ബിഗ് ബോസ് വീട്ടിലെ ഭാഗ്യമുള്ള ചെക്കൻ; അമ്പരന്ന് പൊളി ഫിറോസ്!

ബിഗ്ബോസ് ഷോ അൻപത്തിയാറാം ദിവസം പിന്നിട്ടിരിക്കുകയാണ് . ഒൻപതാം ആഴ്ചയിലേക്ക് മത്സരം എത്തിയപ്പോൾ മത്സരത്തിലെ ഓരോ കളികളും വാശിയേറിയതായിരിക്കുകയാണ് . സൗഹൃദങ്ങൾ പോലും മറന്നുള്ള മത്സരമാണ് ഇപ്പോൾ വീട്ടിൽ നടക്കുന്നത്.

പുതിയ ആഴ്ചയിൽ ബിഗ് ബോസ് വീട്ടിലെ ക്യാപ്റ്റനായി തെരഞ്ഞെടുക്കപ്പെട്ടത് റംസാനാണ്. മുൻപും റംസാൻ ക്യാപ്റ്റനായി തൻ്റെ മികവ് പ്രകടമാക്കിയിരുന്നു. ഇന്ന് നടന്ന ക്യാപ്റ്റൻസി ടാസ്കിൽ റംസാനൊപ്പം മത്സരിച്ചത് കിടിലം ഫിറോസും ഡിംപലുമായിരുന്നു.

ക്യാപ്റ്റൻസി ടാസ്കിലേക്ക് തെരഞ്ഞെടുക്കപ്പെട്ട മത്സരാർത്ഥികൾ കണ്ണുകെട്ടി പെനാൽറ്റി ഗോൾ നേടുക എന്നതായിരുന്നു ഈ ആഴ്ചത്തെ ടാസ്ക്. ആദ്യ ഘട്ടത്തിൽ ഫിറോസും റംസാനും ടൈ മത്സരത്തിലായിരുന്നു. പിന്നീട് നടന്ന രണ്ടാം ഘട്ടത്തിൽ റംസാൻ കൂടുതൽ ഗോൾ നേടുകയും വിജയിക്കുകയും അടുത്ത ആഴ്ചയിലെ ക്യാപ്റ്റനായി തെരഞ്ഞെടുക്കപ്പെടുകയുമായിരുന്നു.

തുടർന്ന് എഴുപതോളം ദിവസങ്ങൾ താൻ സേഫായതിൻ്റെ ആശ്വാസത്തിലായിരുന്നു റംസാൻ, തന്നോട് കൂട്ടുകാർ പറഞ്ഞ എഴുപത് ദിവസങ്ങൾ ഉറപ്പാക്കിയതിൻ്റെ സന്തോഷവും റംസാൻ പങ്കുവെച്ചു. റംസാന് നോമിനേഷൻ ഫ്രീ കാർഡ് ഉള്ളതിനാൽ 77 ദിവസവും റംസാൻ സുരക്ഷിതനായ കാര്യം പറയുകയായിരുന്നു അഡോണിയും പൊളി ഫിറോസും. റംസാന് വലിയ ഭാഗ്യമുണ്ടെന്നായിരുന്നു പൊളി ഫിറോസ് അഭിപ്രായപ്പെട്ടത്.

ഒൻപതാം ആഴ്ചയിലും ക്യാപ്റ്റനായി തെരഞ്ഞെടുക്കപ്പെട്ടതോടെ ഈ ആഴ്ചത്തെ നോമിനേഷനിൽ റംസാനെ ആർക്കും തന്നെ നോമിനേറ്റ് ചെയ്യാനാകില്ല. ഒരാഴ്ചയ്ക്ക് ശേഷമുള്ള നോമിനേഷനിലെത്തിയാലും ആ ആഴ്ചാവസാനം വരെ കൂട്ടിയാലും ഇനിയും പതിനാല് ദിവസങ്ങൾ ഉറപ്പാണ്.

അങ്ങനെ എഴുപത് ദിവസങ്ങൾ പൂർത്തിയാകും. ശേഷമുള്ള ആഴ്ച കൈയ്യിലിരിക്കുന്ന നോമിനേഷൻ ഫ്രീ കാർഡ് ഉപയോഗിച്ചാൽ ഏഴ് ദിവസം വീണ്ടും നിൽക്കാനാകും. ഇങ്ങനെ കണക്കാക്കിയാണ് റംസാൻ വീട്ടിനുള്ളിൽ എഴുപത്തിയേഴ് ദിവസങ്ങൾ ഉറപ്പാക്കുന്നതെന്ന് അഡോണി വ്യക്തമാക്കുകയും ചെയ്തു.

about bigg boss