TV Shows
എല്ലാവരേയും സഹോദരനാക്കുന്നത് ദില്‍ഷയുടെ സ്ഥിരം പരിപാടിയാണ്; ഞാനും അത്തരത്തിലായിരുന്നു ; ദില്‍ഷയ്ക്ക് വേണ്ടി ഫേക്ക് പ്രൊഫൈല്‍ വരെ എനിക്ക് ഉണ്ടാക്കേണ്ടിവന്നു; ഫാൻസിനെ ഉണ്ടാക്കിയത് ഇങ്ങനെയാണ് ;ദിൽഷയുടെ സുഹൃത്ത് സൂരജ് പറയുന്നു!
എല്ലാവരേയും സഹോദരനാക്കുന്നത് ദില്‍ഷയുടെ സ്ഥിരം പരിപാടിയാണ്; ഞാനും അത്തരത്തിലായിരുന്നു ; ദില്‍ഷയ്ക്ക് വേണ്ടി ഫേക്ക് പ്രൊഫൈല്‍ വരെ എനിക്ക് ഉണ്ടാക്കേണ്ടിവന്നു; ഫാൻസിനെ ഉണ്ടാക്കിയത് ഇങ്ങനെയാണ് ;ദിൽഷയുടെ സുഹൃത്ത് സൂരജ് പറയുന്നു!
ബിഗ് ബോസ് സീസൺ ഫോർ വിന്നർ ആയി മാറിയതോടെ ദില്‍ഷയ്ക്ക് നിരവധി സൈബര്‍ ആക്രമണങ്ങള്‍ നേരിടേണ്ടി വന്നിരുന്നു. ബിഗ് ബോസ് വിന്നറാകാന്‍ ദില്‍ഷയ്ക്ക് അര്‍ഹതയില്ലെന്ന് പറഞ്ഞായിരുന്നു സൈബര്‍ ആക്രമണങ്ങള്‍ക്ക് തുടക്കമിട്ടതെങ്കിലും പിന്നീട് ദില്‍ഷയുടെ വ്യക്തിജീവിതത്തിലേയ്ക്കും കടന്നു. ദില്‍ഷ പങ്കുവെച്ച ഒരു പോസ്റ്റില്‍ കണ്ട ചെറുപ്പക്കാരനെ ചുറ്റിപ്പറ്റിയാണ് പിന്നീട് നടന്ന ചര്‍ച്ചകള്‍.
സൂരജ് ആരാണെന്നായിരുന്നു എല്ലാവരും തിരക്കിയത്. സൂരജ് തന്റെ ഫ്രണ്ടാണെന്ന് പറഞ്ഞ് ദില്‍ഷയും രംഗത്തെത്തിയിരുന്നു. അവിടേയും പലരും വിവാദങ്ങള്‍ക്കാണ് ശ്രമിച്ചത്. റോബിനുമായി ഇനി യാതൊരുവിധ ബന്ധത്തിനും താല്‍പ്പര്യമില്ലെന്ന് ദില്‍ഷ വ്യക്തമാക്കിയിരുന്നു. നല്ല സുഹൃത്തായി മാത്രമാണ് ദില്‍ഷ കണ്ടിരുന്നതെന്ന് വ്യക്തമാക്കിയിരുന്നു. എന്നാല്‍ ഫാന്‍സും ആര്‍മികളും ചേര്‍ന്ന് കൂടുതല്‍ സൈബര്‍ ആക്രമണങ്ങളാണ് ദില്‍ഷയ്ക്ക് നേരെ നടത്തിയത്. ഇപ്പോള്‍ ഇതേക്കുറിച്ച് സംസാരിക്കുകയാണ് സൂരജ്.
സൂരജ് പറഞ്ഞ വാക്കുകൾ വായിക്കാം പൂർണ്ണമായി, ” എല്ലാവരും വിചാരിക്കുന്നത് ഞാന്‍ ദില്‍ഷയേക്കാള്‍ മുതിര്‍ന്ന ആളാണെന്നാണ്. എന്നാല്‍ അങ്ങനെയല്ല. ദില്‍ഷയേക്കാള്‍ രണ്ട് വയസ് പ്രായം കുറവാണ് എനിക്ക്. കഴിഞ്ഞ എട്ടു വര്‍ഷമായി എനിക്ക് ദില്‍ഷയെ അറിയാം. ദില്‍ഷ പൊതുവെ ഇങ്ങനെയാണല്ലോ, എല്ലാവരേയും ബ്രദറാക്കുക. അങ്ങനെയുള്ള ഒരു ബ്രദറാണ് ഞാന്‍. പക്ഷേ അവള്‍ക്ക് പ്രായം മാത്രേയുള്ളൂ, പക്വതയില്ല. അത് പല കാര്യങ്ങളിലൂടെ നമ്മക്ക് മനസ്സിലാകും.
