നിവിന്‍ പോളിയുടെയും ടൊവിനൊ തോമസിന്റെയും കസിന്‍ നടന്‍ ധീരജ് ഡെന്നി വിവാഹിതനായി

യുവ നടന്‍ ധീരജ് ഡെന്നി വിവാഹിതനായി. തൃശൂര്‍ സ്വദേശിയായി ആന്‍മരിയ ആണ് വധു. വിവാഹ വിരുന്നിന് ടൊവിനൊ തോമസ് കുടുംബസമേതം എത്തിയിരുന്നു.

നിവിന്‍ പോളിയുടെ ഭാര്യ റിന്നയും വിവാഹ വിരുന്നില്‍ പങ്കെടുത്തു.

ചെറുപ്പം മുതലേ നാടകങ്ങളില്‍ സജീവമായിരുന്ന നടനാണ് ധീരജ്. ധീരജ് ‘വൈ’ എന്ന സിനിമയിലൂടെയാണ് വെള്ളിത്തിരയുടെ ഭാഗമാകുന്നത്. ധീരജ് ‘കല്‍ക്കി’ എന്ന സിനിമയുടെയും ഭാഗമായി. ‘കര്‍ണന്‍ നെപ്പോളിയന്‍ ഭഗത്‌സിംഗ്’ എന്ന സിനിമയില്‍ നായകനുമായി.

ധീരജും നിവിന്‍ പോളിയും ടൊവിനൊയും തോമസും കസിന്‍ സഹോദരങ്ങളാണ്. നിവിന്‍ പോളിയുടെ അച്ഛന്റെ സഹോദരന്റെ മകനാണ് ധീരജ്. ധീരജിന്റെ അമ്മയുടെ സഹോദരന്റെ മകനാണ് ടൊവിനൊ.