Malayalam
വിവാഹത്തിന് മുമ്പ് പാചകം ഒന്നും അറിയില്ലെന്ന് പറഞ്ഞ മൃദുല പാചക പരീക്ഷണങ്ങളിലേയ്ക്ക്; ആദ്യമായി തയ്യാറാക്കിയ വിഭവം കണ്ടോ..!
വിവാഹത്തിന് മുമ്പ് പാചകം ഒന്നും അറിയില്ലെന്ന് പറഞ്ഞ മൃദുല പാചക പരീക്ഷണങ്ങളിലേയ്ക്ക്; ആദ്യമായി തയ്യാറാക്കിയ വിഭവം കണ്ടോ..!
സീരിയല്‍ താരങ്ങളായ യുവകൃഷ്ണയുടെയും മൃദുല വിജയിയുടെയും വിവാഹം ലോക്ക്ഡൗണിന് ഇടയിലും സോഷ്യല്‍ മീഡിയയില്‍ വലിയ ആഘോഷമാക്കിയിരുന്നു. നിശ്ചയം കഴിഞ്ഞത് മുതലുള്ള വാര്‍ത്തകള്‍ ആരാധാകര്‍ ഏറ്റെടുത്തിരുന്നു. ഒടുവില്‍ ജൂലൈയില്‍ ഇരുവരും വിവാഹിതരായി. വിവാഹശേഷമുള്ള ചിത്രങ്ങളും വിശേഷങ്ങളും എല്ലാമായി ഇരുവരും സോഷ്യല്‍ മീഡിയയിലും വളരെ സജീവമാണ്. വിവാഹശേഷമുള്ള ആദ്യ ഓണം ആഘോഷമാക്കിയ ഇരുവരും ഈ ചിത്രങ്ങളും പങ്കുവെച്ചിരുന്നു. പിന്നാലെ വിവാഹശേഷമുള്ള മൃദുലയുടെ പിറന്നാളും സര്‍പ്രൈസുകളുമെല്ലാം ആരാധകര്‍ ഏറ്റെടുത്തിരുന്നു.
പുതിയ വീടിന്റെ പാലുകാച്ചല്‍ ചടങ്ങ് ആഘോഷമാക്കിയ വീഡിയോയും ഇരുവരും പങ്കുവെച്ചിരുന്നു. ഇപ്പോഴിതാ വിവാഹത്തിന് മുമ്പ് പാചകം ഒന്നും അറിയില്ലെന്ന് പറഞ്ഞ മൃദുല പാചക പരീക്ഷണങ്ങളിലേയ്ക്ക് കടന്നിരിക്കുകയാണ്. അതിന്റെ വീഡിയോയും താരം പങ്കുവെച്ചിട്ടുണ്ട്. നിരവധി പേരാണ് കമന്റുകളുമായി എത്തിയിരിക്കുന്നത്. പാചകം അറിയില്ലെന്ന് പറഞ്ഞത് കള്ളമായിരുന്നല്ലേ…ഞങ്ങളെ പറ്റിക്കുകയായിരുന്നോ എന്നു തുടങ്ങി നിരവധി കമന്റുകളാണ് എത്തിയിരിക്കുന്നത്. താരങ്ങള്‍ പങ്കുവെയ്ക്കുന്ന വിശേഷങ്ങള്‍ വൈറലാകാറുള്ളതു പോലെ ഇതും വളരെ പെട്ടെന്നാണ് വൈറലായി മാറിയിരിക്കുന്നത്.
പാലക്കാട് ഒരു നാട്ടിന്‍പുറത്താണ് യുവ വീട് നിര്‍മ്മിച്ചിരിക്കുന്നതെന്നാണ് വിവരം. കഴിഞ്ഞ ദിവസമായിരുന്നു വീടിന്റെ പാലു കാച്ചല്‍. ആഡംബരങ്ങളൊന്നുമില്ലാതെ ബന്ധുക്കള്‍ മാത്രം പങ്കെടുത്തുകൊണ്ടായിരുന്നു ചടങ്ങുകള്‍ നടന്നത്. തിരുവനന്തപുരത്ത് നിന്ന് മൃദുലയുടെ അച്ഛനും അമ്മയുമെല്ലാം ചടങ്ങില്‍ പങ്കെടുക്കാന്‍ എത്തിയിരുന്നു. അതേസമയം, യുവയുടെ കുടുംബം നൃത്തവും സംഗീതവുമായി അടുത്തിരിക്കുന്ന കുടുംബം കൂടിയാണെന്നും ചിത്രങ്ങളില്‍ നിന്നും വ്യക്തമാണ്. ഇരുവരും തങ്ങളുടെ യൂടൂബ് ചാനലിലൂടെയാണ് ആഘോഷങ്ങള്‍ ആരാദകരുമായി പങ്കുവെച്ചത്.
