Malayalam
യുവാവിന്റെ തല അടിച്ചു പൊട്ടിച്ച കേസ്; മീശ വിനീത് റിമാന്‍ഡില്‍
യുവാവിന്റെ തല അടിച്ചു പൊട്ടിച്ച കേസ്; മീശ വിനീത് റിമാന്‍ഡില്‍
യുവാവിന്റെ തല അടിച്ചു പൊട്ടിച്ച കേസില്‍ അറസ്റ്റിലായ ഇന്‍സ്റ്റഗ്രാം താരം ‘മീശ വിനീതി’നെ റിമാന്‍ഡ് ചെയ്തു. പള്ളിക്കല്‍ മടവൂര്‍ സ്വദേശിയായ യുവാവിനെ ആക്രമിച്ച് തല അടിച്ചു പൊട്ടിച്ച കേസില്‍ പള്ളിക്കല്‍ പോലീസാണ് വിനീതിനെ പിടികൂടിയത്. കേസിലെ മൂന്നാം പ്രതിയാണ് വിനീത്.
ഇക്കഴിഞ്ഞ 16ന് വിനീത് ഉള്‍പ്പെടെ നാലുപേര്‍ രണ്ടു ബൈക്കുകളിലായി മടവൂരില്‍ എത്തി യുവാവിനെ ആക്രമിച്ചുവെന്നാണ് കേസ്. മറ്റ് മൂന്ന് പ്രതികളെ പിടികൂടാനായിട്ടില്ല. നേരത്തെ, ഇന്‍സ്റ്റഗ്രാം വഴി പരിചയപ്പെട്ട യുവതിയില്‍നിന്ന് സ്വര്‍ണാഭരണങ്ങള്‍ തട്ടിയ കേസില്‍ ഓഗസ്റ്റില്‍ വിനീത് പിടിയിലായിരുന്നു.
സ്വര്‍ണാഭരണം വാങ്ങി പണയം വെച്ചശേഷം തിരികെ നല്‍കാമെന്ന് പറഞ്ഞ് യുവതിയെ വിളിച്ച് വരുത്തി ഉപദ്രവിക്കുകയായിരുന്നു. കിളിമാനൂര്‍ പോലീസാണ് അന്ന് അറസ്റ്റ് ചെയ്തത്.
ഇന്‍സ്റ്റഗ്രാമില്‍ പരിചയപ്പെട്ട പെണ്‍കുട്ടിയെ പീഡിപ്പിച്ച കേസിലടക്കം ഒട്ടേറെ ക്രിമിനല്‍ കേസുകളില്‍ പ്രതിയായ ആളാണ് വിനീത്. പത്ത് മോഷണക്കേസുകളിലും അടിപിടി കേസിലും ഇയാള്‍ പ്രതിയായിരുന്നു. മാര്‍ച്ചില്‍ പെട്രോള്‍ പമ്പ് മാനേജരില്‍നിന്ന് രണ്ടര ലക്ഷം രൂപ തട്ടിയെടുത്ത കേസിലും വിനീതിനെ അറസ്റ്റ് ചെയ്തിരുന്നു. പ്രതിയെ ആറ്റിങ്ങല്‍ കോടതിയാണ് റിമാന്‍ഡ് ചെയ്തത്.
