വ്യക്തിപരമായ ചോദ്യങ്ങളെ ഭയന്ന് ഇന്റര്‍വ്യൂ ഒഴിവാക്കാറില്ല, ആരും ചോദിക്കാറില്ല, ആ ഒരു സന്മനസ്സ് കാണിക്കാറുണ്ടെന്ന് മഞ്ജു വാര്യര്‍, തനിക്കേറെ ടെന്‍ഷന്‍ ഉള്ള സംഭവത്തെ കുറിച്ചും നടി

മലയാളികളുടെ സ്വന്തം ലേഡി സൂപ്പര്‍സ്റ്റാര്‍ ആണ് മഞ്ജു വാര്യര്‍. നിരവധി കഥാപാത്രങ്ങളിലൂടെ പ്രേക്ഷകരുടെ ഇഷ്ടം സ്വന്തമാക്കിയ താരം വിവഹശേഷം സിനിമയില്‍ നിന്നും നീണ്ട കാലത്തേയ്ക്ക് ആണ് ഇടവേളയെടുത്തത്. അപ്പോഴും മലയാള സിനിമയില്‍ മഞ്ജു വാര്യര്‍ എന്ന നടിയുടെ സ്ഥാനത്തെ മറികടക്കാന്‍ ആര്‍ക്കും കഴിഞ്ഞിരുന്നില്ല. വര്‍ഷങ്ങള്‍ക്ക് ശേഷമുള്ള തിരിച്ചു വരവില്‍ ഗംഭീര പ്രകടനങ്ങളും മേക്കോവറുകളുമാണ് താരം നടത്തിയത്. അതെല്ലാം തന്നെ പ്രേക്ഷകര്‍ ഇരുകയ്യും നീട്ടിയാണ് സ്വീകരിച്ചതും.

പതിനാല് വര്‍ഷങ്ങള്‍ക്ക് ശേഷം ഹൗ ഓള്‍ഡ് ആര്‍ യു എന്ന റോഷന്‍ ആന്‍ഡ്രൂസ് ചിത്രത്തിലൂടെ മഞ്ജു തിരിച്ച് വരവ് നടത്തി. തിരിച്ച് വരവില്‍ ഒന്നോ രണ്ടോ സിനിമകളില്‍ തീരുന്നതാണ് മിക്ക നടിമാരുടയും കരിയറെന്ന് ചരിത്രം തന്നെ പറയുന്നുണ്ട്. എന്നാല്‍ അത് മഞ്ജുവാര്യരുടെ കാര്യത്തില്‍ തെറ്റായിരുന്നു. കഴിഞ്ഞ ഏഴ് വര്‍ഷമായി മഞ്ജു മലയാള സിനിമയുടെ മുന്‍നിരയില്‍ തന്നെ നിറഞ്ഞ് നില്‍ക്കുകയാണ്. അതിന് പുറമെ മറ്റ് ഭാഷകളിലും താരം അഭിനയ മികവ് കാണിച്ചുകൊടുത്തു.

മലയാളത്തിന്റെ ഈ പ്രിയനടിയെക്കുറിച്ചോര്‍ക്കുമ്പോള്‍ ചിലര്‍ വരുമ്പോള്‍ ചരിത്രം വഴിമാറുന്നു എന്ന പരസ്യവാചകം തന്നെ പറയേണ്ടി വരും. മഞ്ജു ഇന്ന് മലയാളത്തിന്റെ ശക്തമായ സ്ത്രീസാന്നിദ്ധ്യമായി അതിരുകള്‍ക്കപ്പുറവും അടയാളപ്പെടുത്തപ്പെട്ടുകൊണ്ടിരിക്കുകയാണ്. ഹൗ ഓള്‍ഡ് ആര്‍ യു വിന് ശേഷം മഞ്ജുവിന് തിരിഞ്ഞ് നോക്കേണ്ടി വന്നിട്ടില്ല. ഇപ്പോഴും കൈ നിറയെ ചിത്രങ്ങളുമായി അഭിനയ ജീവിതം ആസ്വദിക്കുകയാണ് മഞ്ജു.

