യുട്യൂബ് ചാനൽ ആരംഭിക്കാൻ കാരണം ചേച്ചി അഹാനയാണ്, യൂട്യൂബിൽ നിന്നും വരുമാനം വരുമെന്നൊന്നും അറിയില്ലായിരുന്നു; ദിയ കൃഷ്ണ

പ്രേക്ഷകർക്കേറെ സുപരിചിതയാണ് നടൻ കൃഷ്ണ കുമാറിന്റെ മകൾ ദിയ കൃഷ്ണ. പത്ത് ലക്ഷത്തിന് മുകളിൽ സബ്സ്ക്രൈബേഴ്സുള്ള ഒരു യൂട്യൂബ് ചാനൽ ദിയയ്ക്ക് ഉണ്ട്. ഇതിലൂടെയാണ് തന്റെ എല്ലാ വിശേഷവും ദിയ പങ്കുവെയ്ക്കാറുള്ളത്. ഇപ്പോൾ തന്റെ ഗർഭകാലം ആഘോഷമാക്കുകയാണ് താരപുത്രി.

സ്ത്രീ എന്ന കൃഷ്ണ കുമാറിന്റെ വീട്ടിൽ എന്ത് ആഘോഷം നടന്നാലും അതുമായി ബന്ധപ്പെട്ടുള്ള നാലോ അഞ്ചോ വ്ലോഗ് വീഡിയോകൾ കുടുംബാംഗങ്ങൾ എല്ലാവരും ചേർന്ന് പങ്കുവെയ്ക്കും. മാത്രമല്ല ഓരോരുത്തർക്കും പ്രത്യേകം പ്രത്യേകം കാഴ്ചക്കാരുമുണ്ട്. യുട്യൂബ് ഏറ്റവും സജീവമായി വീഡിയോകൾ പങ്കുവെക്കുന്നൊരാൾ കൃഷ്ണ കുമാറിന്റെ രണ്ടാമത്തെ മകൾ ദിയ കൃഷ്ണയാണ്. നാല് വർഷത്തോളമായി ദിയ യുട്യൂബ് വ്ലോഗിൽ സജീവമായുണ്ട്.

ഇപ്പോഴിതാ യുട്യൂബ് ചാനൽ തുടങ്ങാനുള്ള കാരണം എന്താണെന്ന് വെളിപ്പെടുത്തിയിരിക്കുകയാണ് താരപുത്രി.‍ ദിയയുടേയും ഭർത്താവ് അശ്വിന്റെയും ഉറ്റ സുഹൃത്ത് അഭിരാം കൃഷ്ണകുമാറിന്റെ യുട്യൂബ് ചാനലിൽ അതിഥികളായി എത്തിയതായിരുന്നു ഇരുവരും. അഭിരാം ദിയയുടെ പാത പിന്തുടർന്ന് യുട്യൂബ് വ്ലോഗിങ്ങിലേക്ക് ആരംഭിച്ച് കഴിഞ്ഞു. ആദ്യ വീഡിയോയിൽ അതുകൊണ്ട് തന്നെ ദിയയേയും അശ്വിനേയുമാണ് അഭിരാം സ്പെഷ്യൽ ഗസ്റ്റുകളായി വിളിച്ചത്.

താൻ യുട്യൂബ് ചാനൽ ആരംഭിക്കാൻ കാരണം ചേച്ചി അഹാനയാണെന്നാണ് ദിയ പറഞ്ഞത്. തുടക്കത്തിൽ യൂട്യൂബിൽ നിന്നും വരുമാനം വരുമെന്നതിനെ കുറിച്ച് അറിവില്ലായിരുന്നുവെന്നും ദിയ പറയുന്നു. എനിക്കൊരു ചാനൽ ഉള്ള കാര്യം അറിയുക പോലുമില്ലായിരുന്നു. കൊറോണ കാലത്ത് എപ്പോഴോ ഒരു സമയം അമ്മു ഞങ്ങൾ മാലി ദ്വീപിൽ പോയ വീഡിയോ യൂട്യൂബിൽ അപ് ലോഡ് ചെയ്തിരുന്നു.

