂപം
ആടുജീവിതം..
ഇതൊരു മനുഷ്യന് ജീവിച്ചുതീര്ത്ത ജീവിതമാണെന്നോര്ക്കുമ്പോള്…നജീബിക്കാ…
പുസ്തകം വായിച്ചപ്പോള് തന്നെ ഹൃദയംപിടഞ്ഞിരുന്നു, ബെന്യാമിന് എന്ന എഴുത്തുകാരനെ ഇഷ്ടപ്പെടുകയും ചെയ്തിരുന്നു. പക്ഷേ ഇപ്പോള് സിനിമ കണ്ടിറങ്ങി അനുഭവിക്കുന്ന ഭാരം, ഇനിയുമൊരു നജീബ് ഉണ്ടാവരുതേ എന്ന് ഈ വിശുദ്ധമാസത്തില് പ്രാര്ഥിച്ചു പോകുന്നു. രാജു ചേട്ടാ (പൃഥ്വിരാജ് സുകുമാരന്), നിങ്ങളുടെ ഒപ്പം അഭിനയിക്കാന് കഴിഞ്ഞത് ഇപ്പോള് ഭാഗ്യമായി കരുതുന്നു.
പല നിമിഷങ്ങളിലും നജീബിക്കയല്ലേ ഇത് എന്ന് തോന്നിപോകുംവിധം അതിശയിപ്പിച്ചു. സിനിമ തീര്ന്നിട്ടും ഉള്ളിലൊരു ദാഹം നിലനിന്നു, അത് നജീബിന്റെ കണ്ണിലും തൊണ്ടയിലും ഞരങ്ങലുകളിലും നിങ്ങളെന്ന നടന്റെ അഭിനയം തീര്ത്ത വിസ്മയമാണ്. ഈ കഥാപാത്രത്തിന് വേണ്ടി നിങ്ങള് നടത്തിയ സമര്പ്പണം വരും തലമുറയിലെ അഭിനേതാക്കള്ക്ക് ഒരു പാഠമാണെന്ന് നിസംശയം ഒരു എളിയ അഭിനയത്രി എന്ന നിലയ്ക്ക് പറയട്ടെ.
ഹക്കീം ആയി ഗോകുല് ഉം , ഇബ്രാഹിം ഖാദ്രി ആയി ജിമ്മി ജീന് ലൂയിയും മനസ്സ് കീഴടക്കി.. പെരിയോനെ റഹ്മാനെ പെരിയോനേ റഹീം, ഈ പാട്ടിന്റെ മാന്ത്രികതയാണ് ആ മണലാരണ്യത്തിലെ നമ്മുടെ പ്രതീക്ഷ, അതേ ഏതു ബുദ്ധിമുട്ടിലും ദൈവം നമ്മുടെ കൂടെ ഉണ്ട് എന്ന പ്രതീക്ഷ, അത് ഓരോ നിമിഷവും ഊട്ടിയുറപ്പിച്ച ഈ പാട്ടിന്റെ ഉടയോനെയും (എ ആര് റഹ്മാന്) നമസ്കരിക്കുന്നു..
മലയാളിക്ക് അഭിമാനിക്കാവുന്ന ഒരു സിനിമ സമ്മാനിച്ചതില് നന്ദി..ബ്ലെസി എന്ന സംവിധായകനോട് വീണ്ടും വീണ്ടും ബഹുമാനം മാത്രം..
അതേസമയം, തിയേറ്ററുകളില് അപരാജിത കുതിപ്പ് തുടര്ന്ന് മുന്നേറുന്ന ആടുജീവിതം നൂറുകോടി ക്ലബില് ഇടംപിടിച്ചിരിക്കുകയാണ്. വെറും ഒന്പത് ദിവസംകൊണ്ടാണ് ഈ ബ്ലെസിപൃഥ്വിരാജ് ചിത്രം ആഗോളകളക്ഷനില് 100 കോടിയെന്ന നേട്ടം സ്വന്തമാക്കിയത്. ഇതോടെ മലയാളത്തില് ഏറ്റവും വേ?ഗത്തില് ഈ കളക്ഷന് നേടുന്ന ചിത്രമെന്ന പേരും ആടുജീവിതം കരസ്ഥമാക്കി.
