നികുതി ഇളവുമായി ബന്ധപ്പെട്ട്, നടന് വിജയ്ക്ക് പിന്നാലെ ധനുഷിനെയും രൂക്ഷമായി വിമര്‍ശിച്ച് മദ്രാസ് ഹൈക്കോടതി. ഇംഗ്ലണ്ടില്‍ നിന്നും റോള്‍സ് റോയ്സ് ഇറക്കുമതി ചെയ്യുന്നതിന് നികുതിയില്‍ ഇളവ് ആവശ്യപ്പെട്ടു കൊണ്ട് 2015ല്‍ സമര്‍പ്പിച്ച ഹര്‍ജിയുമായി ബന്ധപ്പെട്ടാണ് മദ്രാസ് ഹൈക്കോടതിയുടെ വിമര്‍ശനം.
2018ല്‍ ഇതുമായി ബന്ധപ്പെട്ട നടപടികളെല്ലാം സുപ്രീംകോടതിയില്‍ വെച്ച് പൂര്‍ത്തിയാക്കിയ ശേഷവും ധനുഷ് നികുതി അടക്കുന്നതില്‍ വീഴ്ച വരുത്തിയെന്ന് കോടതി കുറ്റപ്പെടുത്തി. നികുതിയുടെ 50 ശതമാനം ധനുഷ് അടച്ചുകഴിഞ്ഞെന്നും ബാക്കി തുക അടക്കാന്‍ തയ്യാറാണെന്നും ധനുഷിന്റെ അഭിഭാഷകന്‍ കോടതിയെ അറിയിച്ചിരുന്നു.
ഹര്‍ജി പിന്‍വലിക്കാന്‍ മദ്രാസ് ഹൈക്കോടതി അനുവദിച്ചില്ല. സാധാരണക്കാര്‍ നല്‍കിയ നികുതിപ്പണം കൊണ്ട് നിര്‍മ്മിച്ച റോഡുകളിലൂടെയാണ് നിങ്ങള്‍ ആഡംബര കാറുകള്‍ ഓടിക്കുന്നത്. ഇവിടെ പാല്‍ക്കാരനും ദിവസക്കൂലിക്കാരനും വരെ വാങ്ങിക്കുന്ന ഓരോ ലിറ്റര്‍ പെട്രോളിനും നികുതി കൊടുക്കുന്നുണ്ട്.
അവരാരും നികുതിയില്‍ ഇളവ് വേണമെന്ന് പറഞ്ഞ് ഹൈക്കോടതിയില്‍ വന്നില്ലല്ലോ. എന്തായാലും അങ്ങനെയൊരു ഹര്‍ജി എന്റെ ജീവിതത്തില്‍ കണ്ടിട്ടില്ല. ഇതുപോലെയുള്ള ഹര്‍ജികള്‍ കൊണ്ടാണ് ശരിക്കും പ്രാധാന്യം നല്‍കേണ്ട പല ഹര്‍ജികളും പരിഗണിക്കാന്‍ കോടതിക്ക് സമയം കിട്ടാത്തത്,’ ജസ്റ്റിസ് എസ്.എം. സുബ്രഹ്മണ്യം പറഞ്ഞു.
ഉച്ചക്ക് 2.15ന് മുമ്പ് ബാക്കിയുള്ള നികുതിയടക്കണമെന്നും അതിനുശേഷം ഹര്‍ജി സംബന്ധിച്ച വിധി പ്രഖ്യാപിക്കാമെന്നുമാണ് കോടതി അറിയിച്ചത്. നേരത്തെ വിജയ്‌ക്കെതിരെയും സമാനമായ വിമര്‍ശനം കോടതി ഉന്നയിച്ചിരുന്നു. ഇംഗ്ലണ്ടില്‍ നിന്നും ഇറക്കുമതി ചെയ്ത റോള്‍സ് റോയ്സ് കാറിന് പ്രവേശന നികുതി ചുമത്തിയതിനെ ചോദ്യം ചെയ്തായിരുന്നു വിജയ് കോടതിയെ സമീപിച്ചത്.
ദിലീപിന്റെ 150ാമത് ചിത്രമായ ‘പ്രിൻസ് ആൻഡ് ഫാമിലി’ എന്ന ചിത്രത്തിന് നെഗറ്റീവ് റിവ്യു ചെയ്ത വ്‌ലോഗറെ നേരിട്ടു വിളിച്ചെന്ന് അറിയിച്ച് നിർമാതാവ്...
സാമൂഹികമാധ്യമങ്ങളിൽ ദേശവിരുദ്ധ പരാമർശം നടത്തിയെന്നാരോപ‌ണത്തിന് പിന്നാലെ അഖിൽമാരാർക്കെതിരേ കേസെടുത്ത് പോലീസ്. ബിഎൻഎസ് 152 വകുപ്പ് പ്രകാരം ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്....
വീക്കെൻ്റ് ബ്ലോഗ് ബസ്റ്റാഴ്സിൻ്റെ ബാനറിൽ സോഫിയാ പോൾ നിർമ്മിച്ച് നവാഗതരായ ഇന്ദ്രനിൽ ഗോപീകൃഷ്ണൻ – രാഹുൽ.ജി. എന്നിവർ തിരക്കഥ രചിച്ച് സംവിധാനം...
പ്രായത്തിന്റെ പാടുകൾ മനസ്സിലും ശരീരത്തിലും വീഴ്ത്താതെ, എല്ലാ വർഷവും കൂടുന്ന അക്കങ്ങളെ പോലും അമ്പരിപ്പിക്കുന്ന മമ്മൂട്ടിക്ക് പ്രായമാണോ ഗ്ലാമറാണോ കൂടുന്നതെന്ന സംശയമാണ്...
കേരളക്കരയെയാകെ പിടിച്ച് കുലുക്കിയ സംഭവമായിരുന്നു കൊച്ചിയിൽ നടി ആക്രമിക്കപ്പെട്ട കേസ്. 2017 ഫെബ്രുവരി 17നാണ് തൃശൂരിൽ നിന്ന് കൊച്ചിയിലേക്കുള്ള യാത്രയ്ക്കിടെ നടി...