എന്തിനാണ് ഈ മെനക്കെടുന്നത്… അതെടുത്ത് യൂട്യൂബിൽ ഇട്ടിട്ട് എന്ത് കിട്ടാനാണ് എന്നായിരുന്നു അന്നൊക്കെ എന്റെ മനസിൽ. ഒരു മാസം കഴിഞ്ഞപ്പോൾ അമ്മുവിന് പേയ്‌മെന്റ് കിട്ടിത്തുടങ്ങി. ഞങ്ങളുടെ കുടുംബത്തിലെ എല്ലാവരും സ്റ്റക്കായി പോയ നിമിഷമായിരുന്നു അത്. വീഡിയോ പോസ്റ്റ് ചെയ്തതിന് പൈസ കിട്ടിയോ എന്നായിരുന്നു ആശ്ചര്യം. എനിക്കും ഒരു അക്കൗണ്ട് തുടങ്ങി തരുമോയെന്ന് അമ്മുവിനോട് ചോദിച്ചിരുന്നു. നിനക്ക് ഓൾറെഡി അക്കൗണ്ട് ഉണ്ടല്ലോ എന്നായിരുന്നു അമ്മുവിന്റെ മറുപടി.

shorts end

ഇല്ല… ഞാൻ ഇതുവരെ തുടങ്ങിയിട്ടില്ല. അമ്മു പോയിട്ട് ദിയ കൃഷ്ണ എന്ന് ടൈപ്പ് ചെയ്ത് യുട്യൂബ് ചാനൽ കാണിച്ച് തരികയായിരുന്നു. മെയിൽ ഐഡിയുള്ള എല്ലാവർക്കും യൂട്യൂബ് അക്കൗണ്ടുണ്ട്. നമ്മളായിട്ട് ബാക്കി ചെയ്യണമെന്ന് മാത്രം. അങ്ങനെയാണ് ഞാൻ വീഡിയോകൾ പോസ്റ്റ് ചെയ്ത് തുടങ്ങിയത്. മീൻ കറി വീഡിയോയാണെന്ന് തോന്നുന്നു ആദ്യം അപ് ലോഡ് ചെയ്തത്.

നല്ല വ്യൂസ് ഉണ്ടായിരുന്നു. കൊറോണക്കാലം ഞങ്ങളുടെ കുടുംബത്തിന് ബ്ലെസിങ്ങായിരുന്നു. അങ്ങനെ പറയാമോയെന്ന് എനിക്ക് അറിയില്ല. പക്ഷെ ഞങ്ങൾക്ക് അത് അനുഗ്രഹമായിരുന്നു. എല്ലാവർക്കും നല്ല വരുമാനമായിരുന്നു കിട്ടിയത്. ബേബിയൊക്കെ വന്നിട്ട് വേണം ഒന്നിച്ച് വീഡിയോ ചെയ്യാൻ. ക്യാമറയ്ക്ക് മുന്നിൽ സംസാരിച്ച് തുടങ്ങുമ്പോൾ ആദ്യമൊക്കെ ചമ്മലായിരുന്നു.

പുറത്തൊക്കെ പോയി വീഡിയോ എടുക്കുമ്പോൾ നാണം തോന്നുമായിരുന്നു. അശ്വിനും അങ്ങനെയായിരുന്നു. ഇപ്പോൾ ആ പ്രശ്‌നമില്ല. അശ്വിനും മാറി. വീഡിയോ ചെയ്ത് തുടങ്ങുമ്പോൾ ക്യാരക്ടർ ലെവൽ മാറും എന്നാണ് താൻ യുട്യൂബ് ചാനൽ തുടങ്ങിയശേഷമുള്ള അനുഭവങ്ങൾ പങ്കിട്ട് ദിയ പറഞ്ഞത്. തന്നെ പിന്തുണയ്ക്കുന്നത് പോലെ തന്നെ അഭിരാമിനേയും പിന്തുണയ്ക്കണെമെന്നും ദിയയും അശ്വിനും വീഡിയോയിൽ ആവശ്യപ്പെട്ടു.

