നടന്‍ അരുണ്‍ വിജയ്ക്ക് കൊവിഡ് 19 സ്ഥിരീകരിച്ചു, ഹോം ക്വാറന്റൈനിലാണെന്ന് താരം

നടന്‍ അരുണ്‍ വിജയ്ക്ക് കൊവിഡ് 19 സ്ഥിരീകരിച്ചു. തന്റെ ഔദ്യോഗിക സോഷ്യല്‍ മീഡിയ ഹാന്‍ഡിലിലൂടെ താരം തന്നെയാണ് ഇക്കാര്യം അറിയിച്ചത്.

താന്‍ ഹോം ക്വാറന്റൈനിലാണെന്നും എല്ലാ സുരക്ഷാ പ്രോട്ടോക്കോളുകളും പാലിക്കുന്നുണ്ടെന്നും അദ്ദേഹം ട്വീറ്റ് ചെയ്തു. അടുത്തിടെ, കമല്‍ഹാസന്‍, വിക്രം, വടിവേലു തുടങ്ങിയ മറ്റ് തമിഴ് നടന്മാരും പോസിറ്റീവ് സ്ഥിരീകരിച്ചെങ്കിലും അവരെല്ലാം സുഖം പ്രാപിച്ചു.

അരുണ്‍ വിജയ് ചിത്രം ബോര്‍ഡറും യാനൈയും റിലീസിനായി അണിനിരക്കുന്നു. ആമസോണ്‍ പ്രൈം വീഡിയോയില്‍ പ്രീമിയറിനായി തയ്യാറെടുക്കുന്ന ഓ മൈ ഡോഗില്‍ മകന്‍ അര്‍ണവിനൊപ്പം നായകനായി അഭിനയിക്കും.