News
ബൈക്കില്‍ നിന്നും തെറിച്ച് വീണ് അജിത്ത്; ഞെട്ടിക്കുന്ന വീഡിയോ പങ്കുവെച്ച് അണിയറ പ്രവര്‍ത്തകര്‍
ബൈക്കില്‍ നിന്നും തെറിച്ച് വീണ് അജിത്ത്; ഞെട്ടിക്കുന്ന വീഡിയോ പങ്കുവെച്ച് അണിയറ പ്രവര്‍ത്തകര്‍
തെന്നിന്ത്യയില്‍ നിരവധി ആരാധകരുള്ള താരമാണ് അജിത്. കഴിഞ്ഞ കുറച്ച് ദിവസങ്ങള്‍ക്ക് മുമ്പ് പുതിയ ചിത്രമായ വലിമൈയുടെ ഷൂട്ടിംഗിനിടെ അജിത്തിന് പരിക്കേറ്റിരുന്നു. ഇപ്പോഴിതാ താരത്തിന് സംഭവിച്ച അപകടത്തിന്റെ വീഡിയോ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍. അപകട രംഗങ്ങള്‍ ഉള്‍പ്പെടെയുള്ള മേക്കിംഗ് വീഡിയോയാണ് ഇപ്പോള്‍ പുറത്തു വന്നിരിക്കുന്നത്.
ബൈക്ക് റേസ് രംഗം ചിത്രീകരിക്കുന്നതിന് ഇടയിലാണ് അജിത് ബൈക്കില്‍ നിന്നും തെറിച്ചു വീണത്. താരം വീണയുടനെ അണിയറ പ്രവര്‍ത്തകര്‍ ഓടിയെത്തുന്നതും വീഡിയോയില്‍ കാണാം. എന്നാല്‍ പരുക്ക് വക വയ്ക്കാതെ താരം ഷൂട്ടിംഗ് തുടരാന്‍ സന്നദ്ധനാവുകയായിരുന്നു.
നേര്‍ക്കൊണ്ട പാര്‍വൈ ചിത്രത്തിന് ശേഷം സംവിധായകന്‍ എച്ച് വിനോദും അജിത്തും വീണ്ടും ഒന്നിക്കുന്ന ചിത്രമാണ് വലിമൈ. ഐശ്വരമൂര്‍ത്തി ഐപിഎസ് എന്ന കഥാപാത്രമായാണ് അജിത്ത് ചിത്രത്തില്‍ വേഷമിടുന്നത്. കാര്‍ത്തികേയ, ഹുമ ഖുറേഷി, യോഗി ബാബു എന്നിവരും അജിത്തിനൊപ്പം പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ബോളിവുഡ് താരം ജോണ്‍ എബ്രഹാം തമിഴില്‍ അരങ്ങേറ്റം കുറിക്കുന്ന ചിത്രം കൂടിയാണ് വലിമൈ. റേസിംഗ് പശ്ചാത്തലത്തില്‍ ഒരുങ്ങുന്ന ചിത്രമായ വലിമൈ ബോണി കപൂര്‍ ആണ് നിര്‍മ്മിക്കുന്നത്. നീരവ് ഷാ ഛായാഗ്രഹണവും വിജയ് വേലുകുട്ടി എഡിറ്റിംഗും നിര്‍വ്വഹിക്കുന്നു.