ദിയയും അശ്വിനും ഇപ്പോൾ ആദ്യത്തെ കൺമണിക്കായുള്ള കാത്തിരിപ്പിലാണ്. ദിയ ഇപ്പോൾ അഞ്ച് മാസം ഗർഭിണിയാണ്. കുറച്ച് ദിവസങ്ങൾക്ക് മുമ്പായിരുന്നു മുമ്പായിരുന്നു ദിയയുടെ അഞ്ചാം മാസത്തെ ചടങ്ങുകൾ നടന്നത്. അശ്വിന്റെ അമ്മയായിരുന്നു ചടങ്ങിന് മുൻകൈ എടുത്തത്. രണ്ട് ദിവസങ്ങളിലായാണ് ചടങ്ങ് നടത്തിയത്. ഗർഭിണിയാവുമ്പോൾ സൗന്ദര്യം കൂടുമല്ലോ, ദൃഷ്ടി പെടാതിരിക്കാനാണ് ഈ പൂജ. കളർഫുൾ സാരിയും ആഭരണങ്ങളുമൊക്കെയായി അതീവ സുന്ദരിയായാണ് ദിയ എത്തിയത്. രണ്ടാമത്തെ ദിവസമായപ്പോൾ കറുത്ത സാരിയായിരുന്നു അണിഞ്ഞത്. കറുപ്പാണ് രണ്ടാം ദിവസം ഇടേണ്ടത്, അതാണ് ആ കളർ തിരഞ്ഞെടുത്തതെന്ന് ദിയ പറഞ്ഞിരുന്നു.

60 പവനോളമായിരുന്നു രണ്ട് ദിവസങ്ങളിലായി ദിയ അണിഞ്ഞത്. കല്യാണത്തിന് മേക്കപ്പ് ചെയ്തത് ശരിയായില്ല എന്ന കമന്റ് കേട്ടിരുന്നു. ഇത്തവണ അത് പരിഹരിക്കണമെന്നായിരുന്നു മേക്കപ്പിനിടെ ദിയ പറഞ്ഞത്. എന്തായാലും അണിഞ്ഞൊരുങ്ങി നിറഞ്ഞ് നിൽക്കണം, എല്ലാം ആന്റി പറയുന്നത് പോലെ തന്നെയെന്നും ദിയ പറയുന്നുണ്ടായിരുന്നു. മീനമ്മയ്‌ക്കൊപ്പമായിരുന്നു സാരി വാങ്ങാൻ പോയത്. മടിസാർ സാരി തിരഞ്ഞെടുത്തതിന്റെ വിശേഷങ്ങളായിരുന്നു പുതിയ വ്‌ളോഗിലൂടെ കാണിച്ചത്. അതീവ സന്തോഷത്തോടെയായിരുന്നു മീനമ്മ ദിയയോടൊപ്പം ഷോപ്പിലേക്ക് പോയത്.

മീനമ്മയേയും ദിയയേയും ഒന്നിച്ച് കണ്ട സന്തോഷമായിരുന്നു ആരാധകർ പങ്കുവെച്ചത്. രണ്ട് ലക്ഷത്തിലധികം പേരായിരുന്നു പുതിയ വീഡിയോ കണ്ടത്. ദിയ ഭാഗ്യവതിയാണ്. അശ്വിന്റെ അമ്മ മകളെപ്പോലെയാണ് കെയർ ചെയ്യുന്നത്. മീനമ്മയാണ് കൂടുതൽ എക്‌സൈറ്റഡ് എന്ന് തോന്നുന്നു, ദിയയുടെ പ്രഗ്നൻസി ഗ്ലോ ശരിക്കും അറിയാനുണ്ട്. അശ്വിന്റെ വീട്ടിലെ ആചാരപ്രകാരം ഒരുങ്ങിയപ്പോൾ സന്തോഷമായി. രണ്ട് ഫാമിലിയേയും ചേർത്ത് മുന്നോട്ട് പോവുക. എന്നും ഈ സന്തോഷം ജീവിതത്തിലുണ്ടാവട്ടെ തുടങ്ങിയ കമന്റുകളാണ് വീഡിയോയുടെ താഴെയുള്ളത്. ജനിക്കാൻ പോവുന്നത് പെൺകുഞ്ഞാണെന്ന കമന്റുകളും വീഡിയോയുടെ താഴെയുണ്ട്.

