ചുംബന രംഗങ്ങളില്‍ അഭിനയിക്കില്ലെന്ന് തീരുമാനം എടുത്തതിന്റെ കാരണം വ്യക്തമാക്കി സല്‍മാന്‍ ഖാന്‍

ബോളിവുഡ് നായകന്‍ സല്‍മാന്‍, ഏറെ നാളുകള്‍ക്ക് മുന്‍പ് ഒരു തീരുമാനം എടുത്തിരുന്നു, താന്‍ ചുംബന രംഗങ്ങളില്‍ അഭിനയിക്കുകയില്ലന്ന്. എന്നാല്‍ ഇപ്പോഴിതാ ഇതിന്റെ കാരണവും നടന്‍ തന്നെ വ്യക്തമാക്കിയിരിക്കുകയാണ്.

”കുടുംബത്തോടൊപ്പം സിനിമകള്‍ കാണുമ്പോള്‍, ചുംബന രംഗം വരുന്ന സമയം അകലേക്ക് നോക്കും. എന്തോ പോലെയായിരുന്നു. മേനെ പ്യാര്‍ കിയായിലും ഇന്റിമേറ്റ് രംഗങ്ങള്‍ ഡയറക്ട് ആയിരുന്നില്ല. ട്രെന്റ് മാറി.

പക്ഷെ ഞാന്‍ ഇപ്പോഴും അതിനോട് യോജിച്ചിട്ടില്ല. ഞാന്‍ സിനിമയുണ്ടാക്കുമ്പോള്‍ കുടുംബമായിട്ട് കാണാന്‍ സാധിക്കണം. പരമാവധി ചെയ്യുക ഞാന്‍ ഷര്‍ട്ട് അഴിക്കുകയാണ്. ചില കുസൃതി നിറഞ്ഞ ഡയലോഗുകള്‍ ഉണ്ടാകും. പക്ഷെ സ്‌ക്രീനില്‍ ചുംബിക്കില്ല’ എന്നും സല്‍മാന്‍ ഖാന്‍ വ്യക്തമാക്കി.