ഇത്തവണത്തെ ദില്‍ഷയുടെ ബര്‍ത്ത് ഡേ ഞങ്ങളെല്ലാവരും മിസ് ചെയ്തു. കാരണം ദില്‍ഷ ഇവിടെയുണ്ടെങ്കില്‍ പിറന്നാളിന് മുന്‍പ് നമ്മളെ വിളിച്ച് ഓര്‍മ്മ്പ്പിക്കും, എന്റെ പിറന്നാളാണെന്ന്. പിന്നെ വേണ്ട സാധനങ്ങളുടെയൊക്കെ ഒരു ലിസ്റ്റ് തരും. അങ്ങനെ വന്‍ വെറുപ്പീരാകാറാണ് പതിവ്. പക്ഷേ ഇത്തവണ ബിഗ് ബോസില്‍ ആയിരുന്നതിനാല്‍ അത് സാധിച്ചില്ല. അതുകൊണ്ട് ശരിക്കും നമ്മളെല്ലാവരും അത് മിസ് ചെയ്തു. അവിടെചെറിയ കേക്ക് കണ്ടപ്പഴേ ഞങ്ങള്‍ പറഞ്ഞു ഇത് വലിയ വിഷയമുണ്ടാക്കുമെന്നൊക്കെ. അത് കൃത്യമായിരുന്നു.
ജോലിയുടെ ഭാഗമായി ഞാന്‍ നെതര്‍ലന്റ്‌സില്‍ ആണ്. ഞാന്‍ അങ്ങോട്ടേയ്ക്ക് പോകുന്നതിന് തൊട്ട് പിന്നാലെയാണ് ദില്‍ഷയും ബിഗ് ബോസിലേക്ക് പോകുന്നത്. പക്ഷേ ശരിക്കും ഞാനവിടെപ്പോയി ഒരു മാസം മാത്രമാണ് കമ്പനിക്ക് വേണ്ടി ജോലി ചെയ്തത്. പിന്നെ ദില്‍ഷയ്ക്ക് വേണ്ടി മാത്രമാണ് പണിയെടുത്തത്. കാരണം എങ്ങനെയെങ്കിലും ദില്‍ഷ ഫൈനല്‍ ഫൈവില്‍ എത്തുക എന്നതായിരുന്നു നമ്മുടെ എല്ലാവരുടേയും ആഗ്രഹവും ഉദ്ധേശവും.
പക്ഷേ ദില്‍ഷ ഇവിടെ നിന്ന് പോകുന്നത് പോലും വളരെ ബുദ്ധിമുട്ടിയാണ്. ഇവിടെ നിന്ന് പോകുമ്പോള്‍ ഒരിയ്ക്കലും തിരിച്ച് വരുന്നത് ബിഗ് ബോസ് കപ്പും പിടിച്ചുകൊണ്ടാവും എന്ന് കരുതിയിട്ടില്ലെന്ന് ദില്‍ഷയും പറയുന്നു.
ഷോ തുടങ്ങി കുറച്ച് കഴിഞ്ഞപ്പോഴാണ് മനസ്സിലാകുന്നത് മറ്റുള്ളവരെല്ലാം വളരെ പ്ലാനിംഗോടെ വന്ന ആള്‍ക്കാരാണ്. ദില്‍ഷയ്ക്ക് മാത്രം ഫാന്‍സും ഇല്ല ആര്‍മിയും ഇല്ല, അങ്ങനെ ഒറ്റയ്ക്ക് നില്‍ക്കുന്നു. പിന്നെ തുടക്കത്തിലാണെങ്കില്‍ ദില്‍ഷ അത്ര ആക്ടീവായിരുന്നില്ല. അങ്ങനെ വന്നപ്പോള്‍ ഞാനും എന്റെ സുഹൃത്തുക്കളും ചേര്‍ന്ന് ആദ്യം ഒരു വാട്ട്‌സാപ്പ് ഗ്രൂപ്പുണ്ടാക്കി. അതിലേയ്ക്ക് നമ്മുടെ സുഹൃത്തുക്കള്‍ വഴിതന്നെ ആളുകള്‍ എത്തി.