എന്നാല്‍ കഴിഞ്ഞ ദിവസം മൃദുല പറഞ്ഞ വാക്കുകളും ഏറെ വൈറലായിരുന്നു. വിവാഹ ശേഷം ഇരുവരെയും കുറിച്ച് പുറത്ത് വന്ന വാര്‍ത്തകളെയും കുറിച്ചും മൃദുല തുറന്ന് പറഞ്ഞിരുന്നു. മൃദുലയുടെയും യുവയുടെയും വിവാഹാലോചന കൊണ്ട് വന്നത് സീരിയല്‍ നടി രേഖ രതീഷ് ആയിരുന്നു. അങ്ങനെയുള്ള രേഖ നിശ്ചയത്തിനും വിവാഹത്തിനും വരാത്തതിന്റെ കാരണം അന്വേഷിക്കുന്നതിനിടെ തന്നെ അവര്‍ ക്ഷണിച്ചിരുന്നില്ലെന്ന് രേഖ സൂചിപ്പിച്ചു. ഇതോടെ താരങ്ങള്‍ക്കെതിരെ രൂക്ഷ വിമര്‍ശനം ഉയര്‍ന്ന് വന്നു. എന്നാല്‍ ആ വാര്‍ത്തകളെല്ലാം വ്യാജമാണെന്നാണ് അഭിമുഖത്തിലൂടെ മൃദുല വ്യക്തമാക്കുന്നത്. ഒപ്പം പുതിയ ഫ്‌ളാറ്റിലേക്ക് താമസം മാറിയെന്ന വാര്‍ത്തകളെ കുറിച്ചും നടി പ്രതികരിച്ചു.
വിവാഹശേഷം പരസ്പരം അടുത്തറിയാന്‍ സാധിച്ചു എന്ന് പറയാം. കല്യാണം കഴിഞ്ഞ് ഒരാഴ്ചയ്ക്കുള്ളില്‍ തന്നെ രണ്ടാളും ഷൂട്ടിന് വേണ്ടി തിരിച്ച് പോയി. ഞാന്‍ കൊച്ചിയിലും ഏട്ടന് തിരുവനന്തപുരത്തുമാണ്. വിവാഹത്തിന് മുന്‍പ് എങ്ങനെ ആയിരുന്നോ അതുപോലെ തന്നെ ഫോണിലൂടെയാണ് സംസാരം. വിവാഹം കഴിഞ്ഞെന്ന് പോലും തോന്നാറില്ല. രണ്ട് പേരും രണ്ടിടത്ത് ആയത് കൊണ്ട് ശരിക്കും ഏട്ടനെ മിസ് ചെയ്യുന്നുണ്ട്. കല്യാണത്തിന് മുന്‍പ് കാണുമ്പോള്‍ ഉണ്ടാകുന്ന ഒരു എക്‌സൈറ്റ്‌മെന്റ് ഇപ്പോഴുമുണ്ട്. ഒരാഴ്ച കഴിയുമ്പോള്‍ കാാമെന്ന കാത്തിരിപ്പിലാണ് ഓരോ ദിവസവും തള്ളി നീക്കുന്നത്.
വിവാഹം കഴിഞ്ഞതിന് ശേഷം ഞങ്ങളെ കുറിച്ച് കൂടുതലായും പുറത്ത് വരുന്നത് ഗോസിപ്പുകളാണ്. എന്താണ് അതിന്റെ കാരണമെന്ന് അറിയില്ല. പ്രതികരിക്കാന്‍ അറിയാഞ്ഞിട്ടല്ല. വെറുതേ എന്തിനാണ് നമ്മുടെ സമയം കളയുന്നതെന്ന് കരുതി ക്ഷമിച്ചതാണ്. ഒരു ചെറിയ കാര്യം കിട്ടിയാല്‍ അത് ഊതിപ്പെരുപ്പിക്കുന്നു. ഈ ഗോസിപ്പുകള്‍ കണ്ട് തെറ്റിദ്ധരിക്കുന്ന ഒരുപാട് പേരുണ്ട്. അവര്‍ക്കാര്‍ക്കും ഇതിന്റെ സത്യാവസ്ഥ അറിയില്ല. അതുകൊണ്ട് ഓരോ ദിവസവും ഒരുപാട് മോശം കമന്റുകള്‍ കേള്‍ക്കേണ്ടി വരുന്നുണ്ട്.