എന്നാല്‍ ഇപ്പോഴിതാ ഒരു അഭിമുഖത്തില്‍ മഞ്ജു പറഞ്ഞ വാക്കുകളാണ് സോഷ്യല്‍ മീഡിയയില്‍ വൈറലാകുന്നത്. മഞ്ജു ചേച്ചിയുടെ സൗന്ദര്യത്തിന്റെ രഹസ്യം എന്താണെന്ന ചോദ്യത്തിന് നിര്‍ത്താതെ ചിരിക്കുകയായിരുന്നു മഞ്ജു. സൗന്ദര്യത്തിന് ഒരു രഹസ്യമേയില്ല, സന്തോഷത്തോടെ ഇരിക്കുക. അതേയുള്ളൂ. മനസ്സിന്റെ സന്തോഷമാണ് സൗന്ദര്യമെന്നായിരുന്നു അവതാരകന്റെ കമന്റ്. മഞ്ജുവും അത് ശരിവെക്കുകയായിരുന്നു.

സിനിമയും നൃത്തവുമല്ല നാടകമാണ് തനിക്ക് ടെന്‍ഷനുണ്ടാക്കുന്ന കാര്യമെന്നായിരുന്നു മഞ്ജു വാര്യര്‍ പറഞ്ഞത്. ഒരു നാടകമേ ചെയ്തിട്ടുള്ളൂ, ശാകുന്തളം. സിനിമയാവുമ്പോള്‍ നമുക്ക് റീടേക്ക് എടുക്കുകളുണ്ട്. നൃത്തമെന്നത് ഇത്രയും വര്‍ഷം ചെയ്തതിന്റെ ഒരു ബേസുണ്ട്. നാടകമാണ് ഏറെ ടെന്‍ഷനോടെ ചെയ്ത ഒരു കാര്യമെന്നും മഞ്ജു പറയുന്നു.

ശോഭന, ഉര്‍വശി, രേവതി, സുഹാസിനി ഇവരിലാരാണ് മഞ്ജുവിനെ അത്ഭുതപ്പെടുത്തിയതെന്നായിരുന്നു ബ്രിട്ടാസ് ചോദിച്ചത്. നാല് തരത്തിലങ്ങനെ നില്‍ക്കുകയാണ് അവര്‍. അങ്ങനെ ഒരാളെയായി തിരഞ്ഞെടുക്കാന്‍ ആവില്ല. ഇതില്‍ ഡിപ്ലോമസിയൊന്നും വേണ്ട ആവശ്യമില്ല. 4 പേരും എന്നെ സ്വാധീനിച്ചവരാണ്. ഇപ്പോഴും എന്റെ മനസ്സില്‍ വലിയ സ്ഥാനമാണ് ഇവര്‍ക്കുള്ളത്.

രണ്ടാം വരവില്‍ ഇഷ്ടപ്പെട്ടാണ് എല്ലാ സിനിമകളും ചെയ്തതെന്നും മഞ്ജു വാര്യര്‍ പറഞ്ഞിരുന്നു. ക്വാളിറ്റിക്ക് പ്രാധാന്യം നല്‍കിയാണ് സിനിമ തിരഞ്ഞെടുക്കാറുള്ളത്. അന്യഭാഷയില്‍ നിന്നും അവസരം ലഭിച്ചാല്‍ സ്വീകരിക്കും. വ്യക്തിപരമായ ചോദ്യങ്ങളെ ഭയന്ന് ഇന്റര്‍വ്യൂ ഒഴിവാക്കാറില്ല. ആരും ചോദിക്കാറില്ല. ആ ഒരു സന്മനസ്സ് കാണിക്കാറുണ്ടെന്നുമായിരുന്നു മഞ്ജു പറഞ്ഞത്.