രണ്ടാം ദിവസം കുടുംബാംഗങ്ങളും ബന്ധുക്കളും സഹോദരങ്ങളും സുഹൃത്തുക്കളുമെല്ലാം ആരതി ഉഴിഞ്ഞും പൂക്കൾ വിതറിയും ദിയയേയും അശ്വിനേയും ആശിർവദിച്ചു. വീഡിയോ വൈറലായതോടെ ആരാധകരും ദിയയ്ക്ക് ആശംസകൾ നേർന്ന് എത്തി. പഴയ ആചാരങ്ങൾക്ക് പിന്നിലെല്ലാം ഒരു ശാസ്ത്രമുണ്ട്. അതിനെ വന്ദിക്കുന്നു. എന്നും പ്രാർത്ഥനകൾ നേരുന്നു എന്നാണ് ആരാധകരിൽ ഒരാൾ കുറിച്ചത്. വിവാഹത്തിനെന്ന പോലെ സമാനമായി വലിയൊരു ഓഡിറ്റോറിയത്തിൽ മണ്ഡപം ഒരുക്കി ബന്ധുക്കളേയും സുഹൃത്തുക്കളേയുമെല്ലാം വിളിച്ച് ചേർത്താണ് ദിയയും അശ്വിനും ചടങ്ങുകൾ നടത്തിയത്. മണ്ഡപത്തിൽ ഒരുക്കിയ പ്രത്യേക സ്ഥലത്ത് ദിയയെ ഇരുത്തിയാണ് ചടങ്ങുകൾ നടന്നത്.

കഴിഞ്ഞ ദിവസം, തങ്ങളുടെ കുഞ്ഞിന് പേരിടുന്നതിനെക്കുറിച്ച് ദിയ സംസാരിച്ചിരുന്നു. തന്റൈ അമ്മയായിരിക്കും കുഞ്ഞ് പേരിടുക. അമ്മ നിർദ്ദേശിക്കും. പക്ഷെ അന്തിമ തീരുമാനം ഞങ്ങളുടേതായിരിക്കുമെന്നാണ് ദിയ പറയുന്നത്. അശ്വിൻ തന്നെ നല്ല പോലെ കെയർ ചെയ്യാറുണ്ട്. രാവിലെ ആപ്പിളൊക്കെ കട്ട് ചെയ്യാറുണ്ട്. സ്വന്തം വീട്ടിൽ ഒരു പണിയും ചെയ്യില്ലായിരുന്നു. പക്ഷെ എനിക്ക് വേണ്ടി എല്ലാം ചെയ്തു തുടങ്ങിയെന്നാണ് ദിയ പറയുന്നത്. വീട് വൃത്തിയാക്കുകയും അടുക്കളപ്പണിയുമൊക്കെ ചെയ്തു തുടങ്ങി. ബദാമൊക്കെ കഴിക്ക് കഴിക്ക് എന്ന് നിർബന്ധിച്ച് കഴിപ്പിക്കുമെന്നും ദിയ പറയുന്നു.

കുട്ടികൾ എന്നു പറഞ്ഞാൽ എനിക്ക് ഭയങ്കര ക്രേസ് ആണ്. തമിഴ് സിനിമയിലൊക്കെ കാണുന്നത് പോലെ കല്യാണം കഴിക്കുന്നു, ഗർഭിണിയാകുന്നു, അടുത്ത സീനിൽ കുട്ടിയാകുന്നു. എല്ലാം അതുപോലെ എളുപ്പമായിരിക്കും എന്നാണ് ഞാൻ കരുതിയിരുന്നത്. പക്ഷെ ഒട്ടും എളുപ്പമായിരുന്നില്ല. ആദ്യത്തെ മൂന്ന് മാസം ഭയങ്കര പ്രയാസമായിരുന്നു. അപ്പോൾ ഞാൻ ഗർഭിണിയായിട്ടുള്ള എല്ലാവരേയും സ്മരിച്ചു. മൂന്ന് മാസം ഭയങ്കര മോശമായിരുന്നു. ഹോസ്പിറ്റിലിലായി, ട്രിപ്പിലാണ് ജീവിച്ചതെന്നും ദിയ പറയുന്നുണ്ട്.