അങ്ങനെ ആദ്യത്തെ ഗ്രൂപ്പ് ഫുള്ളായി. അങ്ങനെ അടുത്തടുത്ത ഗ്രൂപ്പുകളൊക്കെ തുടങ്ങി. അങ്ങനെയാണ് ഒരു ഫാന്‍ ബേസ് ഉണ്ടാക്കിയത്. പിന്നെ പെര്‍ഫോമന്‍സ് മെച്ചപ്പെട്ടതചിനനുസരിച്ച് ആളുകള്‍ തന്നെത്താനെ വന്ന് തുടങ്ങി. ഫേസ്ബുക്കില്‍ എനിക്ക് ഒരു അക്കൗണ്ടുണ്ട്. അതല്ലാതെ ഫേക്ക് അക്കൗണ്ടോ ഒന്നും ഉണ്ടായിരുന്നില്ല.
അത് കഴിഞ്ഞ് ഫേക്ക് അക്കൗണ്ട് ഉണ്ടാക്കേണ്ടിവന്നു. ഫേസ്ബുക്കിലൊക്കെ വലിയ അടിയാണ് ഫാന്‍സ് തമ്മില്‍ നടത്തുന്നത്. കുറച്ച് കഴിഞ്ഞപ്പോള്‍ നമ്മള്‍ക്കെല്ലാവര്‍ക്കും ഉറപ്പായി ദില്‍ഷ ഫൈനലിസ്റ്റായി ഉറപ്പായും ഉണ്ടാകും.
റോബിന്‍ പുറത്ത് പോകും എന്ന് ഒരിയ്ക്കലും വിചാരിച്ചിരുന്നതല്ല. കാരണം അത്രയും മികച്ച പെര്‍ഫോമന്‍സാണ് റോബിന്‍ കാഴ്ച്ചവെച്ചത്. പക്ഷേ റോബിന്‍ പുറത്താകുന്നു എന്ന് കേട്ടപ്പോള്‍ ദില്‍ഷയ്ക്ക് കുറച്ചുകൂടി സാധ്യതയുണ്ടെന്നാണ് നമുക്കെല്ലാവര്‍ക്കും തോന്നിയത്. കാരണം ഫൈനല്‍ സ്റ്റേജില്‍ ലാലേട്ടനൊപ്പം കൈ പിടിച്ച് നില്‍ക്കുന്നവരില്‍ ആ ഒരാള്‍ ദില്‍ഷയായിരിക്കണമെന്ന് ഞങ്ങളെല്ലാവരും ആഗ്രഹിച്ചിരുന്നു. ആദ്യം പുറത്തുവന്ന പോള്‍ ഫലങ്ങളിലെല്ലാം ദില്‍ഷയ്ക്കും സാധ്യതയുള്ളതായാണ് നമുക്ക് തോന്നിയത്.
റോബിന്‍ വിന്നറാകും എന്നത് എല്ലാവര്‍ക്കും ഉറപ്പായ കാര്യമായിരുന്നു. അതിന് തൊട്ട് പിന്നില്‍ എത്താന്‍ ദില്‍ഷയെ തയ്യാറാക്കുകയായിരുന്നു പുറത്ത് ഞങ്ങളും. എന്നാല്‍ ആദ്യമൊന്നും ദില്‍ഷ ബിഗ് ബോസില്‍ ആക്ടീവായിരുന്നില്ല. എന്നാല്‍ കുറച്ച് കഴിഞ്ഞപ്പോള്‍ അവിടേയ്ക്ക് റിയാസ് വന്നു. ഇതോടെ എല്ലാവരേയും ഞെട്ടിച്ചാണ് ദില്‍ഷ എത്തിയത്.
അത്ര ആക്ടീവാകുമെന്നോ റിയാസിനോട് മറുപടികള്‍ പറയുമെന്നോ നമ്മളാരും വിചാരിച്ചില്ല. അക്കാര്യത്തില്‍ ദില്‍ഷ എല്ലാവരേയും ഞെട്ടിച്ചു. ഒരുപക്ഷേ റിയാസിനെപ്പോലെ ഒരു മത്സരാര്‍ത്ഥി വന്നില്ലായിരുന്നെങ്കില്‍ ദില്‍ഷ ഇപ്പോഴും ഒരു അനക്കവും ഇല്ലാതെ ഇരുന്നേനേ. ഒരിയ്ക്കലും വിജയിക്കുമായിരുന്നുമില്ല എന്നും സൂരജ് പറഞ്ഞു.]
about dilsha