ഇതുവരെ 40 ഓളം സിനിമകളില്‍ മഞ്ജു അഭിനയിച്ചു. ഒരു ദേശീയ ചലച്ചിത്ര പുരസ്‌കാരം, ഒരു കേരള സംസ്ഥാന ചലച്ചിത്ര അവാര്‍ഡ്, ഏഴ് ഫിലിംഫെയര്‍ അവാര്‍ഡ് സൗത്ത് എന്നിവയുള്‍പ്പെടെ നിരവധി അവാര്‍ഡുകള്‍ മഞ്ജു വാര്യര്‍ നേടിയിട്ടുണ്ട്. ചതുര്‍മുഖമാണ് അവസാനമായി റിലീസ് ചെയ്ത മഞ്ജുവാര്യര്‍ ചിത്രം. സണ്ണി വെയ്ന്‍ അടക്കമുള്ളവര്‍ ചിത്രത്തിന്റെ ഭാഗമായിരുന്നു. മരക്കാര്‍ അറബിക്കടലിന്റെ സിംഹം, ജാക്ക് ആന്റ് ജില്‍, ലളിതം സുന്ദരം, പടവെട്ട് തുടങ്ങി നിരവധി ചിത്രങ്ങള്‍ അണിയറയില്‍ ഒരുങ്ങുന്നുമുണ്ട്.

1995 മുതല്‍ സിനിമാലോകത്തുള്ള മഞ്ജു വാര്യര്‍ അനശ്വരമാക്കിയ നിരവധി വേഷങ്ങളുണ്ട്. രാധയും അഞ്ജലിയും മീനാക്ഷിയും താമരയും ഉണ്ണിമായയും അഭിരാമിയും ദേവികയും ഭദ്രയും നിരുപമയും സുജാതയും സൈറയും പ്രഭയും പ്രിയദര്‍ശിനിയും ഏറ്റവും ഒടുവില്‍ പച്ചൈയമ്മാളും സൂസനും തേജസ്വിനിയുമായി വിവിധ സിനിമകളില്‍ കഥാപാത്ര വൈവിധ്യങ്ങളിലൂടെ വിസ്മയിപ്പിക്കുകയായിരുന്നു

1995ല്‍ ‘സാക്ഷ്യം’ എന്ന സിനിമയിലൂടെയാണ് വെള്ളിത്തിരയില്‍ അരങ്ങേറ്റം കുറിച്ചത്. 1996 ല്‍ പുറത്തിറങ്ങിയ ‘സല്ലാപ’ത്തിലൂടെയാണ് മഞ്ജു മലയാള സിനിമാലോകത്ത് ശ്രദ്ധിക്കപ്പെടുന്നത്. സിനിമയില്‍ തിളങ്ങി നില്‍ക്കുന്ന സമയത്തായിരുന്നു മഞ്ജു വാര്യരുടെ പ്രണയവും വിവാഹവും എല്ലാം. പതിനാല് വര്‍ഷത്തെ ദാമ്പത്യ ജീവിതത്തിന് ശേഷം സിനിമയില്‍ തിരിച്ചെത്തിയ മഞ്ജു പ്രേക്ഷക പ്രതീക്ഷയെ നിരാശപ്പെടുത്തിയില്ല. അഭിനയം കൊണ്ടും ലുക്ക് കൊണ്ടും അക്ഷരാര്‍ത്ഥത്തില്‍ ആരാധകരെ ഞെട്ടിയ്ക്കുകയാണ് മഞ്ജു വാര്യര്‍

മഞ്ജുവാര്യരുടെ 43-ാം പിറന്നാള്‍ ദിനത്തില്‍ കാത്തിരുന്ന ആ പ്രഖ്യാപനം എത്തിയിരിക്കുകയാണ്. മഞ്ജു നായികയാകുന്ന പുതിയ ചിത്രത്തിന്റെ പോസ്റ്റര്‍ പുറത്തിറങ്ങി. താരം പ്രധാന വേഷത്തിലെത്തുന്ന ആദ്യ മലയാള-അറബിക് ചിത്രമായി ഒരുങ്ങുകയാണ് ആയിഷ. നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് സംവിധായകന്‍ സക്കറിയയാണ്. മഞ്ജുവിന്റെ പിറന്നാള്‍ ദിനത്തില്‍ ആയിഷയുടെ ഫസ്റ്റ് ലുക്ക് പുറത്തുവിട്ടിരുന്നു.