എത്ര കുട്ടികൾ വേണം എന്നതിൽ തങ്ങൾക്കിടയിൽ ചർച്ച നടക്കുകയാണെന്നാണ് ദിയ പറയുന്നത്. ഒന്നിൽ നിർത്താനാണ് എന്റെ പ്ലാൻ. എനിക്കിനി വയ്യ, വീട്ടിലെ ബാക്കിയുള്ള പിള്ളേരെ വച്ച് അഡജ്സ്റ്റ് ചെയ്താൽ പോരേ എന്നാണ് ഞാൻ ചോദിച്ചതെന്നാണ് ദിയ പറയുന്നത്. ആൺകുട്ടിയാണോ പെൺകുട്ടിയാണോ ഇഷ്ടം എന്ന ചോദ്യത്തിനും ദിയ മറുപടി പറയുന്നുണ്ട്. എനിക്ക് പെൺകുട്ടിയെയാണ് ഇഷ്ടം. പെൺകുട്ടിയാണെങ്കിൽ എന്റെ മിനിയേച്ചർ ആക്കി ഡ്രസ് ഒക്കെ ഇടിയിപ്പിക്കാൻ ഭയങ്കര ഇഷ്ടമാണെന്നാണ് ദിയ പറയുന്നത്.

അടുത്തിടെ ഒരു വീഡിയോയിൽ അശ്വിൻ പറഞ്ഞ വാക്കുകളും വൈറലായിരുന്നു. ആ ഫ്‌ളാറ്റിലെ നാല് ചുവരിൽ മാത്രമായിരുന്നു ജീവിതം. പുള്ളിക്കാരിക്ക് എന്റെ മണം പറ്റത്തില്ല. ഞാൻ അടുത്ത് വരുന്നത് ഇഷ്ടമല്ല. ഞാൻ എപ്പോഴും ഉപയോഗിച്ച് കൊണ്ടിരിക്കുന്ന പെർഫ്യൂം ഇഷ്ടമല്ല. ഞാൻ കെട്ടിപ്പിടിക്കുന്നത് ഇഷ്ടമല്ല. അങ്ങനെ കുറേ മണങ്ങളൊന്നും പറ്റുന്നുണ്ടായിരുന്നില്ല തുടക്കത്തിൽ. ഭക്ഷണം ഒന്നും കഴിക്കാൻ പറ്റുന്നുണ്ടായിരുന്നില്ല. നീയൊരു കാര്യം ചെയ്യ് വീട്ടിലേക്ക് പോയിക്കോളൂ. അവിടത്തെ ഫുഡൊക്കെ ഇഷ്ടമാവും. കരിവാട് ഡെയ്‌ലി വേണമെന്ന് പറഞ്ഞു. ഞാൻ എവിടെ പോവാനാണ് അതിന്. അവിടെയാവുമ്പോൾ ആഗ്രഹിക്കുന്നതെല്ലാം എത്തിച്ച് തരാനും ആളുണ്ടല്ലോ എന്നും പറഞ്ഞിരുന്നതായി അശ്വിൻ പറയുന്നു.

ആപ്പിൾ കഴിക്കുമായിരുന്നു. അതും വൊമിറ്റ് ചെയ്ത് പോവുമായിരുന്നു. വെള്ളം കുടിക്കില്ലായിരുന്നു. ആദ്യം ഛർദ്ദി വന്നത് പല്ല് തേക്കുമ്പോഴായിരുന്നു. അതോടെ ട്രോമയായി. വഴക്ക് പറഞ്ഞാലൊക്കെയാണ് വെള്ളം കുടിക്കുന്നത്. വെള്ളം കുടിച്ചില്ലെങ്കിൽ നീ ചത്ത് പോവുമെന്ന് വരെ പറഞ്ഞിട്ടുണ്ട്. അത് പറഞ്ഞ് ഞങ്ങൾ അടിയായിട്ടുണ്ട്. പിന്നെ വൊമിറ്റിംഗൊക്കെ കുറഞ്ഞ് വരികയായിരുന്നു. ഞാൻ പ്രിപ്പയേർഡായിരുന്നില്ല പ്രഗ്നൻസിയ്ക്ക്. ഓരോരുത്തർക്കും ഓരോ പോലെയാണ്. എരിവുള്ള സാധനം കഴിക്കുമ്പോൾ നെഞ്ചെരിച്ചിലും ഗ്യാസും. മോണിംഗ് സിക്ക്‌നെസ് എന്നല്ല രാവിലെ മുതൽ രാത്രി വരെയുണ്ടായിരുന്നുവെന്ന് ദിയ പറയുമ്പോൾ എനിക്കും ഇതൊക്കെയുണ്ടായിരുന്നു എന്നാണ് അമ്മ സിന്ധു കൃഷ്ണ വീഡിയോയിൽ പറഞ്ഞത്.