Malayalam
ആ മോഹന്‍ലാല്‍ ചിത്രം കണ്ടപ്പോള്‍ താന്‍ സംവിധാനം ചെയ്തിരുന്നെങ്കില്‍ എന്ന് തോന്നിയിട്ടുണ്ട്; മനസ് തുറന്ന് രാജമൗലി
ആ മോഹന്‍ലാല്‍ ചിത്രം കണ്ടപ്പോള്‍ താന്‍ സംവിധാനം ചെയ്തിരുന്നെങ്കില്‍ എന്ന് തോന്നിയിട്ടുണ്ട്; മനസ് തുറന്ന് രാജമൗലി
തെന്നിന്ത്യയില്‍ ഇന്ന് നിരവധി ആരാധകരുള്ള ബ്രഹ്മാണ്ഡ സംവിധായകനാണ് എസ്എസ് രാജമൗലി. ബാഹുബലിക്ക് ശേഷം രാജമൗലി സംവിധാനം ചെയ്ത ബ്രഹ്മാണ്ഡ ചിത്രം ആര്.ആര്.ആര് റിലീസ് ചെയ്തിരിക്കുകയാണ്. ജൂനിയര്‍ എന്‍.ടി.ആര്, രാംചരണ്‍ തേജ, ആലിയ ഭട്ട്, അജയ് ദേവ്ഗണ്‍ എന്നിവര്‍ പ്രധാന കഥാപാത്രങ്ങളാകുന്ന ആക്ഷന്‍ ഡ്രാമയ്ക്ക് മികച്ച പ്രതികരണമാണ് പ്രേക്ഷകരില്‍ നിന്ന് ലഭിക്കുന്നത്.
ഇപ്പോഴിതാ കണ്ടപ്പോള്‍ തനിക്ക് ചെയ്യണമെന്ന് തോന്നിയ മോഹന്‍ലാല്‍ ചിത്രത്തെക്കുറിച്ച് മനസ്സുതുറന്നിരിക്കുകയാണ് രാജമൗലി. മോഹന്‍ലാലിനെ നായകനാക്കി ജീത്തു ജോസഫ് സംവിധാനം ദൃശ്യം ബ്രില്ല്യന്റ് മൂവി ആണെന്നും അത് കണ്ടപ്പോള്‍ താന്‍ സംവിധാനം ചെയ്തിരുന്നെങ്കില്‍ എന്ന് ആലോചിച്ചിട്ടുണ്ടെന്നുമാണ് രാജമൗലി പറയുന്നത്.
ദൃശ്യത്തിന്റെ ഒന്നാം ഭാഗവും രണ്ടാം ഭാഗവും കണ്ടപ്പോള്‍, ഞാനായിരുന്നു അതിന്റെ ഡയറക്ടറെങ്കില്‍ എന്ന് ചിന്തിച്ചിട്ടുണ്ട്. എനിക്ക് ഭയങ്കര ഇഷ്ടമായി ആ സിനിമ. പ്രത്യേകിച്ചും അതിന്റെ എഴുത്ത് ശരിക്കും ബ്രില്ല്യന്റായിരുന്നു. ഒന്നാം ഭാഗം തന്നെ ഗ്രേറ്റ് ആയിരുന്നു.
രണ്ടാം ഭാഗം അതിനേക്കാള്‍ ത്രില്ലിങ്ങും.ഇന്റലിജന്‍സും ഇമോഷന്‍സും സിംപ്ലിസിറ്റിയും ആ സിനിമയില്‍ കണ്ടത് ഗ്രേറ്റ് ആയിരുന്നു,”എന്നും രാജമൗലി പറഞ്ഞു. ഗലാട്ട പ്ലസിന് നല്‍കിയ അഭിമുഖത്തില്‍, എക്കാലത്തെയും പ്രിയപ്പെട്ട സിനിമ ഏതാണ് എന്ന ഇന്റര്‍വ്യൂവറിന്റെ ചോദ്യത്തിന് മറുപടി പറയുകയായിരുന്നു രാജമൗലി.
