എന്റെ മോന്‍ ശരിയല്ലെന്ന് എനിക്കറിയാം, ഇത് മീഡിയയിലൊന്നും വരരുത്, മോള്‍ സഹിക്കണം എന്ന് അച്ഛന്‍ പറഞ്ഞിരുന്നു; ഞാന്‍ അനുഭവിച്ച കാര്യങ്ങള്‍ പുറംലോകത്തെ അറിയിക്കാന്‍ എനിക്ക് മടിയായിരുന്നു; അന്ന് സരിത പറഞ്ഞത് വീണ്ടും വൈറൽ

ദീര്‍ഘനാളത്തെ പ്രണയത്തിനുശേഷം 1988-ലായിരുന്നു സരിതയുടേയും മുകേഷിന്റെയും വിവാഹം. സന്തോഷത്തോടെയാണ് തുടങ്ങിയതെങ്കിലും ഇടയ്ക്ക് വെച്ച് ദാമ്പത്യബന്ധം അവസാനിപ്പിക്കുകയായിരുന്നു ഇരുവരും. 2011-ല്‍ ഇരുവരും തമ്മില്‍ വേര്‍പിരിഞ്ഞു. ഈ ബന്ധത്തില്‍ ശ്രാവണ്‍ ബാബു, തേജസ് ബാബു എന്നീ രണ്ടു മക്കളുണ്ട്.

ഇപ്പോഴിതാ വിവാഹത്തെക്കുറിച്ചും വിവാഹമോചനത്തെക്കുറിച്ചുമൊക്കെ തുറന്നുപറഞ്ഞുള്ള സരിതയുടെ അഭിമുഖം സോഷ്യല്‍മീഡിയയിലൂടെ വൈറലായിക്കൊണ്ടിരിക്കുകയാണ് സ്വന്തം ചാനലിലൂടെയായി സരിതയെക്കുറിച്ച് പറഞ്ഞ് മുകേഷ് എത്തിയതിന് പിന്നാലെയായാണ് സരിതയുടെ അഭിമുഖവും ചര്‍ച്ചയായി മാറിയത്. സരിതയ്‌ക്കൊപ്പം ജീവിക്കുമ്പോൾ ഉണ്ടായ ഒരു സംഭവത്തെ കുറിച്ചായിരുന്നു മുകേഷ് തന്റെ യൂട്യൂബ് ചാനലിലൂടെ തുറന്ന് പറഞ്ഞത്

സരിതയുടെ വാക്കുകളിലേക്ക്

14ാമത്തെ വയസില്‍ അഭിനയിച്ച് തുടങ്ങിയതാണ്. എന്നെ നോക്കാന്‍ കൂടെയൊരാള്‍ വേണമായിരുന്നു. അതിനാണ് കല്യാണം കഴിച്ചത്. സന്തോഷത്തോടെയുള്ളൊരു കുടുംബജീവിതമായിരുന്നു ആഗ്രഹിച്ചത്. കല്യാണം കഴിഞ്ഞതോടെയാണ് ജീവിതം മാറിയത്. എനിക്ക് റസ്റ്റ് കിട്ടുന്ന പോലെ തോന്നിയിരുന്നില്ല. എനിക്ക് വേണ്ടി ഞാന്‍ ജോലി ചെയ്യണമായിരുന്നു. രണ്ട് മാസം ഗര്‍ഭിണിയായിരിക്കുന്നതിനിടയിലാണ് എന്റെ അച്ഛന്‍ മരിച്ചത്. അച്ഛനായിരുന്നു എന്റെ എല്ലാം. ലോകം പഠിക്കാന്‍ തുടങ്ങിയത് അപ്പോഴാണ്.

ലോകം അറിഞ്ഞ ദിവസമാണ് അദ്ദേഹം വിവാഹിതനായെന്ന് ഞാനും അറിഞ്ഞത്. എനിക്ക് ഡിവോഴ്‌സ് കിട്ടിയിരുന്നില്ല. 2011 ല്‍ ഞാന്‍ വിവാഹമോചന ഹര്‍ജി പിന്‍വലിച്ചിരുന്നു. അതുകഴിഞ്ഞ് മോനെ വിളിച്ച് അദ്ദേഹം ഡിവോഴ്‌സ് കിട്ടിയെന്ന് പറഞ്ഞിരുന്നു. എന്റെ അറിവില്ലാതെ അദ്ദേഹത്തിന് എങ്ങനെയാണ് ഡിവോഴ്‌സ് കിട്ടിയതെന്നറിയില്ലെന്നായിരുന്നു മുകേഷുമായുള്ള വിവാഹമോചനത്തെക്കുറിച്ച് ചോദിച്ചപ്പോള്‍ സരിത പറഞ്ഞത്. ഗാര്‍ഹിക പീഡനത്തിനും വിവാഹമോചനത്തിനുമായി ഞാന്‍ രണ്ട് പരാതി കൊടുത്തിരുന്നു. അത് പിന്‍വലിച്ചാല്‍ മൂച്യല്‍ ഡിവോഴ്‌സിന് ശ്രമിക്കാമെന്ന് പറഞ്ഞിരുന്നു. അത് പിന്‍വലിച്ചെങ്കിലും അദ്ദേഹം കോടതിയിലേക്കൊന്നും വന്നിരുന്നില്ല.

