ഗ്യാലറിയില്‍ ആവേശം പകര്‍ന്ന് നടി മമിത ബൈജു; സോഷ്യല്‍ മീഡിയയില്‍ വൈലായി ചിത്രങ്ങള്‍

തുടര്‍തോല്‍വിയ്ക്ക് ശേഷം കൊല്‍ക്കത്തയെ ഏഴ് വിക്കറ്റിന് ചെന്നൈ സൂപ്പര്‍ കിങ്‌സ് പരാജയപ്പെടുത്തിയപ്പോള്‍ ഗ്യാലറിയില്‍ ആവേശം പകര്‍ന്ന് നടി മമിത ബൈജുവും. ‘പ്രേമലൂ’ എന്ന ഒറ്റ സിനിമ കൊണ്ട് തെന്നിന്ത്യയുടെ പുത്തന്‍ ക്രഷ് ആയി മാറിയ മമിത ചെന്നൈ സൂപ്പര്‍ കിങ്‌സ് ആരാധികയാണ്.

സഹോദരന്‍ മിഥുന്‍ ബൈജുവിന്റെ കൂടെയാണ് മമിത ചെന്നൈയില്‍ കളികാണാനെത്തിയത്. കളികാണാനെത്തിയ താരത്തിന്റെ ചിത്രങ്ങള്‍ ഇപ്പോള്‍ സോഷ്യല്‍മീഡിയയിലും വൈറലാണ്. എംഎസ് ധോനിയുടെ കടുത്ത ആരാധികയായ താരം ഇന്‍സ്റ്റഗ്രാമിലൂടെ ധോനിയുടെയും ടീമിന്റെയും വിഡിയോ പങ്കുവെച്ചിട്ടുണ്ട്.

ഐപിഎല്‍ മത്സരത്തില്‍ അഞ്ച് കളികളില്‍ മൂന്നാം ജയമാണ് ചെന്നൈയുടെത്. അപരാജിതരായി തുടര്‍ന്ന കൊല്‍ക്കത്തയെ ഏഴ് വിക്കറ്റിനാണ് ചെന്നൈ മുട്ടുകുത്തിച്ചത്. ടീം ക്യാപ്റ്റനായ ഋതുരാജ് ഗെയ്ക്‌വാദിയാണ് ചെന്നൈയുടെ ടോപ് സ്‌കോറര്‍.