Malayalam
ഞാൻ എന്ത് ഭൂമിയിൽ കാൽ ചവിട്ടിയാലും അവിടെ നന്നാകണം എനിക്ക് അത്രയേ ഉള്ളൂ… ഞാൻ നല്ലവൻ ആണ്; ബാല
ഞാൻ എന്ത് ഭൂമിയിൽ കാൽ ചവിട്ടിയാലും അവിടെ നന്നാകണം എനിക്ക് അത്രയേ ഉള്ളൂ… ഞാൻ നല്ലവൻ ആണ്; ബാല
മലയാള സിനിമാ പ്രേമികൾക്കേറെ സുപരിചിതനാണ് നടൻ ബാല. പലപ്പോഴും വിവാദങ്ങളും വിമർശനങ്ങളുമെല്ലാം ബാലയ്ക്ക് നേരിടേണ്ടതായി വന്നിട്ടുണ്ട്. കഴിഞ്ഞ പത്ത് വർഷത്തിലേറെയായി കൊച്ചിയിൽ വീട് വാങ്ങി താമസിക്കുകയായിരുന്നു ബാല. വളരെ വിരളമായി മാത്രമാണ് ജന്മനാടായ തമിഴ്നാട്ടിലേക്ക് പോകുന്നത്. ഗായിക അമൃതയുമായുള്ള വിവാഹശേഷമാണ് ബാല കൊച്ചിയിൽ സ്ഥിര താമസമാക്കിയത്. അടത്തിടെ നടൻ ഇവിടെ നിന്നും താമസം മാറിയിരുന്നു. വൈക്കത്താണ് ബാല താമസം മാറിയത്. ബാലയുടെ വീടിന്റെ ചിത്രങ്ങളും വീഡിയോകളും വൈറലായി മാറുകയും ചെയ്തിരുന്നു.
ഇപ്പോഴിതാ ഒരു അമ്പലത്തിൽ പോകണം എങ്കിൽ കൂടിയും ദൈവം വിചാരിച്ചാൽ മാത്രമേ അത് സാധിക്കൂവെന്ന് പറയുകയാണ് ബാല. ഒരുപാട് തിരക്കാണ് ക്ഷേത്രത്തിൽ എന്നിട്ടും മഹാദേവനെ കണ്ടു തൊഴാൻ സാധിച്ചു. മീഡിയാസ് ആരെയും എന്റെ വീട്ടിലേയ്ക്ക് വരേണ്ട. ഞാൻ മീഡിയാസിനെ വിളിക്കുന്നില്ല. ഞാൻ ഇപ്പോൾ മറ്റൊരു ലോകത്താണ്.
ഞാൻ ഇവിടെയും എല്ലാവർക്കും സഹായം ചെയ്യുന്നു. സ്കൂൾ കെട്ടാൻ പോകുന്നു. ഒരാളുടെ ഹാർട്ട് ഓപ്പറേഷന് സഹായം ചെയ്യാൻ പോകുന്നു . കാൻസർ പേഷ്യന്റിനെ സഹായിക്കുന്നു. കുടുംബശ്രീക്ക് സഹായം ചെയ്യുന്നു. ഞാൻ എന്ത് ഭൂമിയിൽ കാൽ ചവിട്ടിയാലും അവിടെ നന്നാകണം എനിക്ക് അത്രയേ ഉള്ളൂ. ഞാൻ നല്ലവൻ ആണ്. ഒരുപാട് നല്ലവൻ അല്ലെങ്കിലും ഞാൻ നല്ലവൻ തന്നെയാണ്.
എനിക്ക് ആരുടെയും സെർട്ടിഫിക്കറ്റ് വേണ്ട. അത് ആരോടും ഞാൻ ചോദിച്ചിട്ടുമില്ല. ഞാൻ നല്ലതേ ചെയ്തിട്ടുള്ളൂ ആരെയും ദ്രോഹിച്ചിട്ടില്ല. എന്റെ വിഷമം കൊണ്ടാണ് കൊച്ചിയിലെ വീട് കൊടുത്തു ഇങ്ങോട്ടേക്ക് ഗ്രാമ അന്തരീക്ഷത്തിലേക്ക് വന്നത്. മനസിലാക്കുന്നവർ മനസ്സിലാക്കട്ടെ. എല്ലാ ഞായറാഴ്ചയും എന്റെ സഹായം തേടി ആളുകൾ വരുന്നുണ്ട്. കുറച്ചുകാലം മെസിസിനും ഭക്ഷണവും ഒന്നും ഉണ്ടായിരുന്നില്ല.
