മൗനരാഗം സീരിയലിലെ ഈ ജോഡികൾ യഥാർത്ഥ ജീവിതത്തിലും ഒന്നിക്കുന്നു?; കല്യാണുമായി പ്രണയത്തിലാണ് എന്ന് തുറന്ന് പറഞ്ഞ് ശ്രീശ്വേത; വില്ലനെ പ്രണയിക്കുന്ന നായികയുടെ വാക്കുകൾ ഏറ്റെടുത്ത് ആരാധകർ!

പ്രേക്ഷകരുടെ ഇഷ്ട പരമ്പരകളിൽ ഒന്നാണ് ഏഷ്യാനെറ്റ് സംപ്രേഷണം ചെയ്യുന്ന ‘മൗനരാഗം. സീരിയലിലെ കഥാപാത്രങ്ങളെ എല്ലാം പ്രേക്ഷകര്‍ക്ക് സ്വന്തം വീട്ടിലെ എന്ന പോലെ പരിചിതമാണ്. കല്യാണിയും കിരണും മാത്രമല്ല, സോണിയ്ക്കും വിക്രമിനും വരെ ആരാധകരുണ്ട്.

നെഗറ്റീവ് കഥാപാത്രത്തിൽ എത്തുന്ന സീരിയൽ താരങ്ങളെ കല്ലെറിഞ്ഞും ചെരുപ്പെറിഞ്ഞും ഓടിക്കുന്ന കാലമൊക്കെ കഴിഞ്ഞു. ഓപ്പോൾ വില്ലന്മാർക്കും വില്ലത്തികൾക്കും വരെ ഫാൻസ്‌ ഉണ്ട്.

ഇപ്പോൾ പറയാൻ പോകുന്നത് മൗനരാഗം ആരാധകര്‍ക്ക് സന്തോഷമുള്ള ഒരു കാര്യമാണ് . സീരിയലിൽ കിരണിന്റെ അനിയത്തിയാണ് സോണി. സോണിയെ വിവാഹം കഴിച്ചിരിക്കുന്നത് കിരണിന്റെ ഭാര്യ കല്യാണിയുടെ അനിയൻ വിക്രം ആണ്.

എന്നാൽ സോണിയും വിക്രവും സീരിയലിൽ മാത്രമല്ല യഥാര്‍ത്ഥ ജീവിതത്തിലും ഇവര്‍ ഒന്നിയ്ക്കുന്നു എന്ന് ഗോസിപ്പുകള്‍ വളരെ വിശ്വാസയോഗ്യമായിത്തന്നെ വൈറലാകുകയാണ്. കല്യാണ്‍ ഖന്നയുമായി പ്രണയത്തിലാണ് എന്ന് തുറന്ന് പറഞ്ഞത് സോണിയായി എത്തുന്ന ശ്രീ ശ്വേത തന്നെയാണ്.

കല്യാണിന് ഒപ്പമുള്ള ഫോട്ടോ ഇന്‍സ്റ്റഗ്രാമില്‍ പങ്കുവച്ചുകൊണ്ട് ആണ് ശ്രീശ്വേതയുടെ പോസ്റ്റ്. ‘ഈ വില്ലനുമായി ഞാന്‍ പ്രണയത്തിലാണ്’ എന്ന് പറഞ്ഞ നടി ഏതാനും ലവ് ഇമോജികളും പങ്കുവച്ചിട്ടുണ്ട്. സീരിയലിലെ ജോഡികള്‍ ജീവിതത്തിലും ഒന്നിയ്ക്കുന്നതിനുള്ള ആശംസകളാണ് ഫോട്ടോയ്ക്ക് താഴെ കമന്റുകളായി വരുന്നത്.

ഇതാദ്യമായല്ല ശ്രീശ്വേതയുടെ സോഷ്യല്‍ മീഡിയ പോസ്റ്റില്‍ കല്യാണിനോടുള്ള പ്രണയം തുറന്ന് കാണിയ്ക്കുന്നത്. നേരത്തെ കല്യാണിന്റെ ജന്മദിനത്തില്‍ പങ്കുവച്ച പോസ്റ്റിലും പ്രണയത്തിന്റെ വരികള്‍ ഉണ്ടായിരുന്നു. എന്റെ വില്ലന്‍ എന്നാണ് ശ്രീശ്വേത കല്യാണിനെ വിശേഷിപ്പിയ്ക്കുന്നത്. കൂടെ നിന്നുള്ള ഫോട്ടോയ്‌ക്കെല്ലാം ഒപ്പം ലവ് ഇമോജികളും ഉണ്ട്.

അതേ സമയം ആരാധകരെ സംതൃപ്തിപ്പെടുത്താന്‍ വേണ്ടിയാണോ ഇത്തരത്തില്‍ പ്രണയം നിറഞ്ഞ പോസ്റ്റുകളുമായി ശ്രീശ്വേത വരുന്നത് എന്ന സംശയവും ഉണ്ട്. കല്യാണിന്റെയും ശ്രീശ്വേതയുടെയും കഥാപാത്രങ്ങളായ സോണിയെയും വിക്രമിനെയും വിച്ച ‘വിക്യ’ എന്ന വലിയൊരു ഫാന്‍സ് കൂട്ടായ്മ തന്നെയുണ്ട്. അവര്‍ക്ക് നന്ദി പറഞ്ഞുകൊണ്ട് നേരത്തെ പലപ്പോഴും ഇരുവരും ഒരുമിച്ച് നില്‍ക്കുന്ന ഫോട്ടോ പങ്കുവച്ചിരുന്നു.

സീരിയലില്‍ സോണിയെ പറ്റിച്ച് സ്വന്തമാക്കിയ കഥാപാത്രമാണ് വിക്രം. നായകന്‍ കിരണിന്റെ സഹോദരിയാണ് സോണി നായിക കല്യാണിയുടെ സഹോദരനാണ് വിക്രം. കല്യാണി വരച്ച ചിത്രങ്ങള്‍ താന്‍ വരച്ചതാണ് എന്ന് പറഞ്ഞ് സോണിയയ്ക്ക് കാണിച്ചുകൊടുത്ത് ഇഷ്ടം പിടിച്ചു പറ്റിയാണ് വിക്രം, അവളെ വിവാഹം ചെയ്തത്. വിവാഹിതരായി എങ്കിലും രണ്ട് പേരും പല കാര്യങ്ങളിലും അഭിപ്രായ വ്യത്യാസങ്ങളുണ്ട്. അല്പം നെഗറ്റീവ് ഷേഡുള്ള കഥാപാത്രമാണ് വിക്രം.

about mounaragam