നിശബ്ദത വെടിഞ്ഞ് പുറത്ത് വന്നാല്‍ മാത്രമേ സമാധാനം ലഭിക്കുകയുള്ളു, ആവശ്യമായ പ്രതികരണം; നവാസുദ്ദീന്‍ സിദ്ദിഖിയ്ക്ക് പിന്തുണയുമായി കങ്കണ റണാവത്ത്

കഴിഞ്ഞ കുറച്ച് ദിവസങ്ങളായ ബോളിവുഡ് നടന്‍ നവാസുദ്ദീന്‍ സിദ്ദിഖിയ്ക്ക് എതിരെയുള്ള വാര്‍ത്തകളാണ് പുറത്ത് വരുന്നത്. ഇപ്പോഴിതാ അദ്ദേഹത്തിന് പിന്തുണയുമായി എത്തിയിരിക്കുകയാണ് നടി കങ്കണ റണാവത്ത്. നവാസുദ്ദീന്‍ പങ്കുവെച്ച് പോസ്റ്റ് സ്‌റ്റോറിയാക്കിക്കൊണ്ടാണ് നടിയുടെ പിന്തുണ അറിയിച്ചത്.

ആവശ്യമായ പ്രതികരണമായിരുന്നു എന്നും നിശബ്ദത വെടിഞ്ഞ് പുറത്ത് വന്നാല്‍ മാത്രമേ സമാധാനം ലഭിക്കുകയുള്ളു എന്നും ഇങ്ങനെ ഒരു പ്രതികരണം നടത്തിയതില്‍ സന്തോഷിക്കണം. മൗനം ഒരിക്കലും സമാധാനം നല്‍കില്ല എന്നാണ് കങ്കണ പറഞ്ഞത്. കങ്കണയുടെ പോസ്റ്റ് ഇപ്പോള്‍ വൈറലായി മാറിയിരിക്കുകയാണ്.

കഴിഞ്ഞ ഏതാനും നാളുകളായി നടനെതിരെ ഗുരുതര ആരോപണങ്ങള്‍ ഉന്നയിച്ചുകൊണ്ടായിരുന്നു മുന്‍ പങ്കാളി ആലിയ രംഗത്തെത്തിയിരുന്നത്. തന്നെയും മക്കളെയും നവാസുദ്ദീനും കുടുംബവും ദ്രോഹിച്ചു എന്നും മക്കളെ ആവശ്യപ്പെട്ടുകൊണ്ട് നിരന്തരം ശല്യം ചെയ്യുന്നു എന്നുമാണ് ആലിയ സോഷ്യല്‍ മീഡയയിലൂടെ ആരോപിച്ചത്.

ഇതിനെതിരെ ആദ്യമായാണ് നടന്‍ പ്രതികരിച്ചെത്തിയത്. ഇത്രയും നാളും ഒന്നും തുറന്ന് പറയാതിരുന്നത് മക്കളെ ഓര്‍ത്തിട്ടാണ് എന്നും ആലിയ പണത്തിന് വേണ്ടിയാണ് എല്ലാം ചെയ്തത് എന്നും നവാസുദ്ദീന്‍ പറയുന്നു. പണത്തിന് വേണ്ടി രണ്ട് മക്കളുടേയും ദുബായിയിലെ പഠനം നിര്‍ത്തി മുംബൈയില്‍ എത്തിയതാണ്, മക്കളുടെ വിദ്യാഭ്യാസം മുടക്കി ബന്ദിയാക്കിയിരിക്കുകയാണ് എന്നും നടന്‍ ഇന്‍സ്റ്റാഗ്രാം പോസ്റ്റിലൂടെ പറഞ്ഞു.