Malayalam
എംജി കോളേജിലെ ഓണാഘോഷത്തില്‍ മോഹന്‍ലാലിന്റെ മുഖമുള്ള പൂക്കളം തീര്‍ത്ത് വിദ്യാര്‍ത്ഥികള്‍
എംജി കോളേജിലെ ഓണാഘോഷത്തില്‍ മോഹന്‍ലാലിന്റെ മുഖമുള്ള പൂക്കളം തീര്‍ത്ത് വിദ്യാര്‍ത്ഥികള്‍
നിരവധി ആരാധകരുള്ള താരമാണ് മോഹന്‍ലാല്‍. മോഹന്‍ലാലിന്റേതായി പുറത്തുവരുന്ന വീഡിയോകള്‍ക്കും ഫോട്ടോകള്‍ക്കും ആരാധകര്‍ ഏറെയാണ്. ഇപ്പോഴിതാ മോഹന്‍ലാലിന്റെ മുഖം വരച്ചൊരു പൂക്കളമാണ് സമൂഹമാധ്യമങ്ങളില്‍ വൈറലാകുന്നത്. തിരുവനന്തപുരം എംജി കോളേജിലെ ഓണാഘോഷത്തിലാണ് മോഹന്‍ലാലിന്റെ മുഖമുള്ള പൂക്കളം ഇട്ടത്.
മോഹന്‍ലാല്‍ ഫാന്‍സ് ക്ലബ് എന്ന ഫേസ്ബുക്ക് പേജിലാണ് വീഡിയോ പ്രത്യക്ഷപ്പെട്ടത്. നിരവധി പേരാണ് ഈ വീഡിയോ കാണുകയും ഷെയര്‍ ചെയ്യുകയും ചെയ്തിരിക്കുന്നത്. അതേസമയം, റാം എന്ന ചിത്രത്തിലാണ് മോഹന്‍ലാല്‍ ഇപ്പോള്‍ അഭിനയിച്ചു കൊണ്ടിരിക്കുന്നത്. ദൃശ്യം, ദൃശ്യം 2, ട്വല്‍ത്ത് മാന്‍ തുടങ്ങിയ സൂപ്പര്‍ ഹിറ്റ് ചിത്രങ്ങള്‍ക്ക് ശേഷം ജീത്തു ജോസഫ് മോഹന്‍ലാല്‍ കൂട്ടുകെട്ട് ഒന്നിക്കുന്ന ചിത്രം കൂടിയാണിത്.
തെന്നിന്ത്യന്‍ താരം തൃഷയാണ് ചിത്രത്തില്‍ നായികയായി എത്തുക. ഇന്ദ്രജിത്ത് സുകുമാരന്‍, സായ് കുമാര്‍, ദുര്‍ഗ കൃഷ്ണ എന്നിവരും മറ്റ് കഥാപാത്രങ്ങളെ അവതരിപ്പിക്കും. ആന്റണി പെരുമ്പാവൂര്‍, രമേഷ് പി പിള്ള, സുധന്‍ പി പിള്ള എന്നിവരാണ് ചിത്രം നിര്‍മ്മിക്കുന്നത്.
മോണ്‍സ്റ്റര്‍, എലോണ്‍, പേരിട്ടിട്ടില്ലാത്ത അനൂപ് സത്യന്റെയും വിവേകിന്റെയും ചിത്രങ്ങള്‍, വൃഷഭ, എമ്പുരാന്‍ എന്നിവയാണ് മോഹന്‍ലാലിന്റേതായി പ്രഖ്യാപിക്കപ്പെട്ടിരിക്കുന്നത്.
