അത്തരം റോളുകള്‍ ചെയ്താല്‍ പ്രേക്ഷകര്‍ക്ക് ഇഷ്ടം കുറയുമോ, ഇമേജിനെ ബാധിക്കുമോ എന്നൊക്കെ പേടിയായിരുന്നു, ഇപ്പോള്‍ നിരാശ തോന്നുന്നു

മലയാളികള്‍ നെഞ്ചിലേറ്റിയ താരമാണ് മീന. ദൃശ്യം 2വിലെ പ്രകടനത്തിലൂടെ വീണ്ടും ആരാധകരെ സ്വന്തമാക്കിയിരിക്കുകയാണ് മീന. അഭിനയത്തിലേയ്ക്ക് ചുവടുവെച്ച് 40 വര്‍ഷം കഴിഞ്ഞിരിക്കുകയാണ്.

എന്നാല്‍ കരിയറിന്റെ തുടക്കത്തില്‍ ചില തെറ്റിദ്ധാരണകള്‍ മൂലം വേറിട്ട വേഷങ്ങള്‍ ചെയ്യാന്‍ സാധിക്കാതിരുന്നതിന്റെ നിരാശ പങ്കു വെച്ചിരിക്കുകയാണ് താരം. ഒരു മാഗസീനിനു നല്‍കിയ അഭിമുഖത്തിലാണ് താരം ഇതേ കുറിച്ച് പറഞ്ഞത്.

പല തരം റോളുകള്‍ വന്നിട്ടുണ്ടെങ്കിലും നെഗറ്റീവ്‌സ് ഒട്ടുമില്ലാത്ത കഥാപാത്രങ്ങള്‍ മാത്രമാണ് അന്നു സെലക്ട് ചെയ്തത്.

കോമഡി ചെയ്തിട്ടുണ്ടെങ്കിലും നെഗറ്റീവ് റോളുകള്‍ അഭിനയിച്ചാല്‍ പ്രേക്ഷകര്‍ക്ക് ഇഷ്ടം കുറയുമോ, ഇമേജിനെ ബാധിക്കുമോ എന്നൊക്കെ പേടിയായിരുന്നു.

അതോര്‍ക്കുമ്പോള്‍ ഇപ്പോള്‍ നിരാശയുണ്ട്. എല്ലാത്തരം റോളുകളും അഭിനയിക്കുമ്പോഴല്ലേ നമുക്കു കഴിവ് തെളിയിക്കാനാകൂ.