യുവയ്ക്ക് മൃദുല കൊടുത്ത സ്ത്രീധനം കണ്ടോ എന്ന തലക്കെട്ടില്‍ കുറേ വാര്‍ത്തകള്‍ കാണാന്‍ സാധിച്ചു. ഞാന്‍ ഏട്ടന് ഒരു രൂപ പോലും സ്ത്രീധനം കൊടുത്തിട്ടില്ല. അച്ഛനും അമ്മയും എനിക്ക് അണിയാന്‍ തന്ന ആഭരണങ്ങള്‍ കണ്ടിട്ടാണെങ്കില്‍ അത് വീട്ടുകാരുടെ സന്തോഷത്തിന് തന്നതാണ്. അതെന്റേത് മാത്രമാണ്. അത് ഒരിക്കലും ഞാന്‍ ഏട്ടന് കൊടുത്തിട്ടില്ല. പിന്നെയുള്ളത് രേഖ രതീഷിനെ ക്ഷണിക്കാത്തത് എന്ത് കൊണ്ടാണെന്നുള്ളതാണ്. അതും തെറ്റായിട്ടുള്ള ഒരു വാര്‍ത്തയാണ്.
രേഖ ചേച്ചി സാധാരണ ഒരു ആഘോഷങ്ങള്‍ക്കും പങ്കെടുക്കാറില്ല. പുള്ളിക്കാരി തന്നെ പറഞ്ഞ കാര്യമാണ്. നിങ്ങളെന്നെ കല്യാണം വിളിക്കണ്ട. വിളിച്ചാലും ഞാന്‍ വരില്ല. എന്റെ മകന്റെ കല്യാണത്തിന് പോലും പോകില്ല. രേഖ ചേച്ചി എന്‍ഗേജ്‌മെന്റിനും വന്നില്ലായിരുന്നു. ഞങ്ങള്‍ അതിനും ക്ഷണിച്ചിരുന്നു. കല്യാണത്തിന് ചേച്ചിയെ കാണാതെ വന്നപ്പോള്‍ ഓരോ ചാനലുകളും അവരുടെ ഇഷ്ടാനുസരണം വാര്‍ത്ത മെനഞ്ഞ് എടുത്തതാണ്. ഇത്തരം വാര്‍ത്തകള്‍ കാണുമ്പോള്‍ വിഷമം തോന്നാറുണ്ട്. പ്രതികരിക്കാന്‍ പോയാലും അത് മറ്റൊരു തരത്തില്‍ വാര്‍ത്തയാകും. അതുകൊണ്ട് ക്ഷമിക്കുകയാണ്.
ഏട്ടന് എനിക്ക് പുതിയ ഫ്‌ളാറ്റ് വാങ്ങി തന്നെന്നും ഞങ്ങള്‍ വീട്ടുകാരെ വിട്ട് വേറെ താമസം തുടങ്ങി എന്ന രീതിയിലുള്ള പ്രചരണങ്ങളും കണ്ടു. അതെല്ലാം അസത്യങ്ങളാണ്. അങ്ങനൊരു സംഭവമേ നടന്നിട്ടില്ല. ഞാനൊരു വീഡിയോ ഷെയര്‍ ചെയ്തിരുന്നു. വിവാഹശേഷം ഞാന്‍ വിളക്കെടുത്ത് വലതുകാല്‍ വച്ച് കയറുന്നത് ചേട്ടനും അമ്മയും രണ്ട് വര്‍ഷം മുന്‍പ് ഗുരുവായൂരില്‍ വാങ്ങിയ ഫ്‌ള്ാറ്റിലാണ്. അല്ലാതെ എനിക്ക് വേണ്ടി വാങ്ങിയതല്ല. വിവാഹശേഷം ഞങ്ങള്‍ കുടുംബത്തില്‍ നിന്നും മാറി താമസിക്കുന്നു എന്ന വാര്‍ത്തകളും വ്യാജമാണെന്നും മൃദുല വ്യക്തമാക്കി.