ഞാൻ ജീവിതത്തിൽ പേടിച്ച ചില നിമിഷങ്ങൾ ഉണ്ട്, അതിൽ ഒന്നായിരുന്നു കണ്ണിനു വയ്യാതെ വന്നത്. ഇഷ്ടപെട്ടാൽ ഇഷ്ടപെടട്ടെ- എത്ര കോടിയുടെ വീട് ആണ് എന്നൊന്നും പറയാൻ ആകില്ല, കോകിലയുടെ ആസ്തി എത്രയെന്ന് പറയട്ടെ എന്നും ബാല മാധ്യമങ്ങളോട് പറഞ്ഞു. നടന്റെ വാക്കുകൾ സോഷ്യൽ മീഡയിയിൽ ഇപ്പോൾ വൈറലാണ്.
വീണ്ടും ഒരു പുതിയ ജീവിതം ആരംഭിക്കുന്നതിന്റെ ഭാഗമായാണ് ബാലയും കോകിലയും കൊച്ചിയും അവിടെയുള്ള വീടും ഉപേക്ഷിച്ച് വൈക്കത്തേയ്ക്ക് താമസം മാറിയിരിക്കുന്നത്. സ്വർഗം പോലെ മനോഹരമായ വീടിന്റെ വീഡിയോ കഴിഞ്ഞ ദിവസം ബാല സോഷ്യൽമീഡിയയിൽ പങ്കിട്ടിരുന്നു. വലിയ ആർഭാടങ്ങളില്ലാത്ത വീട്ടിൽ ഇരുവരും നിലവിളക്ക് കൊളുത്തി പ്രാർത്ഥിക്കുന്ന ദൃശ്യങ്ങളെല്ലാം ബാല പങ്കിട്ട വീഡിയോയിൽ കാണാമായിരുന്നു.
കായലോരത്ത് ഇന്റോ-വെസ്റ്റേൺ സ്റ്റൈലിൽ മനോഹരമായ ഒരു വീടാണ് ബാലയും ഭാര്യ കോകിലയും ചേർന്ന് സ്വന്തമാക്കിയിരിക്കുന്നത്. വീടിന്റെ ഡ്രോൺ ഷോട്ട് അടക്കമുള്ള വീഡിയോയാണ് ബാല പങ്കുവെച്ചിരിക്കുന്നത്. ദൈവം ഞങ്ങളുടെ കൂടെയുണ്ട്. എന്തുതന്നെയായാലും നല്ല കാര്യങ്ങൾ മാത്രം സംഭവിക്കും. മരിച്ച ഒരാൾക്ക് ജീവൻ നൽകാൻ ദൈവം തീരുമാനിച്ചാൽ എല്ലാ പോരാട്ടങ്ങളിലും അവനെ സംരക്ഷിക്കാനും അവനറിയാം.
സാലു കെ ജോർജ് എന്ന അസാധാരണ ക്രിയേറ്ററിന് നന്ദി. ഞാൻ കൊച്ചിവിട്ടെങ്കിലും എപ്പോഴും ഞാൻ നിങ്ങളുടെ ഹൃദയത്തിൽ നിൽക്കും. രണ്ട് മാസത്തിനുള്ളിൽ ഞാൻ ശാരീരികമായി ബിഗ് ബി ബാലയെപ്പോലെ തിരിച്ചെത്തും. തുടർന്ന് സ്ക്രീൻ സ്പേസ് പങ്കിടും. ഏറ്റവും വലിയ സ്നേഹത്തോടെ ബാലയും കോകിലയും… എന്നാണ് പുതിയ വീടിന്റെ വീഡിയോ പങ്കിട്ട് ബാല കുറിച്ചത്.
അമൃത പറയുന്നതനുസരിച്ച് നടന്റെ നാലാം വിവാഹമാണിത്. അമൃതയെ വിവാഹം കഴിക്കും മുമ്പ് കന്നഡക്കാരിയായ യുവതിയെ ബാല വിവാഹം കഴിച്ചിരുന്നുവെന്നും എന്നാൽ ഇക്കാര്യം മറച്ച് വെച്ചാണ് തന്നെ വിവാഹം കഴിക്കാനൊരുങ്ങിയതെന്നുമാണ് അമൃത പറഞ്ഞത്. അമൃത സുരേഷുമായുള്ള വിവാഹ ബന്ധം വേർപ്പെടുത്തിയ ശേഷം ബാലയുടെ ജീവിതത്തിലേക്ക് വന്നത് തൃശൂർ സ്വദേശിയും ഡോക്ടറുമായ എലിസബത്ത് ഉദയനായിരുന്നു. ഒരു വർഷം മുമ്പ് എലിസബത്തും ബാലയും തമ്മിലും വേർപിരിഞ്ഞു.
