Connect with us

പന്ത്രണ്ട് ‘എന്ന ആക്കം എന്തൊക്കെയോ പ്രതീക്ഷിപ്പിച്ചത് പോലെ തന്നെ നല്ല അഭിപ്രായങ്ങള്‍ കേള്‍ക്കുന്നു, എനിക്കുകൂടി അഭിമാനിക്കാന്‍ വകയാകുന്നു; ഭദ്രന്‍ പറയുന്നു !

Movies

പന്ത്രണ്ട് ‘എന്ന ആക്കം എന്തൊക്കെയോ പ്രതീക്ഷിപ്പിച്ചത് പോലെ തന്നെ നല്ല അഭിപ്രായങ്ങള്‍ കേള്‍ക്കുന്നു, എനിക്കുകൂടി അഭിമാനിക്കാന്‍ വകയാകുന്നു; ഭദ്രന്‍ പറയുന്നു !

പന്ത്രണ്ട് ‘എന്ന ആക്കം എന്തൊക്കെയോ പ്രതീക്ഷിപ്പിച്ചത് പോലെ തന്നെ നല്ല അഭിപ്രായങ്ങള്‍ കേള്‍ക്കുന്നു, എനിക്കുകൂടി അഭിമാനിക്കാന്‍ വകയാകുന്നു; ഭദ്രന്‍ പറയുന്നു !

പതിനഞ്ചിൽ താഴെ ചിത്രങ്ങൾ മാത്രമേ സംവിധാനം ചെയ്തിട്ടുള്ളൂ. എന്നാൽ തനിമയും തന്മയത്വവുമുള്ള ക്രാഫ്റ്റ് കൊണ്ട് മലയാളസിനിമാലോകത്ത് തന്റേതായ ഒരു കയ്യൊപ്പ് പതിപ്പിക്കാൻ സാധിച്ച പ്രഗത്ഭനായ സംവിധായനാണ് ഭദ്രൻ. വിരലിലെണ്ണാവുന്ന ചിത്രങ്ങൾ കൊണ്ട് തന്നെ സംവിധാനത്തിലെയും ക്രാഫ്റ്റിലെയും തന്റെ മികവ് സുവർണ ലിപികളാൽ രേഖപ്പെടുത്താൻ ഭദ്രനെന്ന സംവിധായകന് കഴിഞ്ഞിട്ടുണ്ട്
ലിയോ തദ്ദേവൂസ് സംവിധാനം ചെയ്ത ചിത്രം ‘പന്ത്രണ്ട്’ കഴിഞ്ഞ ദിവസമാണ് റിലീസ് ചെയ്തത്. ഇപ്പോഴിതാ സിനിമയ്ക്ക് മികച്ച പ്രതികരണം ലഭിക്കുന്നതില്‍ അഭിമാനമുണ്ടെന്ന് പറയുകയാണ് സംവിധായകന്‍ ഭദ്രന്‍. തന്റെ സഹസംവിധായകനായി പ്രവര്‍ത്തിച്ച വ്യക്തിയാണ് ലിയോ. അദ്ദേഹം വ്യത്യസ്തമായ ഒരു സിനിമ ചെയ്യുന്നു എന്നതില്‍ അതിയായ സന്തോഷമുണ്ടെന്ന് ഭദ്രന്‍ അറിയിച്ചു.

ഭദ്രന്റെ വാക്കുകള്‍ ഇങ്ങനെ

‘പന്ത്രണ്ട് ‘എന്ന അക്കത്തിന്റെ ഏറ്റവും വലിയ പ്രസക്തി ലോക രക്ഷകന്‍ ആയ ക്രിസ്തുവിന്റെ 12 ശിഷ്യന്മാര്‍! വ്യത്യസ്ത സ്വഭാവത്തിലും ഡിമെന്‍ഷനിലും എന്നുള്ളത് ആയിരുന്നു അവരൊക്കെയും.അതില്‍ ഞാന്‍ ഇഷ്ട്ടപെടുന്ന ഒറ്റി കൊടുത്ത യൂദാസും ആ ഗണത്തില്‍ ഉണ്ട്. തെറ്റിപ്പോയി എന്ന് തിരിച്ചറിഞ്ഞപ്പോള്‍ ഇനി ഈ ഭൂമുഖത്ത് തനിക്ക് ശ്വസിക്കാന്‍ അവകാശം ഇല്ല എന്ന തിരിച്ചറിവ് നുറുങ്ങിയ വേദനയായി…. രോദനമായി. അവിടെ അയാള്‍ യഥാര്‍ത്ഥ മനുഷ്യന്‍ ആയി ഒരു പച്ചമരക്കൊമ്പില്‍ തൂങ്ങി.

ലിയോയുടെ പുതിയ ചിത്രത്തിന്റെ ‘പന്ത്രണ്ട് ‘എന്ന ആക്കം എന്തൊക്കെയോ പ്രതീക്ഷിപ്പിച്ചത് പോലെ തന്നെ നല്ല അഭിപ്രായങ്ങള്‍ കേള്‍ക്കുന്നു. എനിക്കുകൂടി അഭിമാനിക്കാന്‍ വകയാകുന്നു. എന്റെ അസിസ്റ്റന്റ് ആയിരുന്ന ലിയോ വ്യത്യസ്തമായൊരു സിനിമ ഉണ്ടാക്കിയിരിക്കുന്നു എന്നറിയുന്നതില്‍ ഒരുപാട് സന്തോഷം തോന്നി. എന്നെ സ്‌നേഹിക്കുന്നവര്‍ ലിയോയുടെ സിനിമ തിയേറ്ററില്‍ കണ്ട് വിജയിപ്പിക്കുക.യാദൃശ്ചികമായി കണ്ട ഒരു പെണ്‍കുട്ടിയുടെ കമെന്റ് എന്നെ കൂടുതല്‍ ഉന്മേഷവാനാക്കുന്നു.

‘ലിയോ തദ്ദേവൂസ് ഭയങ്കര അണ്ടര്‍ റേറ്റഡ് സംവിധായകനാണ്. ലോനപ്പന്റെ മാമ്മോദീസ എന്ന സിനിമ വലിയ തീയേറ്റര്‍ വിജയമായില്ല. പക്ഷേ, അതൊരു ഗംഭീര സിനിമ ആയിരുന്നു. ഇന്നിപ്പോള്‍ ഇറങ്ങിയ ‘പന്ത്രണ്ട് ‘ കാണാന്‍ ഉണ്ടായ ഏക കാരണം ലോനപ്പന്‍ എന്ന സിനിമ ആണ്. പന്ത്രണ്ട് ഒരു ഗംഭീര സിനിമ ആണ്. പൂര്‍ണമായി ഒരു സംവിധായകന്റെ സിനിമ. മഹാഭാരതിനെ ഒക്കെ പോലെ ഒരു പുനര്‍വായന നല്‍കുകയാണ് സംവിധായകന്‍. കണ്ട് നോക്കുക, രസം ഉണ്ട്.’ഈ പെണ്‍കുട്ടി ഇത്തരത്തില്‍ ഒന്ന് പറയണമെങ്കില്‍ 12 നല്ലൊരു സിനിമ തന്നെ ആയിരിക്കും. ദിനങ്ങള്‍ മാറ്റിവെയ്ക്കാതെ എത്രയും വേഗം കാണുക.

More in Movies

Trending

Recent

To Top