Connect with us

എല്ലാം ശരിയാണ്, മനസ്സിൽ തോന്നിയ ആ കാര്യങ്ങൾ പറഞ്ഞിട്ടുണ്ട്, ദേഷ്യത്തിന്റെ പുറത്തോ ഇമോഷണലായോ പറഞ്ഞതല്ല, പുതിയ വീഡിയോയുമായി ബാല

Actor

എല്ലാം ശരിയാണ്, മനസ്സിൽ തോന്നിയ ആ കാര്യങ്ങൾ പറഞ്ഞിട്ടുണ്ട്, ദേഷ്യത്തിന്റെ പുറത്തോ ഇമോഷണലായോ പറഞ്ഞതല്ല, പുതിയ വീഡിയോയുമായി ബാല

എല്ലാം ശരിയാണ്, മനസ്സിൽ തോന്നിയ ആ കാര്യങ്ങൾ പറഞ്ഞിട്ടുണ്ട്, ദേഷ്യത്തിന്റെ പുറത്തോ ഇമോഷണലായോ പറഞ്ഞതല്ല, പുതിയ വീഡിയോയുമായി ബാല

നടന്‍ ബാലയെ മലയാളികൾക്ക് കൂടുതൽ പരിചയെപ്പെടുത്തേണ്ട ആവിശ്യമില്ല. സൗത്ത് ഇന്ത്യയുടെ പ്രിയ നടനായ ബാല തമിഴ് സിനിമയിലൂടെയാണ് വെള്ളിത്തിരയില്‍ എത്തിയത്. കളഭമാണ് ബാലയുടെ ആദ്യത്തെ മലയാള സിനിമ. ആദ്യ സിനിമയില്‍ തന്നെ മികച്ച പ്രേക്ഷക സ്വീകാര്യത നേടാന്‍ നടന് സാധിച്ചു. സിനിമ ജീവിതം പോലെ തന്നെ ബാലയുടെ ദാമ്പത്യ ജീവിതം എന്നും വാർത്തകളിൽ എന്നും നിറഞ്ഞ് നിന്നിരുന്നു

ഈ അടുത്ത കാലത്തായി സിനിമകളേക്കാൾ കൂടുതൽ വ്യക്തിജീവിതത്തിലെ സംഭവങ്ങളുടെ പേരിലും ട്രോളുകളിലൂടെയുമാണ് ബാലയുടെ പേര് ചർച്ച ചെയ്യപ്പെടുന്നത്. ഒരു ടെലിവിഷൻ പരിപാടിക്കിടെ ടിനി ടോമും രമേശ് പിഷാരടിയും ചേർന്ന് ബാലയെ അനുകരിച്ചത് ഏറെ വൈറലായിരുന്നു. വീഡിയോ വൈറലായതോടെ വൈകാരികമായി പ്രതികരിച്ച് ബാല രംഗത്ത് എത്തിയിരുന്നു.

ഇപ്പോൾ ഫേസ്‌ബുക്കിൽ മറ്റൊരു വീഡിയോ പങ്കുവച്ചിരിക്കുകയാണ് ബാല. ഫ്ളവേഴ്സിലെ സ്റ്റാർ മാജിക് എന്ന കോമഡി പരിപാടിയിൽ താൻ പങ്കെടുത്തെന്നും അതിൽ മനസ്സിൽ തോന്നിയ ചില കാര്യങ്ങൾ പറഞ്ഞിട്ടുണ്ട് എന്നുമാണ് നടൻ വീഡിയോയിൽ പറയുന്നത്. ദേഷ്യത്തിന്റെ പുറത്തോ ഇമോഷനലായോ പറഞ്ഞതല്ല ചിന്തിച്ച് പറഞ്ഞതാണെന്നും ബാല പറയുന്നു. ബാലയുടെ വാക്കുകൾ ഇങ്ങനെ.

‘എല്ലാവർക്കും നമസ്കാരം, ഇത് ബാലയാണ്. ഇന്നലെ ഞാൻ കൊച്ചിയിലുണ്ടായിരുന്നു. ഒരു ദിവസം മാത്രമേ ഉണ്ടായിരുന്നുള്ളൂ. സ്റ്റാർ മാജിക്കിന്റെ ഷൂട്ട് ഉണ്ടായിരുന്നു. അത് കോമഡി ഷോയാണ് പക്ഷെ എന്റെ മനസിൽ തോന്നിയ കുറച്ചു കാര്യങ്ങൾ ഞാൻ ആ പരിപാടിയിൽ പറഞ്ഞിട്ടുണ്ട്. അത് ഞാൻ ദേഷ്യപ്പെട്ടോ ഇമോഷനലായോ പറഞ്ഞതല്ല,’ ഞാൻ വളരെ വളരെ വളരെ ഓർത്ത്, വളരെ ചിന്തിച്ച് പറഞ്ഞതാണ്. ഇപ്പോൾ ഞാൻ ചെന്നൈയിലാണ്. 15ന് ശേഷം ഞാൻ തിരിച്ചെത്തും. അതിനിടെ കുറെ ചോദ്യങ്ങളും എനിക്ക് പോലും അറിയാത്ത കുറെ ഉത്തരങ്ങളും ഞാൻ കേൾക്കുന്നുണ്ട്. എല്ലാം ശരിയാണ്. ഞാനും നിങ്ങളുടെ കൂട്ടത്തിൽ നിൽക്കുന്ന ഒരാളാണ്. വേണ്ടാന്ന് വെച്ചാൽ വേണ്ട!

‘ഞാൻ ഇപ്പോൾ ചെന്നൈയിൽ വന്നത് കുറച്ച് നല്ല കാര്യങ്ങൾ ചെയ്യാനാണ്. ചില കമ്മിറ്റ്മെന്റുകളാണ് എന്റെ സ്നേഹമാണ്. ഞാൻ ആർക്കും അഭിമുഖം നൽകാൻ തയ്യാറാണ്. പക്ഷെ നേരിട്ട് ചോദിക്കണം. പുറകിൽ നിന്ന് ചോദിക്കണ്ട. അങ്ങനെയാണെങ്കിൽ ഉത്തരം നല്കാൻ ഞാൻ തയ്യാറാണ്. നമ്മുക്ക് സ്നേഹത്തോടെ മുന്നോട്ട് പോകാം,’ ബാല പറഞ്ഞു. എന്താണ് കാര്യം എന്ന് ചോദിച്ച് നിരവധിപേർ നടന്റെ വീഡിയോക്ക് താഴെ കമന്റ് ചെയ്തിട്ടുണ്ട്. ഒന്നും മനസിലാകുന്നില്ല, എന്ത് പറ്റി എന്നുള്ള കമന്റുകളും വീഡിയോക്ക് താഴെ കാണാം. അന്തോം കുന്തോം കിട്ടുന്നില്ല. ട്രോൾ വിഷമയമാണോ , അമൃതയെ കുറിച്ച്‌ എന്തെങ്കിലും ആണോ എന്നൊക്കെയാണ് ആരാധകരുടെ സംശയങ്ങൾ.

More in Actor

Trending

Malayalam