ഞാനായിട്ട് ഒരു ബന്ധവും ഇല്ലാത്ത ഇങ്ങനെയുള്ള ന്യൂസുകൾ പുറത്തുവിടുന്ന ചാനൽ റിപ്പോർട്ട് അടിക്കാൻ ഒന്ന് കൂടെ നിൽക്കുമോ; ഹരീഷ് കണാരൻ

പ്രേക്ഷകർക്കേറെ സുപരിചിതനായ നടനാണ് ഹരീഷ് കണാരൻ. സോഷ്യൽ മീഡിയയിൽ സജീവമായ അദ്ദേഹം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. തന്റെ ആരോഗ്യനിലയെ കുറിച്ച് പുറത്തെത്തിയ വ്യാജ വാർത്തയോട് ആണ് നടന്റെ പ്രതികരണം.

ഒരു ഓൺലൈൻ ചാനലിൽ എത്തിയ വാർത്തയുടെ സ്‌ക്രീൻ ഷോട്ട് പങ്കുവച്ചാണ് നടൻ പ്രതികരിച്ചിരിക്കുന്നത്. ‘നടൻ ഹരീഷ് കണാരന്റെ നില ഗുരുതരം’ എന്ന വാർത്തയുടെ സ്‌ക്രീൻ ഷോട്ട് ആണ് ഹരീഷ് പങ്കുവച്ചിരിക്കുന്നത്.

എന്റെ നില ഗുരുതരം ആണെന്ന് news of malayalam പറഞ്ഞപ്പോഴാണ് അറിഞ്ഞത്. ഞാനായിട്ട് ഒരു ബന്ധവും ഇല്ലാത്ത ഇങ്ങനെയുള്ള ന്യൂസുകൾ പുറത്തുവിടുന്ന ചാനൽ റിപ്പോർട്ട് അടിക്കാൻ ഒന്ന് കൂടെ നിൽക്കുമോ എന്നാണ് നടൻ ഫേസ്ബുക്കിൽ പങ്കുവെച്ചിരിക്കുന്ന കുറിപ്പിലൂടെ ചോദിക്കുന്നത്.

പിന്നാലെ ഈ വ്യാജ വാർത്ത ചൂണ്ടിക്കാട്ടി നടൻ നിർമൽ പാലാഴിയും പ്രതികരിച്ചു. അഡ്മിനെ.. റീച്ചിനു വേണ്ടി ആണെങ്കിൽ നിങ്ങളുടെ വീട്ടിലേയ്ക്ക് തന്നെ നോക്കിയാൽ പോരെ..? നിങ്ങൾക്ക് ഒരു ഉപദ്രവവും ചെയ്യാത്ത ആർട്ടിസ്റ്റുകളുടെ ഫോട്ടോ വച്ചു വേണോ ഈ നാണം കെട്ട പരിപാടി.

ഇന്നലെ രാത്രി ഒരുമിച്ചു പ്രോഗ്രാം കഴിഞ്ഞു പിരിഞ്ഞതാ, ഈ വാർത്തകണ്ട് പത്രത്തിൽ നിന്നും വിളിച്ചപ്പോഴാ അവനും വിവരം അറിഞ്ഞത്. ദയവു ചെയ്ത് റിപ്പോർട്ട്‌ അടിക്കാൻ കൂടെ നിൽക്കുമോ എന്നായിരുന്നു നിർമൽ പാലാഴിയുടെ വാക്കുകൾ.

അതേസമയം, മിമിക്രി കലാകാരനായ തുടങ്ങിയ ഹരീഷ് ഹാസ്യ കഥാപാത്രങ്ങളിലൂടെയാണ് സിനിമയിൽ ശ്രദ്ധ നേടുന്നത്. എന്നാൽ ഈയടുത്തായി ടെലിവിഷൻ ഷോകളിലോ സിനിമകളിലോ നടൻ പ്രത്യക്ഷപ്പെട്ടിരുന്നില്ല. ഇത് സോഷ്യൽ മീഡിയയിൽ ചർച്ചയായിരുന്നു.