ആരോഗ്യ പ്രവർത്തകരെ അക്രമിക്കുന്നവർ വിവേകമില്ലാത്ത ഏറ്റവും മോശം ക്രിമിനലുകൾ ; രൂക്ഷ വിമർശനവുമായി അജയ് ദേവ്ഗണ്‍

ആരോഗ്യപ്രവര്‍ത്തകരെ ആക്രമിക്കുന്നവരെ രൂക്ഷമായി വിമര്‍ശിച്ച് ബോളിവുഡ് താരം അജയ് ദേവ്ഗണ്‍.
ട്വിറ്ററിലൂടെയാണ് ഇവരെ വിമർശിച്ച് അജയ് ദേവ്ഗണ്‍ എത്തിയത്.

”അടിസ്ഥാനരഹിതമായ അനുമാനങ്ങളുടെ പശ്ചാത്തലത്തില്‍ ‘വിദ്യാസമ്പന്നരായ’ ആളുകള്‍ അവരുടെ സമീപത്തുള്ള ഡോക്ടര്‍മാരെ ആക്രമിക്കുന്നതിന്റെ റിപ്പോര്‍ട്ടുകള്‍ വായിക്കുമ്പോള്‍ നിരാശയും ദേഷ്യവും തോന്നുന്നു. അത്തരം വിവേകമില്ലാത്തവര്‍ ഏറ്റവും മോശം ക്രിമിനലുകളാണ്” എന്നാണ് അജയ് ദേവ്ഗണ്‍ ട്വീറ്റ് ചെയ്തിരിക്കുന്നത്.

ഈ കൊറോണ കാലത്തും ജീവൻ പോലും നോക്കാതെ ജനങ്ങളെ ശുശ്രൂഷിക്കുന്ന ഒരു കൂട്ടം ആരോഗ്യ പ്രവർത്തകർ നമുക്ക് ചുറ്റുമുണ്ട്. എന്നാൽ ഇവരെ ആക്രമിക്കുന്ന റിപ്പോർട്ടുകൾ തുടർച്ചയായി മാധ്യമങ്ങളിലൂടെ പുറത്തുവരുന്നു. ഈ പശ്ചാത്തലത്തിൽ ആരോഗ്യപ്രവര്‍ത്തകരെ ആക്രമിച്ച സംഭവത്തില്‍ നിരാശയും ദേഷ്യവും തോന്നുന്നുവെന്നാണ് അജയ് ദേവ്ഗണ്‍ ട്വിറ്ററില്‍ കുറിച്ചിരിക്കുന്നത്.

Ajay Devgn