ചോറ്റാനിക്കര ക്ഷേത്രത്തില്‍ മകം തൊഴാനെത്തി നയന്‍സും വിഘ്‌നേഷും; സോഷ്യല്‍ മീഡിയയില്‍ വൈറലായി ചിത്രങ്ങള്‍

തെന്നിന്ത്യയില്‍ ഇന്ന് നിരവധി ആരാധകരുള്ള താരമാണ് നയന്‍താര. ഇപ്പോഴിതാ ചോറ്റാനിക്കര ക്ഷേത്രത്തില്‍ മകം തൊഴാനെത്തിയിരിക്കുകയാണ് നയന്‍സും വിഘ്‌നേഷും. പ്രസിദ്ധമായ ചോറ്റാനിക്കര ഭഗവതി ക്ഷേത്രത്തിലെ മകം തൊഴലിന് വേണ്ടിയാണ് നയന്‍സും വിഘ്‌നേഷും കേരളക്കരയിലെത്തിയിരിക്കുകയാണ്.

ഇന്ന് ഉച്ചയ്ക്ക് രണ്ട് മണിയോടെയാണ് ഇരുവരും ക്ഷേത്രത്തില്‍ എത്തിയത്. ഇതിനോടകം തന്നെ ഇരുവരുടെയും ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്.

ഇരുവരുടെയും വിവാഹത്തിനായി കാത്തിരിക്കുകയാണ് തമിഴ് സിനിമാലോകം. വിഘ്‌നേഷുമായി വിവാഹ നിശ്ചയം കഴിഞ്ഞതായി അടുത്തിടെ വിജയ് ടെലിവിഷനിലെ അഭിമുഖത്തില്‍ വെളിപ്പെടുത്തിയിരുന്നു.

നയന്‍താരയുടെയും വിഘ്‌നേഷിന്റെയും വിവാഹം ഉടനുണ്ടാകുമെന്നാണ് റിപ്പോര്‍ട്ടുകള്‍. ‘നാനും റൗഡി നാന്‍ താന്‍’ (2015) എന്ന സിനിമയുടെ സെറ്റില്‍ വച്ചാണ് നയന്‍താരയും വിഘ്‌നേഷും പ്രണയത്തിലായത്.