ഞാന്‍ അനുഭവിച്ച കാര്യങ്ങള്‍ പുറംലോകത്തെ അറിയിക്കാന്‍ എനിക്ക് മടിയായിരുന്നു. സിനിമയിലൊക്കെയേ ഞാന്‍ അങ്ങനെ കണ്ടിട്ടുള്ളൂ. എന്റെ ജീവിതത്തില്‍ ഇങ്ങനെ സംഭവിക്കുമെന്ന് ഞാന്‍ കരുതിയില്ല. അതേക്കുറിച്ച് മറ്റൊരാളോട് പറയാന്‍ നാണക്കേട് തോന്നിയിരുന്നു. കാര്യങ്ങളറിഞ്ഞ് ചിലരൊക്കെ വിളിച്ചപ്പോഴും ഞാന്‍ ഒന്നും തുറന്ന് പറഞ്ഞിരുന്നില്ല. അവളെത്ര സഹിച്ചുവെന്ന് അദ്ദേഹം എപ്പോഴെങ്കിലും ചിന്തിക്കുമെന്ന് കരുതി. അദ്ദേഹത്തിന്റെ അച്ഛന് ഞാന്‍ വാക്ക് കൊടുത്തിരുന്നു, അതാണ് പോലീസില്‍ പരാതിപ്പെടാതിരുന്നത്.

എന്റെ മോന്‍ ശരിയല്ലെന്ന് എനിക്കറിയാം, ഇത് മീഡിയയിലൊന്നും വരരുത്. മോള്‍ സഹിക്കണം എന്ന് അച്ഛന്‍ പറഞ്ഞിരുന്നു. ആ വാക്ക് അദ്ദേഹത്തിന്റെ മരണം വരെ ഞാന്‍ പാലിച്ചിരുന്നു. ഇപ്പോഴാണ് ഞാന്‍ എന്തെങ്കിലും തുറന്ന് പറയുന്നത്. എന്നെ വല്ലാതെ തെറ്റിദ്ധരിക്കുന്നത് കൊണ്ടാണ് ഞാന്‍ ഇതേക്കുറിച്ച് തുറന്ന് പറയുന്നത്. മകന് മഞ്ഞപ്പിത്തം വന്നതിനെക്കുറിച്ച് പറഞ്ഞപ്പോള്‍ എന്നെ ട്രാപ്പിലാക്കുകയാണോ എന്നായിരുന്നു ചോദിച്ചത്. ശാരീരികമായി പല തരത്തില്‍ ഉപദ്രവിച്ചിട്ടുണ്ട്. കരയുന്ന സമയത്ത് നല്ല അഭിനേത്രിയാണല്ലോ എന്നാണ് ചോദിക്കാറുള്ളത്.

കല്യാണം കഴിഞ്ഞ ശേഷം ഈഗോ ക്ലാഷ് വരാനുള്ള അവസരം ഞാന്‍ കൊടുത്തിരുന്നില്ല. പല അവസരങ്ങളും ഞാന്‍ വേണ്ടെന്ന് വെച്ചിട്ടുണ്ട്. അദ്ദേഹത്തിന്റെ കാര്യങ്ങള്‍ക്കായിരുന്നു ഞാനെപ്പോഴും പരിഗണന കൊടുത്തിരുന്നു. അദ്ദേഹം ഹാപ്പിയായി ഇരിക്കണമെന്നായിരുന്നു ആഗ്രഹിച്ചത്. അഭിനയം നിര്‍ത്തി സിനിമയില്‍ നിന്നും മാറാന്‍ തീരുമാനിച്ചതില്‍ കുറ്റബോധമൊന്നുമില്ല. ഞാന്‍ വീണ്ടും അഭിനയിക്കാനായി തീരുമാനിച്ചപ്പോള്‍ അദ്ദേഹത്തിന് ഇഷ്ടമായിരുന്നില്ല. നമ്മള്‍ ശരിയാണെങ്കില്‍ എന്തിനാണ് ഇമേജിനെ ഭയക്കുന്നതെന്നുമായിരുന്നു സരിത ചോദിച്ചത്.

നിങ്ങളുടെ അനുഭവങ്ങള്‍ വിശ്വസിക്കാനാവുന്നില്ല. നടനെന്ന് നിലയില്‍ പോലും ഇയാളെ ഇഷ്ടപ്പെട്ട് പോയല്ലോ എന്നോര്‍ക്കുമ്പോള്‍ ലജ്ജ തോന്നുന്നു. ഡിവോഴ്‌സ് പോലും നേടാതെ റീമാരേജ് ചെയ്തിട്ടെന്തായി, അതും പൊളിഞ്ഞു. നിങ്ങള്‍ക്ക് തുണയായി എന്നും മക്കളുണ്ടാവും. എന്തൊരു മനുഷ്യനാണ് ഇയാളൊക്കെ. സിനിമയിലും ബഡായ് ബംഗളവിലും ഒക്കെ എന്തൊരു മാന്യൻ. ഇപ്പൊ വയസാൻകാലത്തു കൂടെ ഒരാൾ പോലും തിരിഞ്ഞുനോക്കാനില്ല. രണ്ടാം ഭാര്യയും ഇട്ടിട്ടുപോയി. മക്കളും ഈ അമ്മയും അവരുടെ ജീവിതം നന്നായി ജീവിക്കുന്നു. ഇങ്ങനെയുള്ളവർക്കൊക്കെ ഇത് തന്നെ അവസാനം. ഇത്ര നല്ല ഭാര്യയെ കിട്ടുവാൻ അദ്ദേഹത്തിന് യോഗമില്ല തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.

സരിതയുമായുള്ള വിവാഹത്തിന് ശേഷം 2013 ൽ ആണ് നര്‍ത്തകിയായ മേതില്‍ ദേവികയെ മുകേഷ് വിവാഹം ചെയ്യുന്നത്. എന്നാൽ 2021 ല്‍ ഇരുവരും നിയമപരമായി വിവാഹമോചനം നേടി.